Erməni generalları arasında qalmaqal: "Bunu xəyanət kimi dəyərləndirərdim"

Erməni generalları arasında qalmaqal: "Bunu xəyanət kimi dəyərləndirərdim"
Ordu.az erməni KİV-lərinə istinadən xəbər verir ki, bu sözləri Ermənistan Müdafiə naziri Davit Tonoyan Məhkəmə Qərarlarının Məcburi İcra Xidmətinin rəhbəri, general Mihran Poğosyanın həbsinə və onun Rusiyadan siyasi sığınacaq xahişinə münasibət bildirərkən deyib.

Tonoyan qeyd edib ki, Poğosyan onun rəhbərlik etdiyi qurumun generalı deyil və şərh vermək istəmir.

Erməni jurnalistin "Söhbət general paqonları daşıyan şəxsdən gedir, mənəvi baxımdan bunu necə qiymətləndirirsiniz?" sualına Tonoyan belə cavab verib: "Gəlin mən, Müdafiə naziri kimi, Silahlı Qüvvələrin generallarına görə cavab verim".

"Silahlı Qüvvələrin generalı belə bir addım atardısa, necə davranardız", deyə verilən növbəti suala Tonoyan cavab olaraq, xəyanət kimi qiymətləndirə biləcəyini qeyd edib.

Alpər Mövludoğlu

Siyasət xəbərləri

Eldar Əzizov nazirlik, komitə və agentlik rəhbərlərini meriyaya topladı, birgə qərargah yaradıldı - MÜŞAVİRƏ

26-04-2019 14:11 - Cebhe.info - Siyasət
Eldar Əzizov nazirlik, komitə və agentlik rəhbərlərini meriyaya topladı, birgə qərargah yaradıldı - MÜŞAVİRƏ
 26/04/2019 14:11:30 Bakı Şəhər İcra Hakimiyyətində Fövqəladə Hallar Nazirliyi, Dövlət Şəhərsalma və Arxitektura Komitəsi, Dövlət Reklam Agentliyi, Bakı Nəqliyyat Agentliyi rəhbər nümayəndələrinin, Şəhər İcra Hakimiyyətinin strukturuna daxil olan təsərrüfat xidmətlərinin rəhbərlərinin iştirakı ilə geniş müşavirə keçirilib.

BŞİH-in Mətbuat xidmətindənverilən məlumata görə, müşavirədə ölkə rəhbərinin siyasəti nəticəsində Bakının dünyanın ən gözəl şəhərlərindən birinə çevrildiyi qeyd edilib, paytaxtın mərkəzi hissəsində vəziyyətin nümunəvi olduğu vurğulanıb, bəzi ətraf ərazilərdə, xüsusilə əhalinin, ticarət obyektlərinin və nəqliyyat vasitələrinin sıx olduğu ərazilərdə bir sıra problemlərin mövcud olduğu bildirilib.

Müşavirədə Bakı Şəhər İcra Hakimiyyətinin başçısı Eldar Əzizov qeyd edib ki, Azərbaycan Respublikasının Prezidenti İlham Əliyev və ölkənin Birinci Vitse-prezidenti Mehriban xanım Əliyevanin tapşırıq və tövsiyələrinə uyğun olaraq, paytaxtın sıxlıq müşahidə olunan ətraf ərazilərində yanğın təhlükəsizliyinin təmin olunması, yanğınsöndürmə nəqliyyat vasitələrinin obyektlərə sərbəst yetişməsi, tıxacların aradan qaldırılması və bu ərazilərin memarlıq üslubunun və estetik görünüşünün müasir standartlar səviyyəsinə çatdırılması məqsədi ilə müvafiq tədbirlər görüləcək.

Bu məqsədlə aidiyyəti qurumların nümayəndələrindən ibarət qərargah yaradılıb.

Qərargah üzvləri artıq küçələrin və buradakı obyektlərin inventarlaşmasına başlayıblar.

İlkin olaraq Xətai rayonu, Məhəmməd Hadi küçəsi və Nizami rayonu Qara Qarayev prospektində bu işlərə başlanıb.
Ordu.az digər xəbərlər