"Bakı Polad Burazlar"ın gəliri və xalis mənfəəti artıb

"Bakı Polad Burazlar"ın gəliri və xalis mənfəəti artıb

"Bakı Polad Burazlar" ASC 2018-ci ili 79 min 574 manat xalis mənfəətlə başa vurub. Bu, 2017-ci illə müqayisədə 22,4% çoxdur. ASC 2017-ci ili 64 min 989 manat xalis mənfəətlə bağlamışdı.

"Marja" ASC-nin maliyyə hesabatlarına istinadən xəbər verir ki, 2017-ci illə müqayisədə 2018-ci ildə "Bakı Polad Burazlar"ın əsas əməliyyat gəliri 30,4% artaraq 804 min 740 manat təşkil edib.

TƏK ŞƏXSİYYƏT VƏSİQƏSİLƏ 15 DƏQİQƏYƏ KREDİT!

Ötən il ASC-nin cəmi xərcləri 705 min 270 manat təşkil etdiyindən 99 min 468 manat əməliyyat mənfəəti yaranıb. Əməliyyat mənfəətindən 19 min 893 manat mənfəət vergisi ödənilib.

"Bakı Polad Burazlar" ASC burazların (tros) istehsalı ilə məşğul olur.“Bakı Polad Burazlar” zavodun illik istehsal gücü 11 000 tondur.

“BAKI POLAD BURAZLAR” ASC-nin 2018-ci il dekabrın 31-nə mühasibat balansı

Açar sözlər
Bakı
İqtisadiyyat xəbərləri

Camaat şikayət etdi: "Azenne Group" MMC-nin tikdiyi 25 mərtəbəli binanın tikintisi dayandırıldı

26-04-2019 15:56 - Cebhe.info - İqtisadiyyat
Camaat şikayət etdi: "Azenne Group" MMC-nin tikdiyi 25 mərtəbəli binanın tikintisi dayandırıldı
 26/04/2019 15:56:47 Dövlət Şəhərsalma və Arxitektura Komitəsi Bakı şəhəri, Xətai rayonu, Süleyman Vəzirov küçəsi, 17 ünvanında aparılan qeyri-qanuni tikinti işlərini dayandırıb.

Cebhe.info Komitəyə istinadən xəbər verir ki, 2018-ci ilin noyabr ayında Bakı şəhəri, Xətai rayonu, Süleyman Vəzirov küçəsi, 17 ünvanında yerləşən yaşayış kompleksinin sakinləri tərəfindən yaşadıqları binalar qarşısında boş sahədə hündürmərtəbəli evlərin tikintisinə başlamaq cəhdləri barədə kollektiv şikayət Komitəyə daxil olub.

Dövlət Şəhərsalma və Arxitektura Komitəsinin mütəxəssisləri tərəfindən məsələ ilə bağlı aparılmış araşdırma nəticəsində məlum olmuşdur ki, Bakı Şəhər İcra Hakimiyyəti tərəfindən 2018-ci ilin mart ayında həmin ərazidə çoxmərtəbəli yaşayış binasının "Azenne Group" MMC tərəfindən tikintisinə icazə icraatına başlansa da, icraat başa çatdırılmamış və həmin binanın tikintisinə icazə verilməyib.

Bununla əlaqədar, Komitə tərəfindən aidiyyəti dövlət qurumlarına qanunvericiliklə müəyyən olunmuş qaydada tikintiyə icazə alınana qədər bu ərazidə tikinti işlərinin dayandırılması ilə bağlı müraciət ünvanlanıb.

"Azenne Group" MMC tərəfindən təqdim olunmuş layihəyə əsasən 4 girişli 22-25 mərtəbəli yaşayış binasının tikintisi nəzərdə tutulurdu ki, bu da şəhərsalma qanunvericiliyi ilə tikinti sıxlığı üzrə həmin ərazi üçün müəyyən olunmuş normaları bir neçə dəfə üstələyir.
Marja.az digər xəbərlər