ABŞ Çin və Rusiya ilə imzalayacağı yeni silahlanmaya nəzarət müqaviləsi hazırlayır

ABŞ Çin və Rusiya ilə imzalayacağı yeni silahlanmaya nəzarət müqaviləsi hazırlayır
Ordu.az “Washington Post”a istinadən xəbər verir ki, belə bir iddia ilə bir neçə amerikalı rəsmi çıxış edib.

Rəsmilərin sözlərinə görə, Tramp bu göstərişi Rusiyanın müqavilələrdən kənarda qalmış nüvə silahlarına yeni sərhədlər gətirmək məqsədilə verib. Eyni zamanda Çinin nüvə potensialı da ilk dəfə yeni müqaviləyə daxil ediləcək və bu mənada müqavilənin digər bir məqsədinin Pekinin strateji hərbi qabiliyyətlərinin təsdiqlənməsi olduğu irəli sürülür.

Hazırlıq işlərinin yeni başladığı və belə müqavilə üzrə müzakirələrin illər ərzində davam edə biləcəyi bildirilib. Buna görə də, ilk prezidentlik dövrünün bitməsinə iki il qalan Trampın Çin və Rusiya ilə gərginliyi pik həddə qaldırdığı bir zamanda bu cəhddən uğurlu nəticə alması şübhə doğurur.

Ağalar Ağalarlı

İKT xəbərləri
 Azərbaycanda Falcons Summit sammiti keçirilir

Azərbaycanda Falcons Summit sammiti keçirilir

26-04-2019 15:50 - Xeberler.az - İKT
Nəqliyyat, Rabitə və Yüksək Texnologiyalar Nazirliyi yanında İnnovasiyalar Agentliyi tərəfindən Bakı şəhərində “Falcons Summit” adlı qlobal tədbir təşkil olunub.
Xeberler.az bildirir ki, “Falcons Summit”in əsas məqsədi müxtəlif sahələrdə fəaliyyət göstərən innovativ startap layihələrinin investorlara təqdim edilməsi, maliyyələşdirmə imkanlarının müzakirəsi və Azərbaycanın mövcud sərmayə imkanlarının nümayişindən ibarətdir.
Tədbir kapitalın artırılması və böyük investorlar, biznes liderləri, beynəlxalq təşkilatlar və dövlət qurumlarının nümayəndələri ilə işgüzar əlaqələr yaratmaq arzusunda olan startap şirkətləri üçün yeni imkanlar yaratmağa hədəflənib.
Sammitin bu gün keçirilən açılış mərasimində nəqliyyat, rabitə və yüksək texnologiyalar nazirinin müavini Elmir Vəlizadə, “Azərbaycan Sənaye Korporasiyası” ASC-nin baş direktoru Kamran Nəbizadə, Ekologiya və Təbii Sərvətlər Nazirliyinin və BP şirkətinin rəhbər şəxsləri çıxış edib.
Daha sonra İnnovasiyalar Agentliyi tərəfindən hazırlanan Azərbaycanın investisiya potensialını, ölkəmizə investisiya yatırımının perspektivlərini əhatə edən “İnnovaNation” adlı videoçarx nümayiş olunub.
Sözügedən sammit Körfəz ölkələrindən (Küveyt, Səudiyyə Ərəbistanı, Qətər, Birləşmiş Ərəb Əmirlikləri və Oman), eləcə də, Yaponiya, İtaliya, Fransa, İsrail, İsveçrə, Böyük Britaniya, Türkiyə, Belarus, ABŞ, Qazaxıstan, Koreya, Braziliya, Almaniya, Rusiya, Çexiya, Hindistan və Ukraynadan olan investor, startapçı, sahibkar, şirkət və təşkilat nümayəndələrini bir araya toplayıb.
Tədbirdə adıçəkilən ölkələrdən nümayəndə heyəti ilə yanaşı, dövlət və hökumət strukturlarından rəhbər şəxslər, diplomatik korpusların təmsilçiləri, bank-maliyyə seqmentinin nümayəndələri və özəl şirkət təsisçiləri iştirak edib.
Ümumilikdə tədbirə 500-dən çox layihə və şirkətlərin nümayəndələri qatılıb.
26 aprel tarixinədək davam edəcək “Falcons Summit” çərçivəsində potensial investor, vençur fond və startap şirkətləri arasında “B2B” formatında görüşlərin təşkili də nəzərdə tutulur.
Ordu.az digər xəbərlər