Əkrəm İmamoğlu rəsmən İstanbulun bələdiyyə sədri oldu - MANDATINI ALDI

Əkrəm İmamoğlu rəsmən İstanbulun bələdiyyə sədri oldu - MANDATINI ALDI

Martın 31-də Türkiyədə keçirilən bələdiyyə seçkilərində 48,8 faiz səslə İstanbulun bələdiyyə sədri seçilən Əkrəm İmamoğlu seçkilərdən 17 gün sonra sədr mandatını alır.

AZXEBER.COM Türkiyə mediasına istinadən xəbər verir ki, İstanbulda 17 gün davam edən seçki mübahisələrinin, bir neçə qəsəbədə səslərin yenidən sayılmasının ardından Ali Seçki Komissiyası bu gün Əkrəm İmamoğluna bələdiyyə sədri mandatını təqdim edib.

Bununla da "Millət İttifaqı"nın namizədi kimi seçkilərdə qalib gələn siyasətçi bələdiyyə sədri vəzifəsinin icrasına başlaya biləcək.

Onu da qeyd edək ki, seçkilərdə uduzan hakim Ədalət və İnkişaf Partiyası İstanbulda seçki nəticələrinin ləğv edilməsi ilə bağlı Ali Seçki Komissiyasına (YSK) rəsmi müraciət edib. YSK yaxın günlərdə AKP-nin bu müraciətini də araşdırıb cavablayacaq.

Açar sözlər
Ali Seçki Komissiyası , Ədalət Və Inkişaf Partiyası , Istanbul , Türkiyə
Siyasət xəbərləri
Azxeber.com digər xəbərlər