“Bölgələrdən bölgələrə” Yaradıcılıq Festivalı Abşeronda - Foto


Mədəniyyət Nazirliyinin təşəbbüsü, nazirliyin regional idarələrinin iştirakı ilə keçirilən “Bölgələrdən Bölgələrə” yaradıcılıq festivalının növbəti tədbiri Abşeron rayonunun Xırdalan şəhərində gerçəkləşib.

Teleqraf.com xəbər verir ki, Heydər Əliyev Mərkəzinin qarşısındakı parkda təşkil olunan tədbirdə Abşeron Rayon İcra Hakimiyyətinin başçısı İradə Gülməmmədova, Mədəniyyət Nazirliyinin nümayəndələri, regional mədəniyyət idarələrinin rəisləri, mədəniyyət işçiləri və şəhər ictimaiyyətinin nümayəndələri iştirak ediblər.

Tədbir iştirakçıları əvvəlcə Bakı Şəhər Mədəniyyət Baş İdarəsi və 15 regional mədəniyyət idarəsinin nümayiş etdirdikləri əl işləri, dekorativ-tətbiqi sənət, rəsm əsərləri və digər sənətkarlıq nümunələrinə baxıbdar, folklor və musiqi qruplarının çıxışlarını dinləyiblər.

Tədbirdə Sumqayıt Dövlət Rəsm Qalereyasının direktoru, dekorativ-tətbiqi sənət ustası Ellada Həsənovanın “Muğam-trio” kompozisiyası və süjetli xalçanın nümayişi, digər dekorativ-tətbiqi sənət ustası Günel Hüseynovanın 3D formatında “Sumqayıt”, taxta üzərində işlənmiş “İçərişəhər” kompozisiyaları, keçədən əl işləri qonaqların xüsusi marağına səbəb olub.

Festivalda balaca ziyarətçilərin də maraqları nəzərə alınıb. “Günəşim” və “Cırtdan” kukla teatrlarının hazırladıqları tamaşalar, “Dostluq” Mədəniyyət evinin klounada nömrələri və “Qurd adam”, “Şurun-burun”, “Maşa və ayı”nın personajları uşaqların zövqünü oxşayıb.

Həmçinin festivalda 2019-cu ilin ölkəmizdə “Nəsimi ili” elan edilməsi ilə əlaqədar olaraq müxtəlif nəşr nümunələrindən ibarət kitab guşəsi də qurulub.

Zəngilan rayonunun folklor kollektivi, Abşeron rayon Mədəniyyət Mərkəzinin Musiqili komediya xalq teatrı, bir neçə musiqi məktəbinin sazçalanlar ansamblı və rəqs kollektivlərinin çıxışı festivala xüsusi rəng qatıb. Fiziki imkanları məhdud incəsənət ustalarının da yaradıcılığına yer verilib. Oymaçı rəssam Asif Qasımovun hazırladığı sənətkarlıq nümunələri qonaqların diqqətini cəlb edib.

Tədbir daha sonra konsert proqramı ilə davam edib. Konsertdən öncə “Bölgələrdən bölgələrə” yaradıcılıq festivalı barədə geniş məlumat verilib. Diqqətə çatdırılıb ki, festivalda Mədəniyyət Nazirliyinin regional mədəniyyət idarələrinin hər birinin ekspozisiya çadırları qurulub, regionlar üzrə şəhər və rayonların mədəni irsini əks etdirən sənətkarlıq nümunələri, rəsmlər, suvenirlər və digər əl işləri nümayiş etdirilir.

Ölkəmizdə mədəniyyət və incəsənətin inkişafına dövlət tərəfindən qayğı göstərildiyi vurğulanıb. Bildirilib ki, bu layihənin həyata keçirilməsi yerli sakinlərə, eləcə də bölgələrimizə gələn xarici qonaqlara regionların rəngarəng mədəni həyatı ilə yaxından tanış olmaq fürsəti yaradır.

Yaradıcılıq festivalının ikinci hissəsində hər bir regional idarə üzrə folklor qrupları, yerli incəsənət və bədii özfəaliyyət kollektivlərinin çıxışları, musiqi nömrələri, rəqslər tamaşaçılar tərəfindən alqışlarla qarşılanıb.

Tədbir iştirakçısı İsmayıl Həsənov festivalın insanlarda xoş ovqat yaratdığını qeyd edib. Bildirib ki, festival ölkəmizin bütün regionlarını əhatə etməklə mədəni zənginlik, xalq sənətkarlığı irsi və incəsənət nümunələri ilə tanışlığa vəsilə olur.

Xırdalan şəhər sakini Zərifə Ağayeva tədbirə nəvələri ilə gəldiyini deyib: “Burada balacalar üçün nümayiş olunan səhnəciklər, müxtəlif personajlar onların diqqətini cəlb edir. Bu festival həm uşaqların, həm də böyüklərin marağına səbəb olur”.

Qeyd edək ki, Mədəniyyət Nazirliyinin iş planına əsasən respublikamızda ikinci dəfədir keçirilən “Bölgələrdən bölgələrə” yaradıcılıq festivalına may ayının sonunda yekun vurulacaq.


Mədəniyyət xəbərləri
Teleqraf.com digər xəbərlər

Formula 1 Azərbaycan Qran Prisi: İkinci yarış gününün proqramı

27-04-2019 10:22 - Teleqraf.com - Siyasət
Həmçinin “Alfa Romeo” və “Mercedes” komandalarının pilotlarının avtoqraf sessiyası olacaq.



Azarkeş zonasının qapıları açılır

10:00

Bütün əyləncə zonası
 



F2™ pilotlarının paradı

10:20

Trekdə

10:50



Avtoqraf sessiyası – Alfa Romeo

12:00

F1® azarkeş zonası

12:20



F2™ birinci yarış

12:00

Trekdə

13:05



Avtoqraf sessiyası – Mercedes

12:20

F1® azarkeş zonası

12:40



F1® üçüncü sərbəst yürüş

14:00

Trekdə

15:00



Sual-cavab sessiyası

15:30

F1® azarkeş zonası

16:00



F1® sıralama turu 


17:00

Trekdə

18:00



Crystal Hall-ın qapıları açılır

18:30

Crystal Hall
 



DJ Mendoza

19:30

Crystal Hall
 



Trekin qapıları açılır

19:30

Trekdə
 



Rilaya konserti

20:20

Crystal Hall
 



Jessie J konserti

21:00

Crystal Hall
 



Azarkeş zonasının qapıları bağlanır

22:00

Bütün əyləncə zonası
 



Crystall Hall-un qapıları bağlanır

23:30

Crystal Hall




Ümumilikdə şəhər trasında hər biri iki pilotla təmsil olunan 10 komanda yarışacaq.