Avropa ölkələri humanitar vizalarla bağlı narahatlıq keçirir

Avropa ölkələri humanitar vizalarla bağlı narahatlıq keçirir


Fərhad Çağtürk / AzEuroNews.com / Köln ➤Bir neçə dövlət Avropa İnsan Hüquqları Məhkəməsinə humanitar viza tələbi ilə əlaqədar xəbərdarlıq edib. Bu barədə AzEuroNews.coma Almaniyada fəaliyyət göstərən “Leqat” inteqrasiya mərkəzindən məlumat daxil olub. Məlumatda deyilir ki, həmin ölkələrdən olan Belçika hesab edir ki, bir ölkə sığınacaq axtaran şəxsə viza verdiyi təqdirdə Avropa Birliyinin sığınacaq siyasətinə bütünlüklə ziyan vurmuş olacaq. Eyni yamanda humanitar viza tələbinin yerinə yetirilməsi isə sığınacaq və insan hüquqları sistemində radikal bir yenilik ola bilər.

Elə buna görə də bir neçə dövlət müharibə və böhran bölgələrindəki insanlara humanitar viza tələb etməsinə qarşı iddialarla bağlı Avropa İnsan Hüquqları Məhkəməsinə qətiyyətlə xəbərdarlıq edib. Bu tələbin təmin olunması insanlara hər hansı bir Avropa ölkəsi səfirliyindən sığınacaq üçün müraciət imkanı yarada bilər. Britaniya baş prokuroru Geoffrey Cox Strasburqda məhkəmədə belə bir fikir irəli sürüb.

Fransa nümayəndəsi Florence Merloz isə İnsan Hüquqları üzrə Avropa Konvensiyasının əhatə dairəsinin davamlı genişləndirilməsinə qarşı olduğunu bidirib: “Bu mümkün deyil.
Dünya üzrə bir çox münaqişələr hələ də davam etməkdədir. Əgər bir ölkə sığınacaq axtaran şəxsə viza verərsə, bu bütün Avropa İttifaqında sığınacaq sistemini zədələyə bilər”.

Digər dövlətlər də protokollara mənfi münasibət sərgiləyib. Suriyadan olan bir ailə Belçikaya qısamüddətli viza almaq üçün 2016-cı ildə ölkənin Hələb şəhərində yerləşən səfirliyinə müraciət edib. Onlar müraciət edən zaman sığınacaq istəmiş və gözlənilən müharibədən və onun gətirdiyi təhlükədən xilas olmaq arzusunda olduqlarını, Belçikada yaşayan dostları ilə birlikdə yaşayacaqlarını bildiriblər. Lakin hakimiyyət orqanları onlara viza verilməsindən imtina ediblər. Belə olan halda onlar məhkəməyə müraciət etmiş və hazırda işə Avropa İnsan Hüquqları məhkəməsində baxılır.

➤ Sistemdə radikal innovasiya


Bildiririk ki, AİHM 2012-ci ildə İtaliyanın Sahil Mühafizəsinin Lampedusadan 35 mil aralıda saxlanılan Liviyaya göndərilən qaçqınlara görə İtaliya Konvensiyanın tələblərini pozduğunu bildirmişdi. İtaliya, həmin vaxt öz ölkəsində təqib olunması ehtimal olunan şəxsləri vətənlərinə qaytarmışdı.

Hazırda başqa bir oxşar iş İspaniya ilə bağlı mövcuddur. Həmin işdə suriyalı ailə təhlükəsiz zonaya – Avropaya çıxış əldə etmək üçün səfirliyə müraciət edib. Bu halda da müraciət rədd edilib. Ərizəçi iddia edir ki, o ölkədə qalacağı halda “qeyri-insani və ya ləyaqəti alçaldan rəftar”a məruz qalacaq ki , bu da İnsan Hüquqları haqqında Konvensiyanın 3-cü maddəsi ilə qadağan edilir. Məhkəmə qərarının 3 ay sonra veriləcəyi gözlənilir.

Avropa İnsan Hüquqları Məhkəməsi daha əvvəl oxşar işə baxmış, belə bir pozuntunu tanımamış və qeyd etmişdi ki, viza vermək hər bir dövlətin müstəqil hüququdur və buna müdaxilə oluna bilməz.

