"Fermerlərin adları elektron informasiya sisteminə daxil ediləcək"

"Fermerlərin adları elektron informasiya sisteminə daxil ediləcək"

"Azərbaycanda elektron informasiya sistemi yaradılır. Bu ilin sonunadək bütün fermerlərin adlarının elektron informasiya sisteminə daxil edilməsi hədəf olaraq, müəyyən edilib. SİA-nın məlumatına görə, bunu Milli Məclisin Aqrar siyasət komitəsinin bu gün keçirilən iclasında çıxış edən kənd təsərrüfatı nazirinin müavini İlhamə Qədimova deyib.

Onun sözlərinə görə, kənd təsərüfatında çalışanları elektron alətlərdən istifadə etməyə çağırmalıyıq.

Nazir müavini əlavə edib ki, 2002-ci ildə qəbul edilmiş “Kənd təsərrüfatında sığortanın stimullaşdırılması haqqında” qanun qəbul olunsa da, orada bəzi məsələlər işlək deyildi. Yeni hazırlanan “Aqrar sığorta haqqında” qanunda müştərək sığorta modeli təklif edilir ki, bu da bəzi məsələlərin həllinə yardım edəcək, mexanizm fermerlər üçün daha əlçatan olacaq.

İ.Qədimova əlavə edib ki, aqrar sığorta predmetləri olan kənd təsərrüfatı bitkilərinin adları qanun qəbul edildikdən sonra dövlətin müvafiq qurumları tərəfindən müəyyən ediləcək.

Nazir müavinin sözlərinə görə, “Aqrar sığorta haqqında" qanun qüvvəyə mindikdən sonra fermerlərin maarifləndirilməsini təmin ediləcək.

İqtisadiyyat xəbərləri
Sia.az digər xəbərlər
Əli Həsənov: "İctimai rəyi çaşdırmağa çalışanların cəhdləri iflasa uğradıqdan sonra restoranları, kafeləri hədəf götürməyə çalışırlar"

Əli Həsənov: "İctimai rəyi çaşdırmağa çalışanların cəhdləri iflasa uğradıqdan sonra restoranları, kafeləri hədəf götürməyə çalışırlar"

26-04-2019 21:56 - Sia.az - Siyasət
Turizmin güclü inkişaf etdiyi bütün şəhərlərin tarixi mərkəzi təkcə mədəniyyət nümunələri ilə deyil, həm də ora gələn çoxsaylı qonaqların rahatlığı üçün müasir infrastruktur, çoxsaylı məişət-iaşə obyektləri ilə zəngindir.

SİA-nın məlumatına görə, bunu Azərbaycan Prezidentinin ictimai-siyasi məsələlər üzrə köməkçisi - şöbə müdiri Əli Həsənov "Facebook" səhifəsində yazıb.

Ə.Həsənov qeyd edib ki, bu gün Bakımızın mərkəzi öz gözəlliyi, rahatlığı, cəlbediciliyi, ən əsası isə qabaqcıl infrastrukturu ilə sözün əsl mənasında dünyanın ən gözəl şəhərləri ilə müqayisə oluna bilər:

"Çox təəssüf ki, feyk məlumatlarla ictimai rəyi çaşdırmağa çalışanların bütün cəhdləri iflasa uğradıqdan sonra indi də siyasi maraq qrupları, ayrı-ayrı fərdlər restoranları, kafeləri, suvenir satış nöqtələrini hədəf götürməyə çalışırlar.

Görünür, dünyagörüşünün məhdudluğu bu insanlarda turizm mərkəzləri haqqında da yanlış təsəvvürün formalaşmasına səbəb olub.

Yalan, böhtan üzərində qurulan siyasət gec-tez ifşa olunur, bu üsulla populyarlıq qazanmaq istəyənlər ictimai qınağa rast gəlir və olan-qalan nüfuzlarını da itirirlər.