"Həbsdən qorxmuram..." - İmamoğlu Ərdoğana meydan oxudu

"Həbsdən qorxmuram..." - İmamoğlu Ərdoğana meydan oxudu
09 May 2019 [09:59]

İstanbul şəhər bələdiyyə sədrliyinə qələbəsi ləğv edilən CHP-li Əkrəm İmamoğlu həbs edilmə təhlükəsindən danışıb.

Mia.az xəbər verir ki, o, "DW Türkçe"nin əməkdaşı Nevşin Mengünün suallarına cavab verərkən, iyunun 23-də yenidən qalib gələcəyini deyib.

İmamoğlu Türkiyəınin diktatura rejiminə çevrildiyi barədə iddiaları bölüşmədiyini qeyd edərək, bu kimi söhbətlərin birilərinin "çörəyinə yağ sürtmək" olduğunu bildirib: "Çox açıq deyirəm: Türkiyə insan haqları düşkünüdür. Türkiyə xalqı əsla diktaturanı qəbul etməyib, etməz də. Əgər bu gün Türkiyədə demokratiya problemi varsa, bunun məsuliyyəti hamımızdır".

Daha sonra İmamoğlu "Həbs edilməkdən qorxursunuzmu" sualına belə cavab verib: "Mən heç bir şeydən qorxmuram. Evdən, uşaqlarımdan, həyat yoldaşımdan, anamdan, atamdan, qardaşımdan halallıq alıb, bu yola çıxdım. Bunun anlamını, əslində,cəmiyyət çox gözəl bilir.

Türkiyənin bügünkü durumunda heç nədən qorxmuram. Qorxuyla heç nə idarə edilə bilməz. Zərrə qədər ruhumda qorxu yoxdur, çünki doğru etdiyimə əminəm".

Siyasət xəbərləri
Mia.az digər xəbərlər