Cəbrayıllı gənc Koreyada ali təhsil alacaq

Cəbrayıllı gənc Koreyada ali təhsil alacaq

Xaricdə təhsil bir vaxtlar ölkəmizdə çoxları üçün əlçatmaz arzu olsa da, dövlət müstəqilliyinin bərpasından sonra bu arzu reallığa çevrildi. İndi orta məktəbi bitirib, təhsilin digər pillərini xarici ölkələrdə, nüfuzlu ali məktəblərdə alan azərbaycanlı gənclərin sayı artır. Qaçqınların və Məc­buri Köçkünlərin işləri üzrə Dövlət Komitəsi də məcburi köçkün ailələrinin övladlarının xaricdə təhsil almasına dəstək verir.


Belə ki, Dövlət Komitəsinin tövsiyəsi əsasında Cəbrayıl rayonu Horovlu kəndindən olan Nicat Alkərəmova Koreyada təhsil almaq üçün təqaüd proqram təklif olunub. Bu imkandan yararlanan Nicat hazırda Cənubi Koreyadadır. Orada 1 il ərzində koreya dilini öyrəndikdən sonra bakalavr pilləsində ali təhsilini davam etdirəcək.

Bakı şəhərində anadan olan 20 yaşlı Nicat orta məktəbi də burada bitirib. Ha­zırda anası və böyük qardaşı ilə birlikdə Xırdalan şəhərində məskunlaşıb. Qardaşı Hüseyn 22 yaşındadır. Hazırda ADA Uni­verstetində "İnformasiya texnologiyaları” ixtisası üzrə təhsil alır, sonuncu kursdadır. Nicat özü isə Azərbaycan Dövlət İqtisad Universitetinin tələbəsi olub, "Sabah” qrupunda təhsil alıb.


Xaricdə təhsil almağının uşaqlıq arzusu olduğunu bildirən Nicat bu arzusunu həyata keçirmək üçün orta məktbədə çox oxuduğunu deyir: "Hələ uşaqlıq illərimdən xarici ölkədə təhsil alıb, ölkəmizi xaricdə layiqincə təmsil edib, tanıtdırmaq istəmişəm”.


Vətəndən kənarda təhsil almağına ailəsinin fikrinin müsbət olduğunu deyən Nicat, bu barədə ona hər zaman dəstək olduqlarını vurğulayıb: "Xaricdə təhsilimlə bağlı məsələdə ailəm mənimlə hər zaman həmfikir oldu. Onların ümidlərini doğruldacağam”. Nicat qeyd edir ki, artıq bir aya yaxındır ki, Koreyadır. Hazırda yalnız koreya dilini öyrənməklə məşğuldur. Gələn ildən Yonsei Universitetində "İqtisadiyyat” ixtisası üzrə təhsil alacaq. Niyə məhz bu ixtisası seçdiyindən söz açan Nicat, iqtisadiyyata xüsusi marağı olduğunu, bu sahədə geniş biliklərə yiyələnib, Azərbaycan iqtisadiyyatına öz töhvəsini vermək istədiyini bildirdi.


Nicat öz ata-baba yurdu Cəbrayılı görmək arzusundadır və bu arzusunun tezliklə gerçəkləşəcəyinə inanır: "Bu həsrət çox çəkməyəcək. İnanıram ki, tezliklə işğal al­tın­da olan torpaqlarımıza qayıdacağıq”. O, Koreyadakı tələbə yoldaşlarına ölkəmiz, eləcə də işğal altında olan torpaqlarımız haqqında məlumat verdiyini də qeyd etdi: "Bu barədə dostlarımla danışır, Ermənis­tanın torpaqlarımızı işğal etdiyi, həmin yerlərdə vəhşiliklər törətdikləri haqda məlumat verirəm. Bundan başqa, ölkəmizin tarixi, xalqımızın mədəniyyəti barədə onlara ətraflı söhbət açıram”. Nicat Koreyada ali təhsilini başa çatdırdıqdan sonra vətənə qayıdıb, burda ixtisası üzrə işləmək niyyətindədir. Ona təhsildə və həyatda uğurlar arzulayırıq.


Vətən Səsi qəzeti

Orxan Aslanlı

Hadisə xəbərləri
Panorama.az digər xəbərlər
Eldar Mahmudovun “qara kassası” milyon dolları ölkədən belə çıxarıb - TƏFƏRRÜAT

Eldar Mahmudovun “qara kassası” milyon dolları ölkədən belə çıxarıb - TƏFƏRRÜAT

26-04-2019 12:43 - Panorama.az - Hadisə
V.Mahmudov 2017-ci il noyabr ayının əvvəlində həbs edilib.
 
 
 Ona Cinayət Məcəlləsinin 179.3.1-ci (mütəşəkkil dəstə tərəfindən mənimsəmə və ya israf etmə), 179.3.2-ci (külli miqdarda mənimsəmə və israf etmə), 182.3.1-ci (külli miqdarda əmlak əldə etmək məqsədi ilə hədə-qorxu yolu ilə tələb etmə), 182.3.2-ci (külli miqdarda əmlak əldə etmək məqsədi ilə hədə-qorxu yolu ilə tələb etmə), 302.1-ci (əməliyyat-axtarış fəaliyyətini həyata keçirmək səlahiyyətinə malik olmayan şəxslər tərəfindən belə tədbirlərin keçirilməsi, habelə əməliyyat-axtarış fəaliyyətini həyata keçirmək səlahiyyətinə malik olan şəxslər tərəfindən həmin tədbirlərin qanunvericiliklə müəyyən edilmiş əsaslar olmadan keçirilməsi şəxsin hüquq və qanunla qorunan mənafelərinin əhəmiyyətli pozulmasına səbəb olduqda), 302.2-ci (eyni əməllər gizli qaydada informasiya alınması üçün nəzərdə tutulmuş texniki vasitələrdən istifadə edilməklə törədildikdə) və 341.2.1-ci (bir qrup şəxs tərəfindən, ağır nəticələrə səbəb olmaqla hakimiyyətdən sui-istifadə etmə) maddələri ilə ittiham irəli sürülüb.
 
 
 2004-cü ildə işə qəbul olunan Vüqar Mahmudov NTN-in Antiterror Mərkəzinin şöbə rəisinin müavini vəzifəsində işləsə də, faktiki olaraq nazirin köməkçisi funksiyasını həyata keçirib.