Bakıda “İnsan inkişafı. Dünyaya inteqrasiya” mövzusunda II beynəlxalq elmi konfrans keçirilir

Bakıda “İnsan inkişafı. Dünyaya inteqrasiya” mövzusunda II beynəlxalq elmi konfrans keçirilir

Bakı, 26 aprel, AZƏRTAC

Aprelin 26-da Azərbaycan Memarlıq və İnşaat Universitetində (AzMİU) bu ali məktəbin Ailə, Qadın və Uşaq Problemləri üzrə Dövlət Komitəsi ilə birgə təşkil etdiyi, ümummilli lider Heydər Əliyevin anadan olmasının 96-cı ildönümünə həsr olunmuş “İnsan inkişafı. Dünyaya inteqrasiya” mövzusunda II beynəlxalq elmi konfrans öz işinə başlayıb.

AZƏRTAC xəbər verir ki, konfrans iştirakçıları əvvəlcə Heydər Əliyevin AzMİU-nun həyətində ucaldılmış abidəsi önünə əklil qoyub, xatirəsini ehtiramla anıblar.

Tədbiri açan universitetin rektoru, professor Gülçöhrə Məmmədova konfransın AzMİU-da ikinci dəfə keçirildiyini qeyd edərək, bunun bir ənənəyə çevriləcəyini deyib. Konfransın ulu öndər Heydər Əliyevin anadan olmasının 96-cı ildönümünə həsr edildiyini bildirən rektor bu tədbirin Ümummilli Liderin şəxsiyyətinə dərin hörmət və ehtiramın təzahürü olduğunu vurğulayıb. O, Heydər Əliyevin çoxşaxəli, mənalı ömür yolundan, zəngin dövlətçilik təcrübəsindən, dövlətimiz və xalqımız qarşısında misilsiz xidmətlərindən söz açıb.

Ailə, Qadın və Uşaq Problemləri üzrə Dövlət Komitəsinin sədri, professor Hicran Hüseynova “Davamlı inkişafda qadınların rolu” mövzusunda məruzə ilə çıxış edib. O vurğulayıb ki, gender bərabərliyinin təmin edilməsi və qadınların səlahiyyətlərinin genişləndirilməsi bu gün dövlət siyasətinin mühüm prioritetlərini təşkil edir. Bu baxımdan ötən müddətdə qadınların iştirakçılığının artırılması üçün imkanların genişləndirilməsi, məşğulluq, sağlamlıq, təhsil və sosial siyasət sahəsində gender bərabərliyinin inkişafı istiqamətində mühüm işlər görülüb.

Sonra AzMİU-nun ictimai fənlər kafedrasının müdiri Könül Əliyeva “Firavan, ahəngdar və təhlükəsiz gələcək üçün dəyişən iqtisadiyyat və dövlət”, Ümumrusiya Dövlət Ədliyyə Universitetinin dosenti Şaraputdin Rəşidov “Xarici tələbələrin Rusiya Federasiyasının ali təhsil müəssisələrində təhsil perspektivi və problemləri” mövzularında məruzələrlə çıxış ediblər.

Konfrans işini bölmə iclaslarında davam etdirib.

Qeyd edək ki, konfransa 98 məqalə təqdim edilib. İki gün davam edəcək beynəlxalq konfransın bölmə iclaslarında məruzələr dinləniləcək, müzakirələr aparılacaq.

Açar sözlər
Könül Əliyeva , Heydər Əliyev , Hicran Hüseynova , Gülçöhrə Məmmədova , Qadın Və Uşaq Problemləri Üzrə Dövlət Komitəsi , Azərbaycan Memarlıq Və Inşaat Universiteti , Dövlət Ədliyyə Universiteti , Bakı , Rusiya Federasiyası
Siyasət xəbərləri
Haqlı-haqsız, haqsız-haqlı olanda...

Haqlı-haqsız, haqsız-haqlı olanda...

26-04-2019 20:03 - Paralel.az - Siyasət
Bu barədə üç ilə yaxındır ki, qanunamüvafiq tədbirlərin görülməsi üçün ayrı-ayrı tarixlərdə, həm poçt, həm də rəsmi internet saytı və elektron poçtu vasitəsi ilə ədliyyə naziri cənab Fikrət Məmmədovun, Ədliyyə Nazirliyinin Bələdiyyələrlə İş Mərkəzinə, əmlak məsələləri dövlət komitəsinin sədri cənab Kərəm Həsənovun, baş prokuror cənab Zakir Qaralovun, eləcə də Azərbaycan Respublikası Prezidentinin Administrasiyasına, Azərbaycan Respublikasının Prezidenti cənab İlham Əliyevin adına danılmaz rəsmi faktlarla yazıb göndərdiyim mindən artıq ərizə, məktub və şikayət teleqramlarımı Ədliyyə Nazirliyində, Bələdiyyələrlə İş Mərkəzində, Əmlak Məsələləri Dövlət Komitəsində, Baş Prokurorluqda və Prezident Administrasiyasında kimlər tərəfindənsə, kimin və nəyin xatirinəsə, rəhbərlikdən gizlədilərək, obyektiv baxılmadan, ötür-ötürə salınaraq, onların cinayət xarakterli saxtakar əməllərinin üstü açıq şəkildə ört-basdır edilərək, bütün haqlı şikayətlərim bu günə kimi də nəticəsiz, tədbirsiz, cavabsız qalıb. Hörmətli Prezident! Sizin adınıza göndərdiyim şikayət ərizələrimdə göstərdiyim və ərizələrimə əlavə etdiyim faktların, şəxsən öz nəzarətiniz altında hərtərəfli araşdırılaraq, Siyəzən bələdiyyəsinin sədri Azər Babayevin, ƏMDK-si yanında Torpaqların Dövlət İdarəetməsinin Təşkili üzrə Dövlət Agentliyinin direktoru cənab Mohuma Heraçiyevin 21 oktyabr 2016-cı il tarixli,160 820 201 868 nömrəli, mənə göndərdiyi cavab məktubunda öz təsdiqini tapan, saxtakar və cinayət xarakterli hərəkətləri barədə, həmçinin həmin cavab məktubundakı məlumatlarla vətəndaş Müslüm Səlimovun ƏMDK-si yanında, Daşınmaz Əmlakın Dövlət Reysteri Xidmətindən saxta yolla əldə etdiyi, 21 avqust 2008-ci il tarixli, MH seriyalı 0008590 nömrəli çıxarışda göstərilən məlumatların təşkil etdiyi ziddiyyətli xüsusatların obyektiv araşdırılaraq, onların barəsində, qanunamüvafiq, ciddi tədbirlərin görülməsini bir daha sizdən xahiş edirəm! Hörmətli baş Redaktor! Xahiş edirəm şikayətimi qəzetinizdə ictimailəşdirəsiniz ki, bu saxtakarları hamı tanısın.
Azertag.az digər xəbərlər