"Hazırda aqrar sahədə sığorta işləmir"

"Hazırda aqrar sahədə sığorta işləmir"

“Bu gün aqrar sığorta mexanimzinin işləməsi kənd təsərrüfatının inkişafı fermrerlərin şikayəti baxımından çox əhəmiyyət daşıyır. Bundan əvvəl bu istiqamətdə qanun layihəsi qəbul olunsa da, işlək olmayıb. Sığorta mexanizminin işlənməsində müəyyən problemlər var”. SİA-nın xəbərinə görə, bunu kənd təsərrüfatı nazirinin müavini İlham Qədimova Milli Məclisin iqtisadi siyasət. sənaye və sahibkarlıq komitəsinin bu gün keçirilən komitə iclasında çıxış edərkən deyib.

O bildirib ki, indiyədək aparılan müşahidələr zamanı məlum olub ki, nə kənd təsərrüfatı istehsalçılarının, nə də sığortaçıların bu istiqamətə marağı yoxdur: “Bir sözlə sığorta bu sahədə işləmir. Başqa ölkələrdə bununla bağlı işlək mexanizm var”.

Nazir müavini söyləyib ki, kənd təsərrüfatı sahəsində işləyənlərin maliyyə gəlirləri qədər yüksək olmadığı üçün onların sığortaya marağının olmaması başa düşüləndir: “Bu baxımdan yeni “ Aqrar sığorta haqqında” qanunda müşətərək sığortanın tətbiq edilməsi mühümdür. Yeni qanuna əsasən aqrar sığortaya dövlət tərəfindən dəstək göstəriləcək, aqrar sığorta sahəsində məsuliyyətli qurum olacaq. Burada əsas məsələlərdən biri sığortaçıların bu riskli sahəyə cəlbidir ki, buna ehtiyac var. Müşətərək sığorta sistemi ilə aqrar sahədə sığortanın şlənməsinə imkan yaradacaq”.

loading...

İqtisadiyyat xəbərləri
Xətaidə qeyri-qanuni tikinti işləri dayandırılıb

Xətaidə qeyri-qanuni tikinti işləri dayandırılıb

26-04-2019 22:33 - Yenisabah.az - İqtisadiyyat
Dövlət Şəhərsalma və Arxitektura Komitəsi Bakı şəhəri, Xətai rayonu, Süleyman Vəzirov küçəsi, 17 ünvanında aparılan qeyri-qanuni tikinti işlərini dayandırıb. Bu barədə “Yeni Sabah”a Komitədən bildirilib. Məlumata görə, 2018-ci ilin noyabr ayında Bakı şəhəri, Xətai rayonu, Süleyman Vəzirov küçəsi, 17 ünvanında yerləşən yaşayış kompleksinin sakinləri tərəfindən yaşadıqları binalar qarşısında boş sahədə hündürmərtəbəli evlərin tikintisinə başlamaq cəhdləri barədə kollektiv şikayət Komitəyə daxil olub. Dövlət Şəhərsalma və Arxitektura Komitəsinin mütəxəssisləri tərəfindən məsələ ilə bağlı aparılmış araşdırma nəticəsində məlum olub ki, Bakı Şəhər İcra Hakimiyyəti tərəfindən 2018-ci ilin mart ayında həmin ərazidə çoxmərtəbəli yaşayış binasının “Azenne Group” MMC tərəfindən tikintisinə icazə icraatına başlansa da, icraat başa çatdırılmamış və həmin binanın tikintisinə icazə verilməyib. Bununla əlaqədar, Komitə tərəfindən aidiyyəti dövlət qurumlarına qanunvericiliklə müəyyən olunmuş qaydada tikintiyə icazə alınana qədər bu ərazidə tikinti işlərinin dayandırılması ilə bağlı müraciət ünvanlanıb. “Azenne Group” MMC tərəfindən təqdim olunmuş layihəyə əsasən 4 girişli 22-25 mərtəbəli yaşayış binasının tikintisi nəzərdə tutulurdu ki, bu da şəhərsalma qanunvericiliyi ilə tikinti sıxlığı üzrə həmin ərazi üçün müəyyən olunmuş normaları bir neçə dəfə üstələyir.
Sia.az digər xəbərlər