Beynəlxalq Valyuta Fondunun Özbəkistanla bağlı yeni qərarı

Beynəlxalq Valyuta Fondunun Özbəkistanla bağlı yeni qərarı

Özbəkistanın Dövlət Vergi Komitəsinə Beynəlxalq Valyuta Fondunun (BVF) daimi məsləhətçisi təyin olunub.


Daimi məsləhətçinin – Litva vətəndaşı Modestas Kaselyauskasun vəzifələrindən biri vergi xidməti sahəsində korrupsiyanın qarşısının alınmasına kömək etmək olacaq. BVF-nin vergi-büdcə məsələləri üzrə departamentinin həyata keçirdiyi layihə çərçivəsində təyin olunmuş məsləhətçi Özbəkistanın Dövlət Vergi Komitəsinə və Maliyyə Nazirliyinə ortamüddətli islahat strategiyasının hazırlanmasında və həyata keçirilməsində kömək edəcək. Modestas Kaselyauskasın səlahiyyətlərinə yüksək texnologiyalı, avtomatlaşdırılmış və müasir standartlara cavab verən sahənin, eləcə də korrupsiyalaşmamış vergi xidmətinin yaradılmasına yardım etmək olacaq.

45 yaşlı Modestas Kaselyauskas 2005-2014-cü illərdə Litvanın Maliyyə Nazirliyi yanında Dövlət Vergi Müfəttişliyinin rəhbəri olub və ölkənin vergi orqanlarında müxtəlif vəzifələrdə çalışıb.

İqtisadiyyat xəbərləri
Kommersant.az digər xəbərlər
Hansı əməliyyatlar Əlavə Dəyər Vergisindən azaddır  - MİSAL İLƏ İZAH

Hansı əməliyyatlar Əlavə Dəyər Vergisindən azaddır - MİSAL İLƏ İZAH

26-04-2019 14:35 - Kommersant.az - İqtisadiyyat
Məcəllənin 164-cü maddəsinə əsasən, kənd təsərrüfatı məhsullarının istehsalçıları tərəfindən özlərinin istehsal etdikləri kənd təsərrüfatı məhsullarının satışı, lizinq müqaviləsinin obyekti olan əsas vəsaitlərin idxalı, damazlıq heyvanların idxalı və satışı, toxum və tinglərin idxalı və satışı, quş ətinin satışı, mineral gübrələrin, pestisidlərin idxalı və satışı, kənd təsərrüfatı heyvanlarının və quşlarının profilaktikası, diaqnostikası və müalicəsi üçün istifadə olunan baytarlıq preparatlarının idxalı, toxumların yetişdirilməsi, quşçuluq və arıçılıq üçün avadanlıqların, o cümlədən laboratoriya avadanlıqlarının, toxum, taxıl və quru paxlalı bitkilərin təmizlənməsi, çeşidlənməsi və ya kalibrlənməsi üçün maşınların idxalı və satışı, bilavasitə kənd təsərrüfatı təyinatlı suvarma və digər qurğuların, maşınların, avadanlıqların, texnikaların idxalı və satışı ƏDV-dən azaddır. Lakin kənd təsərrüfatı heyvanlarının və quşlarının profilaktikası, diaqnostikası və müalicəsi üçün istifadə edilən baytarlıq preparatlarının idxalı ƏDV-dən azad olduğu halda, həmin malların Azərbaycan Respublikasında təqdim edilməsi Vergi Məcəlləsinin 159.10-cu maddəsinə əsasən vergitutma obyektidir.