Dünyanın “ən kasıb prezidenti” də separatçı erməni rejiminə qahmar çıxdı...-FOTO

Dünyanın “ən kasıb prezidenti” də separatçı erməni rejiminə qahmar çıxdı...-FOTO

Bəs bizim “ən kasıb” milyarderlərimizdən biri niyə indiyədək onunla görüşüb ələ almırdı?..

Ötən illər kasıblığı, sadəliyi ilə Azərbaycan mediasının da nümunə çəkdiyi Uruqvayın sabiq prezidenti Xose Muxika Azərbaycan torpaqlarında qondarılmış separatçı-terrorçu rejimin “xarici işlər naziri” hesab olunan Masis Mailyan ad-soyadlı adamabənzər məxluqu qəbul edib.

Moderator.az xəbər verir ki, Xankəndindəki separatçı nəşrlərin yaydığı məlumata görə, görüş M.Mailyanın terrorçu “Daşnaksütyun” partiyasının Uruqvay bölməsinin dəvəti ilə bu ölkəyə səfəri çərçivəsində baş tutub. Söhbət zamanı X.Muxika Uruqvayla erməni xalqı arasındakı əlaqələrdən danışıb, hətta “Artsax”ın “beynəlxalq səviyyədə “müstəqil dövlət” kimi tanınması” məsələsinə toxunub. Görüşdə “Daşnaksütyun” rəhbərlərin ilə yanaşı, separatçı rejimin ABŞ-dakı “nümayəndəsi” Robert Avetisyan və Sosialist İnternasionalının vitse-prezidenti Mario Nalbandyan da iştirak edib.


İşğalçı, separatçı ermənilərlə faktiki müttəfiqliyi qəbul edən “dünyanın ən kasıb prezidenti” kimi təbliğ olunan Xose Muxika haqqında “Vikipediya”dakı qısa məlumatı nəzərinizə çatdırırıq(sən demə, bunun özü də terrorçu olub):


“Xose Muxika 1960-1980-ci illərdə diktatura əleyhinə silahlı mübarizədə iştirak edib. O, "Tupamaros" partizan qrupunun (rəsmi adı "Milli Azadlıq Hərəkatı"dır) üzvü olub və terror aktları, bank soyğunları, girov götürülməsi də daxil olmaqla müxtəlif qarşıdurma üsullarından istifadə edib. Xose Muxika bir neçə dəfə yaralanıb, işgəncələrə məruz qalıb və təxminən 15 il məhkum həyatı yaşayıb. Onun döyüş dostu Lusiya Topolanski də həbsxanadan keçib. Onlar 2005-ci ildə rəsmən evləniblər.


Xose prezident olmasına baxmayaraq yalnız 2010-cu ildə maşın sahibi olub. Bu, 1987-ci il istehsalı olan, qiyməti 1810 dollarlıq “Wolksvagen” idi. Hal-hazırda o, dünyada ən kasıb prezident sayılır”.


P.S. Bəs görəsən, indiyədək bizim “ən kasıb” milyarderlərimizdən biri niyə bu “ən kasıb prezident”lə görüşüb onu ələ almırdı ki, bu gün də o, ermənilərin sözünü deməyə? Əşşi, bizimkilərin kasıb-kusubla nə işi var e?..



Sultan Laçın


Açar sözlər
Sultan Laçın , Xose Muxika , Robert Avetisyan , Mario Nalbandyan , Vikipediya , Azərbaycan , Uruqvay
Siyasət xəbərləri
“Ən vacibi təmiz əldir”     — Eldar Əzizovdan RÜŞVƏT XƏBƏRDARLIĞI

“Ən vacibi təmiz əldir” — Eldar Əzizovdan RÜŞVƏT XƏBƏRDARLIĞI

24-04-2019 12:38 - Demokrat.az - Siyasət
Bakı Şəhər İcra Hakimiyyətində aparatın və struktura daxil təsərrüfat xidmətlərinin rəhbərlərinin iştirakı ilə iş forma və metodlarına, eləcə də neqativ hallar və korrupsiyaya ilə mübarizə məsələlərinə həsr olunmuş geniş müşavirə keçirilib.  Demokrat.az xəbər verir ki, müşavirədə Bakı Şəhər İcra Hakimiyyətinin başçısı Eldar Əzizov prezident İlham Əliyevin dövlət qulluqçuları qarşısında qoyduğu tələblərə toxunaraq bildirib ki, hər bir rəhbər işçi öz fəaliyyətində şəffaflıqla çalışmalı, hər hansı korrupsiya hallarına və pozuntulara yol verməməli, dövlət büdcəsindən səmərəli, düzgün  istifadə etməli, ən vacibi isə  bütün işlərini “təmiz əllərlə” görməlidir. İcra hakimiyyətinin başçısı hələ də bəzi neqativ halların mövcud olduğunu qeyd edib, belə hallara qarşı ciddi mübarizə aparılacağını və aşkarlanan faktlar barədə hüququ mühafizə orqanlarına müraciət ediləcəyini bildirib. Struktura daxil olan xidmətlərin işlərindən danışan Eldar Əzizov qeyd edib ki, ölkə başçısının Bakı şəhərinin lift təsərrüfatının yenilənməsi ilə bağlı müvafiq sərəncamının icrası məqsədi ilə Almaniya Federativ Respublikasının Wittur Holding GMBH şirkəti ilə müqavilə imzalanmasına hazırlıq gedir.  O, liftlərin qiyməti haqqında ictimaiyyətə konkret məlumat verilməsinin vacibliyini vurğulayıb və şəffaflığın təminatı üçün gələcəkdə bütün müqavilələrin və alınan malların qiymətlərinin ictimaiyyətə açıqlanacağını bildirib.
Moderator.az digər xəbərlər