“Real”ın baş məşqçisi Zinəddin Zidan La Liqanın 34-cü turunda “Hetafe” ilə oyun öncəsi mətbuat konfransında əzəli rəqibləri olan “Barselona” haqda danışıb.
Metbuat.az-ın Qol.az-a istinadən yaydığı məlumata görə, 46 yaşlı mütəxəssis jurnalistin Kataloniya klubunun son illər uğurlu çıxış etməsi haqda dediyi sözlərə belə cavab verib:
“Biz La Liqanı 33 dəfə qazanmışıq. “Barselona” neçə dəfə çempion olub? Son illərdə uğurlu çıxış etmələri həqiqətdir, bunu qəbul edib, onları təbrik etməliyik. Ancaq saylar üzərindən danışsaq, ən çox kubok qazanan bizik”.
Qeyd edək ki, "Barselona" 25 dəfə La Liqa çempionu olub.
