"Ermənistan ABŞ silahı alınmasına dair konkret təklif almayıb" - Tonoyan

"Ermənistan ABŞ silahı alınmasına dair konkret təklif almayıb" - Tonoyan
Ordu.az xəbər verir ki, bu barədə jurnalistlərlə görüşü zamanı Ermənistan Müdafiə naziri Davit Tonoyan bildirib.

ABŞ prezidentinin milli təhlükəsizlik üzrə müşaviri Con Boltonun Ermənistana ABŞ istehsalı silahlar alması barədə təklifinə toxunan jurnalistlərə Tonoyan belə cavab verib: "Mən, hələ ki, hər hansı bir təklif almamışam, konkret təklif yoxdur", - deyə Tonoyan bildirib.

O qeyd edib ki, erməni tərəfi mövcud bazarı keyfiyyət, növ və qiymət baxımından araşdırır.

"Əgər təkliflər, silah əldə edilməsi üçün münasib olarsa, bu Amerika üçün yolverilən olduğu halda, niyə də yox", - deyə Tonoyan əlavə edib.

Moskvaya səfərinə və əldə edilən razılaşmalara toxunan Tonoyan qeyd edib ki, Su-30SM qırıcılar ətrafında razılaşmalardan başqa, bu ilin sonuna və gələn ilin əvvəlinədək bütün tədarüklər barədə razılıq əldə edilib.

Alpər Mövludoğlu

Siyasət xəbərləri
Ordu.az digər xəbərlər
Azərbaycanlıların Osmanlı Türkiyəsinə yardımı - Çanaqqala zəfəri

Azərbaycanlıların Osmanlı Türkiyəsinə yardımı - Çanaqqala zəfəri

26-04-2019 15:25 - Ordu.az - Siyasət

“Azərbaycanlıların Çanaqqala döyüşlərində iştirakı və Birinci Dünya müharibəsində Osmanlı ordusunda vuruşan azərbaycanlılar” mövzusu ilə bağlı Türkiyə Cümhuriyyəti Başbakanlıq Osmanlı Arxivində və Genelkurmay Askeri Tarix və Strateji Etüd Arxivində apardığımız uzunmüddətli tədqiqatların yekunlarına görə, Birinci Dünya müharibəsi illərində könüllü olaraq Osmanlı ordusuna qatılan və Antantaya qarşı vuruşan, şəhid düşən və ya qazi olan azərbaycanlıları amallarına görə iki qrupa bölə bilərik:


1) Bütün İslam dünyasının xəlifəsi olan Osmanlı sultanının cihad çağırışına müsbət yanaşıb sidqi-ürəklə cihada qatılanlar;
2) Antanta ölkələrinin işğalı altında olan vətənlərini müstəmləkə rejimindən azad etmək üçün Osmanlı dövlətindən yardım uman və ona güvənən aydınlar.

“Azərbaycanlıların Çanaqqala döyüşlərində iştirakı” problemini öyrənmək üçün Başbakanlıq Osmanlı Arxivində olan bütün Çanaqqala dosyaları (təxminən 1200 portfel), ATASE arxivində Çanaqqala döyüşləri və bütövlükdə Birinci Dünya müharibəsi ilə bağlı bütün kataloqlar, Milli Savunma Bakanlığı Arxivinin 330.000 şəhidin adının yer aldığı “Şəhid Təsbit Projesi” tamamilə, 1914-cü ildən bəri bu günə qədər Türkiyədə nəşr olunan bütün qəzet və jurnallar, eyni zamanda 1914-cü ildən indiyə qədər Çanaqqala və bötövlükdə Birinci Dünya müharibəsi ilə bağlı türk dilində dərc olunan bütün elmi nəşriyyat tərəfimizdən araşdırıldı.