Siyasət xəbərləri
Deputatlar Minskə gedir

Deputatlar Minskə gedir

26-04-2019 21:17 - Yenisabah.az - Siyasət
Milli Məclisinin deputatları – ATƏT Parlament Assambleyasının (ATƏT PA) vitse-prezidenti, ATƏT PA-nın İpək Yoluna Dəstək Qrupunun sədri Azay Quliyev və ölkəmizin ATƏT PA-dakı nümayəndə heyətinin üzvü Tahir Mirkişili aprelin 28-dən 30-dək Belarusun Minsk şəhərində keçiriləcək İpək Yoluna Dəstək Qrupunun ikinci beynəlxalq konfransında iştirak edəcəklər. "Yeni Sabah" xəbər verir ki, Belarus Parlamentinin və ATƏT PA-nın birgə təşkilatçılığı ilə keçiriləcək və “Bir kəmər, bir yol: davamlı inkişaf və tərəqqi üçün əməkdaşlığın dərinləşdirilməsi” mövzusuna həsr edilən konfransda İpək Yoluna Dəstək Qrupuna üzv olan dövlətlərin və digər ATƏT PA ölkələrinin parlament, hökumət və özəl sektor təmsilçiləri, eləcə də beynəlxalq təşkilatların, Belarusdakı diplomatik korpusun və ATƏT regionunda həyata keçirilən beynəlxalq infrastruktur layihələrinin yüksək vəzifəli nümayəndələrinin iştirakı nəzərdə tutulub. Konfransda “Bir kəmər, bir yol” təşəbbüsünün həyata keçirilməsi iqtisadi artım və iştirakçı dövlətlərin investisiya cəlbediciliyinin gücləndirilməsinə təsir edən amil kimi: mövcud problemlər və inkişaf yolları”; “Beynəlxalq infrastruktur layihələrinin həyata keçirilməsi – “Bir kəmər, bir yol” təşəbbüsünün uğuru üçün əsaslar” və “İştirakçı dövlətlərin humanitar sahədə əməkdaşlığının və turist cəlbediciliyinin artırılması üçün “Bir kəmər, bir yol” təşəbbüsünün potensialından istifadə” mövzularında panel iclasları keçiriləcək.

Mətbuat Şurasının İdarə Heyətinin iclası keçirilib:10 MEDİA VASİTƏSİNƏ XƏBƏRDARLIQ EDİLDİ - FOTOLAR

26-04-2019 15:33 - Strateq.az - Siyasət
yerlərdə səyyar satışın (əldə yayımın) bərpasını, iri market şəbəkələrində qəzet satışının təşkilini, Bakı Dəmiryol Vağzalında, Heydər Əliyev Hava Limanında, Bakı Beynəlxalq Avtovağzalında və digər bu kimi yerlərdə qəzet satışının bərpasını və təkmilləşdirilməsini, qəzet köşkləri üzrə icarə haqqı məsələsinin bazar qiymətlərinə və real imkanlara uyğun tənzimlənməsini, yayım firmaları üzərində köşklərdə çalışan işçiləri üçün təlimlərin təşkili öhdəliyinin müəyyənləşdirilməsini, həmçinin yayım firmalarının redaksiyalarla bağladıqları müqavilələrin vahid formasının hazırlanmasını və müqavilələrin bazar şərtlərinə uyğunlaşdırılmasını, səyyar qəzet satıcıları üçün vahid qaydaların və geyimin müəyyənləşdirilməsini, səyyar qəzet satıcılarının vergi ödəyicisi kimi qanunvericilikdə müəyyən olunmuş əlverişli qeydiyyatının həyata keçirilməsinin təmin olunmasını, onların sabit vergiyə cəlb edilmə istiqamətində işlərin aparılmasının zəruriliyinin vurğulanmasını göstərmək mümkündür. Müzakirələrdən sonra “Azedu.az”, “Yenixeber.org”, “Baku News” (baku.news), “42-ci paralel.az”, “Sozcu.info”, “Denizxeber.az” xəbər portalları, “Region mediası” qəzeti, “Ustad” dərgisi, “Loqos”, “Düyməcik”, “Elmi iş” jurnalları, “ONN media” (onn.az) və “Elit” İnformasiya Agentlikləri Şuraya üzv qəbul ediliblər.
Azeuronews.com digər xəbərlər