Ərdoğan: Avropa İttifaqı Türkiyəsiz bunu edə bilməyəcək

Ərdoğan: Avropa İttifaqı Türkiyəsiz bunu edə bilməyəcək

Türkiyənin iştirakı olmadan öz dəyərlərinin təminatı üzrə Avropa İttifaqının səyləri müvəffəqiyyətsizliyə məhkumdur.

Publika.azTürkiyə KİV-inə istinadən xəbər verir ki, bu haqda ölkə prezidenti Rəcəb Tayyib Ərdoğan İslahat Fəaliyyət Qrupunun toplantısında bildirib.

“Türkiyəni Avropa cəmiyyətinin hüquqlarından çıxarmağa çalışanların hərəkətlərinə baxmayaraq, Avropa İttifaqına üzvlük üzrə səylərimiz davam edəcək. Türkiyənin tamhüquqlu iştirakı olmadan öz dəyərlərinin təmin olunması üzrə Avropa İttifaqının bütün səyləri müvəffəqiyyətsizliyə məhkumdur”, - Ərdoğan deyib.

Onun sözlərinə görə, Türkiyə vizaların sadələşdirilməsi prosesində 72 meyardan 66-sını tamamlayıb.

“Qalan 6 meyarla əlaqədar addımlar ataraq Avropa İttifaqının vizaların sadələşdirilməsində nə qədər səmimi olduğunu görəcəyik”, - Türkiyə prezidenti söyləyib.

Siyasət xəbərləri
Faktor.az digər xəbərlər
Yol nişanlarını oğurlayan MMC rəhbəri tutuldu

Yol nişanlarını oğurlayan MMC rəhbəri tutuldu

09-05-2019 17:55 - Faktor.az - Hadisə

Aprel ayının 28-nə keçən gecə Bakı-Şamaxı-Yevlax avtomobil yolunun hər iki istiqamətində quraşdırılmış yol nişanlarının oğurlanması barədə Baş Dövlət Yol Polisi İdarəsinə məlumat daxil olub.

Daxili İşlər Nazirliyindən Faktor.az-a verilən məlumata görə, məlumatla əlaqədar aparılmış araşdırmalarla qeyd olunan avtomobil yolunun 26-101-ci kilometrliyində - Şamaxı və əks istiqamətlərdə nəqliyyat vasitələrinin təhlükəsiz və nizamlı hərəkətini təmin etmək, habelə yol hərəkəti iştirakçılarını məlumatlandırmaq məqsədilə quraşdırılmış 59 ədəd yol nişanları və göstəricilərinin gizli yolla talandığı məlum olub.
 
Faktla bağlı Daxili İşlər Nazirliyinin Baş İstintaq və Təhqiqat İdarəsində Cinayət Məcəlləsinin müvafiq maddələri ilə cinayət işi başlanıb.

Baş İstintaq və Təhqiqat İdarəsi və Baş Dövlət Yol Polisi İdarəsi əməkdaşlarının birgə keçirdikləri istintaq-əməliyyat tədbirləri ilə müəyyən edilib ki, Yol Nişan MMC-nin direktoru Şamxal Qurbanov tanışları Bəxtiyar Umudov, Elşad Mənəfov və Elgün Salahovla qabaqcadan əlbir olaraq aprelin 27-dən 28-nə keçən gecə sözügedən magistral yolun qeyd olunan hissəsində quraşdırılmış yol nişanları və göstəricilərini oğurlayaraq “Azərbaycan Avtomobil Yolları” Dövlət Agentliyinə ümumilikdə 6,4 min manata yaxın maddi ziyan vurublar.

Mayın 8-də adları çəkilən şəxslər polis əməkdaşları tərəfindən şübhəli şəxs qismində tutulub, oğurlanmış yol nişanları və göstəricilər aşkar olunaraq maddi sübut kimi götürülüb.

Hazırda cinayət işi üzrə zəruri istintaq-əməliyyat tədbirləri davam etdirilir.