Emeri Bakıda təcrübəsinə güvənəcək

Emeri Bakıda təcrübəsinə güvənəcək

“Oyunçular və azarkeşlərimizlə fəxr edirəm. Futbolçularım əllərindən gələn hər şeyi etdilər”. “Qafqazinfo” xəbər verir ki, bu sözləri “Arsenal”ın baş məşqçisi Unai Emeri Avropa Liqasının yarımfinalında “Valensiya”ya 4:2 hesabı ilə qalib gələrək finala yüksəldikləri oyundan sonra deyib.

O, “Valensiya” üzərindəki 4:2 hesablı qalibiyyəti şərh edib: “İlk qoldan sonra sakit olmalı və özümüzü ələ almalı idik. “Valensiya”ya 4 qol vurmaq asan deyil. Çünki onlar yaxşı komandadır”

“Sevilya” ilə 2014, 2015 və 2016-cı illərdə ardıcıl 3 dəfə Avroliqanın qalibi olan Emeri daha sonra vurğulayıb: “Finalda oynamaq çətindir. Amma əvvəlki uğurlarıma görə bu turnirdə çox təcrübəliyəm. Bundan istifadə edəcəyik”.
Qeyd edək ki, “Arsenal” finalda mayın 29-u Bakı Olimpiya Stadionunda “Çelsi” ilə qarşılaşacaq.

İdman xəbərləri
Qafqazinfo.az digər xəbərlər