“Çinlə Azərbaycanın əməkdaşlığı hər iki xalqın mənafelərinə uyğun gəlir” – Əli Əhmədov

“Çinlə Azərbaycanın əməkdaşlığı hər iki xalqın mənafelərinə uyğun gəlir”  – Əli Əhmədov

Azərbaycan-Çin münasibətləri kifayət qədər möhkəm təməl üzərində qurulub. Bu əməkdaşlığı dostluq, tərəfdaşlıq kimi xarakterizə etmək mümkündür. Azərbaycan Respublikasının Prezidenti İlham Əliyev iki dəfə Çin Xalq Respublikasına rəsmi səfər edib".

Metbuat.az-ın məlumatına görə, bunu Baş nazirin müavini, Yeni Azərbaycan Partiyasının Sədr müavini-İcra katibi Əli Əhmədov jurnalistlərə Prezident İlham Əliyevin Çinə səfər etməsini şərh edərkən bildirib.

Əli Əhmədovun sözlərinə görə, Çin tərəfi ilə Azərbaycan hökumətinin, dövlətinin arasında əməkdaşlığın möhkəmlənməsi ilə bağlı çox vacib sənədlər imzalanıb:

"Hesab edirəm ki, bizim münasibətlərimiz siyasi cəhətdən kifayət qədər etibarlıdır və yüksək səviyyədə özünün təzahürünü tapıb. Çin tərəfi dəfələrlə Azərbaycanın ərazi bütövlüyünü birmənalı şəkildə dəstəklədiyini ifadə edib. Təbii ki, Azərbaycan da vahidçi ideyasını dəstəklədiyini açıq şəkildə bəyan edir. Çinlə iqtisadi cəhətdən əməkdaşlığımız genişlənir. Azərbaycan iqtisadiyyatında Çinin müxtəlif kampaniyaları iştirak edirlər. Güman edirəm ki, gələcəkdə bu istiqamətdə bizim səylərimiz daha da genişlənəcək. Eyni zamanda Çin və Azərbaycan arasında əməkdaşlığın bir konkret təzahür forması var ki, bu da qədim İpək Yolunun bərpa edilməsi ilə əlaqədar aparılan işlər çərçivəsində reallaşır”.

Baş nazirin müavini bildirib ki, Prezident İlham Əliyevin Çinə səfəri də Çin lideri tərəfindən ortaya atılmış və reallaşdırılan 2-ci “Bir kəmər, bir yol” layihəsi üzrə keçirilən böyük beynəlxalq konfransda iştirakla bağlıdır:

“Bu layihənin həyata keçirilməsində bu və ya digər formada iştirak edən dövlətlər həmin konfransda təmsil olunurlar. Təbii ki, Azərbaycan da həmin layihənin həyata keçirilməsində yaxından iştirak edir. Bu mənada Azərbaycan Prezidenti də həmin konfransda Azərbaycanı təmsil edir. Beləliklə hesab edirəm ki, dünyanın ən böyük iqtisadi qüdrətli dövlətlərindən biri olan Çinlə Azərbaycanın əməkdaşlığı hər iki ölkənin xalqlarının mənafeylərinə tamamilə uyğun gəlir. Belə hesab edirəm ki, kifayət qədər ciddi əsaslar mövcuddur ki, bu əməkdaşlıq daha da genişlənsin və inkişaf etsin”.

Günay Elşadqızı / METBUAT.AZ

FOTO: İdrak Mustafayev

You must enable Javascript on your browser for the site to work optimally and display sections completely.

Açar sözlər
Ilham Əliyev , Azərbaycan Xəbərləri Class , Yeni Azərbaycan Partiyası , Azərbaycan , Azərbaycan Respublikası , Çin Xalq Respublikası
Siyasət xəbərləri
Metbuat.az digər xəbərlər