ABŞ HHQ qırıcıları lazer silahları ilə silahlandırmaq istəyir

ABŞ HHQ qırıcıları lazer silahları ilə silahlandırmaq istəyir

Artıq ABŞ Hərbi Hava Qüvvələri bu məsələ ilə bağlı bir qədər də irəli gedərək 2020-ci illərin əvvəlində öz qırıcılarını onunla təchiz etmək istəyir. Bu qırıcılar arasında “Lockheed Martin” istehsalı beşinci nəsil stels təyyarələri olan F-35-in də adı hallanır.

Ötən ayın sonlarında Pentaqon 2019-cu il Raketdən Müdafiə Doktrinasını yaydı. Sənəddə onun ABŞ-ı düşmən raketlərindən necə xilas etməyi düşünməsi ilə bağlı strateji plan göstərilib. Doktrinada F-35 qırıcılarının lazer silahları ilə silahlandırılması ilə bağlı da qeyd var. Bu silahlar F-35-lərə orta yüksəklikdə düşmən raketlərini endirmə imkanı verəcək.

Lazer silah texnologiyası ABŞ HHQ üçün heç də yeni deyil. Onun Tədqiqat Laboratoriyası uzun illər ərzində Kirtland aviabazasından olmaqla təkmilləşdirmə səylərinə rəhbərlik edib. Onun diqqətində yüksək enerjili elektromaqnit, silah dizaynları, simulyasiya və istiqamətləndirilmiş enerji, elektro-optiklər var. Laboratoriya uçuş zamanı həyata keçiriləcək raket atışlarının qurudan çoxsaylı sınağını təşkil edib və qarşıdakı illərdə də bir neçə sınaq planlaşdırılır.

Hazırda ABŞ HHQ-nin bu məsələ ilə bağlı əsas proqramlarından biri Özünümüdafiə Yüksək Enerji Lazer Nümayişçi (SHIELD) adlanır və onun məqsədi qırıcı təyyarələrə düşmənin təyyarəsini güclü lazerlə isidərək yandırmaq imkanı qazandırmaqdır.

Lazer sistemlərinin ənənəvi silahlara nəzərən sahib olduğu əsas üstünlüklərdən biri düşmən hədəflərini onları təmamilə dağıtmadan, yaxud qurudakı mülki həyata zərər yetirmədən zərərsizləşdirmə imkanı qazandırmasıdır.

Ağalar Ağalarlı

İKT xəbərləri
Ordu.az digər xəbərlər
Nə baş verir?| Mübariz QİO, Satqın “Alman planı” və Fürsətçillər

Nə baş verir?| Mübariz QİO, Satqın “Alman planı” və Fürsətçillər

26-04-2019 15:25 - Ordu.az - Siyasət
500 piyada, 70 süvari, 3 zirehli avtomobil Maştağanın cənubundan Buzovnaya gedən yolla hərəkət etmək istədilər, lakin Maştağa dəstəsi və Ləzgi süvari alayı tərəfindən geri atıldılar.579 Hələ iyulun axırlarında Şollar su xətti türk-Azərbaycan döyüşçülərinin nəzarətinə keçsə də, insanpərvərliklə seçilən türk-müsəlman komandanlığı şəhər əhalisinin əziyyətlərini nəzərə alaraq su xəttinə toxunmadı. 

Sentyabrın 10-da QİO komandanı Bakıya hücum əmrini imzaladı; Şərq Cəbhəsi komandanlığı və Şimal qrupu ləğv edilir; hazırlıq işləri 11 sentyabr saat 21-də tamamlanır; Şərq cəbhəsi kimi tanınan qüvvələr (5-ci, 15-ci firqələr, Cənub qrupu) birbaşa QİO komandanına tabe edilir; qoşunların tərkibi - 5-ci firqə: 9-cu, 10-cu, 13-cü, 56-cı piyada alayları, dağ qaubitsa batareyası, 13 rus səhra topu, 4 rus dağ topu, 2 ədəd 105 mm-lik səhra qaubitsası, 3 Qüdrətli dağ batareyası (10 top), 2 Şnayder topu, 6 Şnayder dağ topu; 15-ci firqə: 38-ci, 107-ci piyada alayları, 2-ci mürəttəb süvari alayı, Azərbaycan süvari alayları, Dikaya diviziya (Tatar süvari alayı nəzərdə tutulur) və milis (könüllülər) taborları, 105 mm-lik səhra qaubitsa, 2 rus Şnayder dağ, qüdrətli dağ batareyaları, 4 Krupp dağ topu, Krupp dağ taqımı; Cənub qrupu: 4-cü Azərbaycan piyada alayının 1-ci və 2-ci taborları, iki süvari bölüyü, süvari Azərbaycan bölüyü, iki Krupp dağ, iki rus səhra topu; 106-cı piyada alayının iki taboru Hökməlinin cənubunda ehtiyat saxlanılacaq, bir tabor 5-ci firqəyə veriləcək; 5-ci firqə sağ cinahı ilə Hacı Həsən-Ermənikənd istiqamətində irəliləyəcək, Heybət stansiyasından, dəniz sahili və Qurd qapısınadək olan ərazini tutacaq, mümkün olarsa, təpəni zəbt edəcək; 15-ci firqə Biləcərinin şərqindən sağ cinahı istiqamətində hücum edəcək.