Azərbaycanda Aqrar Sığorta Fondu yaradılacaq

Azərbaycanda Aqrar Sığorta Fondu yaradılacaq

“Aqrar sığorta ilə bağlı işlək mexanizmi təmin edən yeni qanun layihəsinin hazırlanmasına zərurət yaranıb”.

ONA-nın məlumatına görə, bunu bu gün Milli Məclisin Aqrar syasət komitəsində “Aqrar sığorta haqqında” qanun layihəsinin müzakirəsi zamanı Milli Məclisin Aqrar qanunvericilik sektorunun müdiri Vilayət Əlizadə söyləyib.

V. Əlizadə deyib ki, qanun layihəsi hazırlanarkən Türkiyənin təcrübəsi əsas götürülüb: “Beləliklə, qanun layihəsi hazırlanıb, Aqrar Sığorta Fondunun yaradılması nəzərdə tutulur”.

Aqrar syiasət komitəsinin eksperti Zahid Abbasov bildirib ki, aqrar sahədə risklər çox olduğu üçün sığorta şirkətləri bu sahədə sığorta işinə maraqlı deyil. Ona görə də qanunda qeyri-kommersiya tipli aqrar sığorta orqanı yaradılması nəzərdə tutulur. Beləliklə, dövlət aqrar sahədəki risklərin hamısını öz üzərinə götürəcək: “Əgər fermerin sığorta haqqını ödəmək imkanı yoxdursa, aqrar sığorta orqanı fermerin əvəzinə pulu ödəyəcək, sonra fermer həmin pulu qaytara biləcək. Aqrar sığorta orqanında bununla əlaqədar vəsait yoxdursa, vəsait ayrılması üçün müraciət edəcək və vəsait ayrılacaq. Aqrar sığorta orqanının səhmdarları lisenziyası olan sığorta şirkətləri olacaq. Fermerlərlə də aqrar sığorta müqavilələrini həmin sığorta şirkətləri bağlayacaq. Sığorta şirkətinin burada hər hansı riski olmayacaq, sadəcə, vasitəçilik edəcəklər. Tutaq ki, fermer mal-qarasını sığorta etdirmək istəyir. Əgər mal-qara burselyoz xəstəliyinət tutulubsa, onunla müqavilə bağlanmayacaq və bu barədə informasiya sisteminə məlumat yerləşdiriləcək. Yaxud torpaq şorandırsa, məhsul verməyəcəksə, bu halda da həmin fermerlə müqavilə bağlanmayacaq. Yəni dövlətin pulunun havayı mənimsənilməsinə yol verilməyəcək. Köhnə qanunun yeganə çatışmayan cəhəti odur ki, aqrar sığorta məsələsi şeyri-kommersiya təşkilatlarına həvalə olunub, onlar da bu riski üzərlərinə götürmək istəmirlər”.

Qeyd edək ki, qanun layihəsinə (8-ci maddə) əsasən, aqrar sığorta orqanı müvafiq icra hakimyiyəti orqanının müəyyən etdiyi orqan tərəfindən yaradılır. Aqrar sığorta orqanı aqrar sığorta sisteminin təşkilini, inkişafını və dayanıqlığını təmin etmək məqsədi ilə fəaliyyət göstərir, habelə idarəedici qurumun fəaliyyətinə nəzarəti həyata keçirir. Aqrar sığorta orqanı aqrar sığorta sisteminin idarə edilməsini və aqrar sığorta informasiya sisteminin aparılmasını idarəedici qurum vasitəsilə həyata keçirir.

Açar sözlər
Zahid Abbasov , Vilayət Əlizadə , Aqrar Sığorta Fondu , Türkiyə , Milli Məclis
İqtisadiyyat xəbərləri
AZAL və “Buta Airways”in reysləri mayın 29-30-da dəyişdirilmiş qrafik üzrə yerinə yetiriləcək

AZAL və “Buta Airways”in reysləri mayın 29-30-da dəyişdirilmiş qrafik üzrə yerinə yetiriləcək

26-04-2019 11:52 - Report.az - İqtisadiyyat
Mayın 29 və 30-da uçuşlar aşağıdakı cədvələ əsasən yerinə yetiriləcək.29 may (yerli vaxt göstərilib, "+" növbəti gündəki vaxtı işarə edir): Reysin nömrəsi Marşrut Bakıdan uçuş Təyinat məntəqəsinə gəliş Təyinat məntəqəsindən uçuş Bakıya gəliş J2-003/004 Bakı-Ankara-Bakı 20:00 21:30 22:30 01:50+ J2-011/012 Bakı-Dubay-Bakı 04:50 07:45 10:10 13:10 J2-026 Antalya-Bakı 16:00 19:50 J2-076 İstanbul(IST)-Bakı 16:30 20:15 J2-9683/9684 Kiyev(IEV)-Bakı (Buta Airways) 16:10 20:30 J2-9575/9576 Bakı-Kazan- Bakı (Buta Airways) 20:00 21:50 22:50 02:50+ J2-9717/9718 Bakı-Mineralnıye Vodı-Bakı (Buta Airways) 21:00 21:40 22:40 01:05+ J2-809/810 Bakı-Moskva (VKO)-Bakı Reyslər ləğv edilmişdir J2-079/080 Bakı - İstanbul-Bakı Reyslər ləğv edilmişdir J2-852/851 Bakı- Moskva (DME)- Bakı Reyslər ləğv edilmişdir J2-255 Bakı-Naxçıvan Reys ləğv edilmişdir J2-254 Naxçıvan- Bakı Reys ləğv edilmişdir 30 may (yerli vaxt göstərilib): Reysin nömrəsi Marşrut Bakıdan uçuş Təyinat məntəqəsinə gəliş Təyinat məntəqəsindən uçuş Bakıya gəliş J2-011/012 Bakı-Dubay-Bakı 12:40 15:35 16:45 19:45 J2-827 Bakı-Moskva (VKO) 02:45 05:00 J2-852/851 Bakı- Moskva (DME)- Bakı 11:40 13:50 14:50 18:40 J2-9111/9112 Bakı-Alanya-Bakı (Buta Airways) 12:30 14:30 15:30 19:20 J2-9685/9686 Bakı-Odessa-Bakı (Buta Airways) 12:15 14:40 15:40 19:40 J2-239 Bakı–Gəncə Reys mayın 29-na keçirilmişdir uçuş: 08:00, eniş: 09:00 J2-021/322 Bakı–Təl-Əviv –Bakı Reyslər ləğv edilmişdir J2-075/076 Bakı – İstanbul (IST)-Bakı Reyslər ləğv edilmişdir J2-9103/9104 Bakı – İstanbul (SAW)-Bakı (Buta Airways) Reyslər ləğv edilmişdir J2-9223/9224 Bakı-Tbilisi-Bakı (Buta Airways) Reyslər ləğv edilmişdir J2-9017/9018 Bakı -Tehran - Bakı (Buta Airways) Reyslər ləğv edilmişdir J2-251 Bakı-Naxçıvan Reys ləğv edilmişdir J2-258 Naxçıvan-Bakı Reys ləğv edilmişdir Qeyd edək ki, yuxarıda sadalanan reyslərin sərnişinləri aviabiletin alınması zamanı göstərilən telefon nömrələri vasitəsilə aviaşirkətin prosedurasına uyğun olaraq məlumatlandırılacaqlar.
Ona.az digər xəbərlər