“Azərbaycanda sizi xeyirxah dost kimi tanıyırlar” - Yenilənib+Foto

“Azərbaycanda sizi xeyirxah dost kimi tanıyırlar” - Yenilənib+Foto

Aprelin 24-də Azərbaycan Prezidenti İlham Əliyev Pekində daha bir önəmli görüş keçirib.

“Qafqazinfo” Azərtac-a istinadən xəbər verir ki, dövlət başçısının Çin Xalq Respublikasının Sədri Si Cinpinin görüşü olub.

***

Prezident dediyi xoş sözlərə görə sədrə təşəkkür edib:

“Mən Sizə, ilk növbədə, dəvətə görə təşəkkür etmək istərdim. Biz “Bir kəmər, bir yol” Forumunda iştirak etməyə dəvət olunmağımızı ölkəmizə xüsusi hörmət əlaməti, mənə münasibətdə dostluq əlaməti hesab edirik. Siz qeyd etdiniz ki, mən Sizin ölkənizin dostuyam, Azərbaycanda da Sizi Azərbaycanın xeyirxah dostu kimi tanıyırlar. Biz birgə səylərimizlə əməkdaşlığımızı irəlilədirik, bundan sonrakı qarşılıqlı fəaliyyətin yollarını müəyyən edirik.

Bu Forumun keçirilməsi çox böyük əhəmiyyət kəsb edir. Siz qeyd etdiyiniz kimi, Azərbaycan lap əvvəldən Sizin təşəbbüsünüzü dəstəkləyib və bu layihəni bizim irəli sürdüyümüz təşəbbüslər çərçivəsində fəal irəlilədir. 2015-ci ildə Sizin ölkənizə dövlət səfərimi və burada mənə göstərilən qonaqpərvərliyi xatırlamaq istərdim. O vaxt Sizinlə biz “İpək Yolu İqtisadi Kəməri” haqqında Anlaşma Memorandumunu imzaladıq. Bu gün bizim siyasi münasibətlərimiz yüksək səviyyədədir. Biz beynəlxalq təşkilatlarda fəal qarşılıqlı əlaqə saxlayırıq”.

Siyasət xəbərləri
Qafqazinfo.az digər xəbərlər