“Hakimiyyəti təhvil verin” – Ölkədə yenidən ara qarışdı


Sudanın paytaxtı Xartumda həkimlər, jurnalistlər, hakimlər, mühəndislər, tələbələr və idmançıların davam edən etiraz nümayişlərinə qoşulması ilə vəziyyət yenidən qarışıb.

Teleqraf.com xəbər verir ki, Ömər əl-Bəşirin 30 illik hakimiyyətinə son qoyan və bundan sonra demokratik iqtidar tələbinə çevrilən aksiyalara Şendi, Medeni, Rufa, Əl-Menakıl və Kusti kimi ölkənin ayrı-ayrı şəhərlərindən dəstək verilib.

Bundan başqa, Faşir və Kadarif şəhərləri də kütləvi nümayişlərə qoşulanlar arasındadır.

Etirazçılar Hərbi Keçid Şurasından hakimiyyəti demokratik qüvvələrə təslim etməsini tələb edirlər.

Sudan müxalifətini öz çətiri altında birləşdirən Azadlıq və İnkişaf Qüvvələri hərbi xuntanın hakimiyyəti vətəndaşlara təslim etməsi üçün milyonluq mitinq çağırışı edib.

Nümayişlərin 20-ci günündə etirazçılar tələblərinin yerinə yetirilənədək aksiyalara davam edəcəklərini açıqlayıb.


Siyasət xəbərləri
Deputatlar Minskə gedir

Deputatlar Minskə gedir

26-04-2019 21:17 - Yenisabah.az - Siyasət
Milli Məclisinin deputatları – ATƏT Parlament Assambleyasının (ATƏT PA) vitse-prezidenti, ATƏT PA-nın İpək Yoluna Dəstək Qrupunun sədri Azay Quliyev və ölkəmizin ATƏT PA-dakı nümayəndə heyətinin üzvü Tahir Mirkişili aprelin 28-dən 30-dək Belarusun Minsk şəhərində keçiriləcək İpək Yoluna Dəstək Qrupunun ikinci beynəlxalq konfransında iştirak edəcəklər. "Yeni Sabah" xəbər verir ki, Belarus Parlamentinin və ATƏT PA-nın birgə təşkilatçılığı ilə keçiriləcək və “Bir kəmər, bir yol: davamlı inkişaf və tərəqqi üçün əməkdaşlığın dərinləşdirilməsi” mövzusuna həsr edilən konfransda İpək Yoluna Dəstək Qrupuna üzv olan dövlətlərin və digər ATƏT PA ölkələrinin parlament, hökumət və özəl sektor təmsilçiləri, eləcə də beynəlxalq təşkilatların, Belarusdakı diplomatik korpusun və ATƏT regionunda həyata keçirilən beynəlxalq infrastruktur layihələrinin yüksək vəzifəli nümayəndələrinin iştirakı nəzərdə tutulub. Konfransda “Bir kəmər, bir yol” təşəbbüsünün həyata keçirilməsi iqtisadi artım və iştirakçı dövlətlərin investisiya cəlbediciliyinin gücləndirilməsinə təsir edən amil kimi: mövcud problemlər və inkişaf yolları”; “Beynəlxalq infrastruktur layihələrinin həyata keçirilməsi – “Bir kəmər, bir yol” təşəbbüsünün uğuru üçün əsaslar” və “İştirakçı dövlətlərin humanitar sahədə əməkdaşlığının və turist cəlbediciliyinin artırılması üçün “Bir kəmər, bir yol” təşəbbüsünün potensialından istifadə” mövzularında panel iclasları keçiriləcək.
Teleqraf.com digər xəbərlər