Bakı Nəqliyyat Agentliyindən XƏBƏRDARLIQ

Bakı Nəqliyyat Agentliyindən XƏBƏRDARLIQ

Bakı Nəqliyyat Agentliyi hava şəraitilə bağlı sürücülərə müraciət edib.

Bu barədə BNA-dan Vətəninfo.az-a verilən məlumatda bildirilib.

Agentlik Bakıda və Abşeron yarımadasında müşahidə edilən dumanlı hava şəraiti ilə əlaqədar sürücülərə hərəkətdə olarkən yol və meteoroloji şəraiti nəzərə almağı, ara məsafəsini normadan artıq saxlamağı və yol nişanlarının tələblərinə riayət etmələrini tövsiyə edir.

Həmçinin, piyadalardan xahiş edir ki, Nəqliyyat Mübadilə Mərkəzlərinin ərazisində və digər yerlərdə yolun hərəkət hissələrinə çıxmasınlar, yalnız müəyyən edilmiş dayanacaq məntəqələrində avtobuslara minib düşsünlər, yolun qarşı tərəfinə keçərkən müəyyən olunan piyada keçidlərindən istifadə etsinlər.