Bakıda özəl klinikada körpə ölümü qeydə alındı

Bakıda özəl klinikada körpə ölümü qeydə alındı

Sağlam olduğu deyilən yeni doğulmuş körpə 3 gün sonra dünyasını dəyişdi

Nigar Məhərrəm, Sputnik Azərbaycan

BAKI, 26 aprel — Sputnik. Bakıda yerləşən "German Hospital"da ölüm hadisəsi qeydə alınıb. Bu haqda Sputnik Azərbaycan-a üç gün öncə əməliyyat yolu ilə övlad dünyaya gətirən Samirə Cəfərova adlı xəstənin qaynı Asim Xudaverdiyev məlumat verib.

Onun sözlərinə görə, körpə martın 23-də doğulub: "Bu qardaşımın ilk övladı idi. Həyat yoldaşı 9 ay ərzində hər zaman həkim müayinəsində olub. Bu müddətdə isə uşağın da, ananın da səhhətini normal olduğu deyilib. Ötən gün axşam danışanda dedilər ki, ana və körpənin səhhəti qaydasındadır. Lakin bir neçə saat sonra – təxminən səhər saat 5 radələrində zəng edib dedilər ki, körpənin səhhəti yaxşı deyil. Biz artıq xəstəxanaya çatanda öyrəndik ki, uşaq keçinib. Ölümə səbəb kimi isə ürək çatışmazlığı göstərildi".

A.Xudaverdiyevin sözlərinə görə, doğulanda körpədə ürək çatışmazlığının olduğu bildirilməyib. Uşağın çəkisinin normal olduğunu deyən həmsöhbətimiz qeyd edib ki, baş verən bu hadisəyə görə xəstəxana çəkilən əməliyyat xərcini, yəni 1500 manatı ailəyə geri qaytarıb. Məsələ ilə bağlı adı çəkilən klinikadan da münasibət öyrənməyə çalışsaq da, onlar telefonla bu haqda məlumat verməyəcəklərini bildirdilər.

Açar sözlər
Samirə Cəfərova , Asim Xudaverdiyev , Azərbaycan , Bakı
Hadisə xəbərləri
Azərbaycanda torpaq kadastrının məlumatlarının alınmasına görə dövlət rüsumu tətbiq olunmayacaq

Azərbaycanda torpaq kadastrının məlumatlarının alınmasına görə dövlət rüsumu tətbiq olunmayacaq

26-04-2019 15:26 - Ona.az - Hadisə

 Bu gün Milli Məclisin İqtisadi siyasət, sənaye və sahibkarlıq komitəsinin iclasında “Dövlət rüsumu haqqında” qanuna dəyişiklik barədə qanun layihəsi müzakirəyə çıxarılıb.

ONA-nın məlumatına görə, qanuna dəyişiklik “Aqrar sığorta haqqında” qanun layihəsində yaradılması nəzərdə tutulan aqrar sığorta orqanının elektron informasiya sistemləri vasitəsiləreal rejimdə əldə edəcəyi məlumat və informasiyalarla əlaqədardır.

Layihəyə əsasən, kənd təsərrüfatı təyinatlı torpaq sahələrinin dövlət torpaq kadastrının məlumatları (torpaq sahələrinin hüquqi statusu, torpaq üzərində mülkiyyət, istifadə və icarə hüququ, torpaq sahələrinin kəmiyyət və keyfiyyət göstəriciləri, torpaqların bonitirovkası və iqtisadi qiymətləndirilməsi, torpaqların istifadəsi və mühafizəsi ilə əlaqədar qanunla müəyyən olunmuş digər məlumatlar), ünvanı, kənd təsərrüfatı məqsədləri üçün istifadə edilən digər daşınmaz əmlak (tikili və qurğular), həmin daşınmaz əmlak üzərində qeydiyyata alınmış hüquqlar, hüquqların yüklülüyü (məhdudlaşdırılması), hüquq sahibləri barədə məlumatlara görə dövlət rüsumu tətbiq olunmayacaq.

Müvafiq informasiya sistemləri aqrar sığorta informasiya sığorta informasiya sisteminə inteqrasiya olunanadək müvafiq məlumatlar və sənədlər aidiyyəti informasiya sahibləri tərəfindən aqrar sığorta orqanının sorğusu tərəfindən təqdim ediləcək.
Sputnik.az digər xəbərlər