ABŞ ordusu gerçəkliyi artırılmış gecəgörmə eynəkləri üzərində işləyir

ABŞ ordusu gerçəkliyi artırılmış gecəgörmə eynəkləri üzərində işləyir
Ordu.az xarici KİV-lərə istinadən xəbər verir ki, eynəyin kompas kimi istifadə edilə biləcəyi və nişanalma sisteminə malik olmasının gözlənildiyi bildirilir.

Lakin mühəndislərin məqsədinin bundan daha ambisiyalı olduğu və quru qoşunlarının çox ciddi texnoloji yeniliklə tanış olacağı da gəzən söyləntilər arasındadır. Draft versiyası hazır olan eynək əsgərlərə döyüş meydanında daha böyük kommunikasiya və koordinasiya imkanı qazandıracaq.

Bununla yanaşı o, başqa bir neçə vacib xüsusiyyəti də özündə birləşdirə bilər. Bunlara xəritədə əsgərə xüsusi nöqtəni göstərmək, bu nöqtənin ətrafdakı hansı məntəqəyə uyğun olması, əsgərlərin görə bilmədiyi digərlərinin yerləşmə nöqtələrinin göstərilməsi və s daxildir.

Ağalar Ağalarlı

İKT xəbərləri
Ordu.az digər xəbərlər
Azərbaycanlıların Osmanlı Türkiyəsinə yardımı - Çanaqqala zəfəri

Azərbaycanlıların Osmanlı Türkiyəsinə yardımı - Çanaqqala zəfəri

26-04-2019 15:25 - Ordu.az - Siyasət

“Azərbaycanlıların Çanaqqala döyüşlərində iştirakı və Birinci Dünya müharibəsində Osmanlı ordusunda vuruşan azərbaycanlılar” mövzusu ilə bağlı Türkiyə Cümhuriyyəti Başbakanlıq Osmanlı Arxivində və Genelkurmay Askeri Tarix və Strateji Etüd Arxivində apardığımız uzunmüddətli tədqiqatların yekunlarına görə, Birinci Dünya müharibəsi illərində könüllü olaraq Osmanlı ordusuna qatılan və Antantaya qarşı vuruşan, şəhid düşən və ya qazi olan azərbaycanlıları amallarına görə iki qrupa bölə bilərik:


1) Bütün İslam dünyasının xəlifəsi olan Osmanlı sultanının cihad çağırışına müsbət yanaşıb sidqi-ürəklə cihada qatılanlar;
2) Antanta ölkələrinin işğalı altında olan vətənlərini müstəmləkə rejimindən azad etmək üçün Osmanlı dövlətindən yardım uman və ona güvənən aydınlar.

“Azərbaycanlıların Çanaqqala döyüşlərində iştirakı” problemini öyrənmək üçün Başbakanlıq Osmanlı Arxivində olan bütün Çanaqqala dosyaları (təxminən 1200 portfel), ATASE arxivində Çanaqqala döyüşləri və bütövlükdə Birinci Dünya müharibəsi ilə bağlı bütün kataloqlar, Milli Savunma Bakanlığı Arxivinin 330.000 şəhidin adının yer aldığı “Şəhid Təsbit Projesi” tamamilə, 1914-cü ildən bəri bu günə qədər Türkiyədə nəşr olunan bütün qəzet və jurnallar, eyni zamanda 1914-cü ildən indiyə qədər Çanaqqala və bötövlükdə Birinci Dünya müharibəsi ilə bağlı türk dilində dərc olunan bütün elmi nəşriyyat tərəfimizdən araşdırıldı.