Ceyhun Osmanlının anası işdən çıxarıldı

Ceyhun Osmanlının anası işdən çıxarıldı

Seyid Cəfər Pişəvəri adına Humanitar Fənlər Gimnaziyasının direktoru Xuraman Osmanova vəzifəsindən uzaqlaşdırılıb.


Unikal.org Criminal.az saytına istinadən xəbər verir ki, direktorla bağlı qərar bu gün açıqlanıb.


Təhsil Nazirliyinin əməkdaşları məktəbə gələrək X.Osmanovanın səhhəti ilə əlaqədar işdən çıxarıldıığını elan edib.


Qeyd edək ki, X. Osmanova sabiq deputat Ceyhun Osmanlının anasıdır.


Xatırladaq ki, aprelin əvvəlində 162 saylı məktəbin şagirdi Elina Hacıyevanın intihar hadisəsi orta məktəblərdə direktor-şagird münasibətlərini gündəmə gətirmişdi. Bundan sonra Təhsil naziri Ceyhun Bayramov məktəb direktorları ilə görüşərək onlara "Hər bir şagirdinizi tanıyın" deyə tapşırıq vermişdi. Daha sonra əlavə olunmuşdu ki, şikayət daxil olan direktorlarla bağlı yaxın vaxtlarda ciddi ölçülərin götürülməsinə başlanılacaq.


Artıq bu gün Siyəzəndə də məktəb-lisey direktoru Yeganə Əliyeva vəzifəsindən azad olunub. Onun məhz məlum şikayət səbəbləri ilə işdən çıxarıldığı açıqlanıb.


***


"Qafqazinfo” məsələ ilə bağlı keçmiş deputat Ceyhun Osmanlıdan münasibət öyrənib. C. Osmanlı yayılan məlumatların doğru olmadığını, anasının səhhəti ilə əlaqədar bir neçə günlük bülletenə çıxdığını deyib:


"Yəni işdən azad edilməsi doğru deyil. Onun səhhəti ilə bağlı bülletenə çıxması ötən il də baş vermişdi. Daha sonra yenə işinin başına qayıdıb”.


Gimnaziyadan bildirilib ki, direktor bu gün işə çıxmayıb və gün ərzində də olmayacaq.


Siyasət xəbərləri
Panorama.az digər xəbərlər
Yediyimiz toyuqların kəsim yerindən – İyrənc mənzərə

Yediyimiz toyuqların kəsim yerindən – İyrənc mənzərə

25-04-2019 22:04 - Panorama.az - Hadisə
Daxil olmuş məlumat əsasında Azərbaycan Respublikasının Qida Təhlükəsizliyi Agentliyi və aidiyyəti qurumların əməkdaşları tərəfindən Bakı şəhəri, Suraxanı rayonu, Hövsan qəsəbəsi, Bağça küçəsi ünvanında fəaliyyət göstərən quş kəsim sexinə baxış keçirilib.
 
 
 
 Bu barədə qurumun mətbuat xidmətindən AZXEBER.COM-a bildirilib.
 
 
 Verilən məlumata görə, baxış zamanı vətəndaş Babayev Ceyhun Rafiq oğluna məxsus sexin qeyd olunan ünvanda gecə saatlarında fəaliyyət göstərdiyi və baytarlıq-sanitariya və sanitariya-gigiyena normalarına cavab vermədiyi müəyyən edilib.
 
 
 Belə ki, qanunsuz emal sahəsində heç bir texniki-normativ tələblərə əməl edilmədən kustar üsulla toyuqların kəsildiyi, daha sonra anti-sanitar şəraitdə tükdən təmizləndiyi və uzun müddət su il doldurulmuş natəmiz vannalarda saatlarla saxlanıldığı aşkarlanıb.
 
 
 Həmçinin baxış zamanı sexdə kəsilən toyuqların qanı və iç orqanlarının anti-sanitar şəraitdə sexin döşəməsinə yığılaraq oradan kanalizasiya xəttinə axıdıldığı məlum olub.
 
 
 Faktla bağlı ekspertizanın aparılması üçün müvafiq nümunələr götürülərək Qida Təhlükəsizliyi İnstitutunun laboratoriyalarına təqdim olunub.
 
 
 Emal sahəsində araşdırmalar davam edir.