Apple şirkəti məhkəmədə saat istehsalçısına məğlub oldu

Apple şirkəti məhkəmədə saat istehsalçısına məğlub oldu

Apple şirkətinin İsveçrədə keçirilən məhkəməsinin nəticəsi Avstraliyada da təkrarlandı.

Milli.Az chip.az-a istinadən bildirir ki,Apple İsveçrəyə məxsus "Swatch" şirkətinin "One more thing" cümləsini istifadə etməsinin qaydalara zidd olması ilə bağlı məhkəmədə ifadə verib. Apple bu cümləni "Swatch"-a qadağan olunmasını istəməsinə səbəb olaraq Steve Jobs-un "Apple Keynotes"in istifadəsi zamanı bunu müntəzəm olaraq tətbiq etməsini göstərib. Apple bu ifadənin onların ticarət nişanı olduğunu qeyd edib.

Swatch isə sözü gedən cümləni "Just one more thing" formasında TV detektifi Columbonun tez-tez ifadə etdiyini vurğulayaraq adı çəkilən şəxsdən götürdüklərini bildirib.

Hər iki tərəfi dinləyən məhkəmə hakimi Adrian Richards isə "Apple"nin iddialarına qarşı "Swatch"ın lehinə qərar verərək texnologiya nəhənginin saat istehsalçısına təzminant ödəməli olduğunu diqqətə çatdırıb.

Qeyd edək ki, şirkət Avstraliyada olduğu kimi İsveçrədə keçirilən oxşar məhkəmədə də saat istehsalçısına məğlub olmuşdu. Həmin məhkəmədə isə Apple "Swatch"a "Tick Different" cümləsinin istifadəsi ilə əlaqədar iddia qaldırmışdı. Apple "Tick Different " süarının onlara məxsus olduğunu bildirsə də, məhkəmə "Swatch"ın xeyrinə qərar vermişdi.

Bütün bunlara baxmayaraq, Apple məhkəmə çəkişmələrində qazanan tərəf olmasada mövcud sektorda üstünlüyü ələ alaraq saat satışı sənayesində İsveçrə nəhəngini qabaqlaya bildi.

Milli.Az

İKT xəbərləri
Azərbaycan SQ-nin görən gözü: EL/M-2084 çoxməqsədli radiolokasiya stansiyaları – HƏRBİ EKSPERT (ANALİZ)

Azərbaycan SQ-nin görən gözü: EL/M-2084 çoxməqsədli radiolokasiya stansiyaları – HƏRBİ EKSPERT (ANALİZ)

26-04-2019 15:23 - Ordu.az - İKT

EL/M-2084 RLS ailəsi, artilleriya silahlarının yerləşdirilməsi koordinatlarının aşkar edilməsini, hava hücumundan müdafiənin əməliyyat vəzifələrinin həllini təmin etməklə kiçik, orta və uzaq mənzilli radiusda döyüş vəzifələri üçün ən optimal variant hesab edilir.


EL/M-2084 çoxməqsədli RLS-i yüksək fəaliyyət etibarlılığına, üzun müddət istifadə resursuna və əməliyyat rahatlığına malikdir.

Ümumi məlumat

Çoxməqsədli EL/M-2084 RLS tərəfindən vəzifələr 2 rejimdə yerinə yetirilir.

Düşmən artilleriyasının koordinatlarının aşkar edilməsində:

- Düşmənin minaatan, top, idarəolunan mərmi və raketlərinin yerləşdirilməsi koordinatlarını aşkar edir;
- Düşmənin silahlarının yerləşdirilməsi sxemini tərtib edir;
- Düşmənə endiriləcək zərbə nöqtələrinin hesabatını hazırlayır;
- Öz qoşunlarının atəş məsafəsini və digər məlumatları müəyyənləşdirir.

Hava hücumundan müdafiədə:

- Bütün növ hava hədəflərinin aşkarlanmasını və təsnifatını;
- Manevr edən hədəfləri təqib etmək üçün yüksək yenilənmə sürətini;
- Real vaxtda hava şəraitinin yaradılmasını təmin edir.


EL/M-2084 RLS-ın fəaliyyət prinsipi

EL/M-20843D RLS-in modul və miqyaslanan radar konfiqurasiyasıın iş prinsipi aktiv idarəedilən anten (AFAR) tərəfindən təmin edilir.

RLS iki əməliyyat rejimində fəaliyyət göstərir:

- Artilleriya atəş vasitələrini aşkar edən RLS rejimi: sektor 120 dərəcəyə qədər;
- HHM rejimi: yeniləmə sürətini sürətləndirmək üçün dəqiqədə 30 dəfəyə qədər fırlanma.

Bundan əlavə RLS:

- Konfiqurasiya ilə bir neçə dəfə miqyaslana bilir;
- Yüksək hərəkətliliyə və sürətli yerləşdirməyə malikdir;
- "Lockheed C-130" hərbi təyyarəsi ilə rahat daşınır;
- Məsafədən idarəedilir;
- Birləşdirilən şəbəkədə çalışmaq və geniş radioelektron mübarizə imkanlarına malikdir.

Ətraflı siqnal emalında:

- Ağır maneələr şəraitində çalışır;
- SIx elektromaqnit mühitdə işləyə bilir;
- Hədəfləri aşkar edərək təsnifatlandırır;
- Aşağı uçan hədəflərə qarşı təkmilləşdirilıb;
- Yüksək dözümlülük və rahat funksionallığa malikdir.

Əsas texniki xüsusiyyətləri 

EL/M-2084 RLS-i HHM rejimində:

- Hədəfləri 47.4 km məsafədə aşkar edir;
- Azimut üzrə 120 dərəcəni və ya 360 dərəcəni əhatə edir;
- Yüksəklik üzrə 50 dərəcəni və ya 30480 metri əhatə edir;
- Dəqiqlik 3D formatında təmin edilir;
- Eyni zamanda 1200 hədəfi izləyə bilir.
Artilleriya batareyalarını aşkaretmə rejimində:
- Hədəfləri 100 km məsafədə aşkar edir;
- Azimut üzrə 120 dərəcəni əhatə edir;
- Yüksəklik üzrə 50 dərəcəni əhatə edir;
- CEP (Circular Error of Probability) formatında 0.25% dəqiqlik təmin edilir;
- Dəqiqədə 200 hədəf aşkarlana bilir.


Faktiki rəqəmlər RLS-in modelinə, konfiqurasiyasına və ölçüsünə görə dəyişə bilər.

Əvvəllər İsrailin silah bazarında rəqib olmağa çalışan şirkətlər tərəfindən iddia edilirdi ki, "Elta Systems" şirkətinin istehsalı olan EL/M-2084 RLS-ləri NATO-nun HHM/RƏM sisteminə inteqrasiya edilməsi mümkün deyil, çünki onlar qeyri-NATO ölkəsində istehsal edilib.
Milli.az digər xəbərlər