“Həmin hadisələr Ermənistanda və Dağlıq Qarabağda radikalizmi artırdı...”

“Həmin hadisələr Ermənistanda və Dağlıq Qarabağda radikalizmi artırdı...”

Ermənistanda 2011-ci ildə baş vermiş “məxməri inqilab” davam etməkdə olan Dağlıq Qarabağ münaqişəsində sülhüm əldə olunmasına ümidlər yaratdı, lakin maneələr hələ də qalır.

Virtualaz.org xəbər verir ki, bu fikir ABŞ-da dərc olunan nüfuzlu “The National İnterest” jurnalında dərc edilmiş məqalədə yer alır. Məqalənin müəllifi isə Princeton Universitetinin Yaxın şərq Araşdırmaları Departamentinin nəzdindəki Fulbrayt Araşdırmaları proqramının iştirakçısı, Ermənistanın İctimai Elmlər Akademiyasının və Rusiya-Ermənistan Universitetinin siyasi elmlər üzrə mühazirəçisi Ruben Elamiryandır.

Müəllif yazır ki, ötən il baş verən hadisələr həm Ermənistanda, həm Dağlıq Qarabağ erməniləri arasında radikalizmi artırdı. Nəticədə istənilən ərazi güzəştinə xəyanət kimi baxılmaqdadır.

“Hərçənd münaqişəyə cəlb olunmuş bütün oyunçular Cənubi Qafqazda uzunmüddətli sülhə və rifaha can atır, amma onların hər birinin yeni təhlükəsizlik arxitekturasını təmin etmək üçün öz baxışları var. Bununla belə problemin həlli bütün tərəflər üçün qarşılıqlı qələbə ola bilər, əgər dönüş nöqtəsi kimi daha geniş regiona uzunmüddətli və möhkəm sülhün gərək olduğu etiraf edilərsə”-müəllif yazır.

Məqalədə deyilir ki, Azərbaycan və Ermənistan hakimiyyətləri arasında son təmaslar, danışıqlar alqışlanır. Çünki belə dialoq sonradan əməkdaşlığa transformasiya edə bilən etimad mühiti yaratmağa, digər tərəfdən dialoq hər iki tərəfin mövqelərini dərk etməyə, qırmızı xətləri dəqiqləşdirməyə imkan verir.

Erməni araşdırmaçı yazır ki, uzunmüddətli sülh və möhkəm təhlükəsizlik arxitekturası qısamüddətli üstünlüyə qurban verilməli deyil. Çünki gələcəkdə bu təhlükəsizliklə bağlı daha ciddi problemlər meydana çıxara bilər.

Bu baxımdan Elamiryan hesab edir ki, Dağlıq Qarabağın hüquqi statusu ilə bağlı nizamlamanın məhək daşıdır, müvəqqəti status da daxil olmaqla hansısa aralıq həll uzunmüddətli və etibarlı ola bilməz. Hətta münaqişə regionuna sülhməramlı qüvvələr yeridilsə belə.

Erməni müəllif qeyd edir ki, Ermənistan hakimiyyəti həm Azərbaycan, həm beynəlxalq ictimaiyyət üçün nizamlamaya dair dəqiq hədəflərini, qırmızı xətlərini müəyyən etməlidir.

Virtualaz.org

Açar sözlər
National Interest , Elmlər Akademiyası , Yaxın Şərq Araşdırmaları Departamenti , Azərbaycan , Qarabağ , Abş , Ermənistan , Rube
Siyasət xəbərləri

Yüzlərlə gənc könüllülər sıralarına qatılır

26-04-2019 11:46 - Teleqraf.com - Siyasət

 
 
 Ətraf mühit və təbii sərvətlərin qorunması istiqamətində təbliğat və maarifləndirmə işlərinin daha da genişləndirilməsi məqsədilə Ekologiya və Təbii Sərvətlər Nazirliyi tərəfindən yaradılmış “Təbiəti könüllü qoruyaq” adlı könüllülər proqramının ali məktəblərdə təqdimatı keçirilib.

 

Teleqraf.com xəbər verir ki, Dövlət İdarəçilik Akademiyasında, İqtisad, Azərbaycan Dövlət Neft və Sənaye universitetlərində, Bakı Ali Neft Məktəbində keçirilən təqdimatlarda ETSN-nin nümayəndələri tələbələrə ekokönüllü proqramının məqsədi, iştirak qaydaları, imkanları və gənclərin bu cür layihələrə cəlb edilməsinin əhəmiyyəti barədə ətraflı məlumat veriblər.

 

Bildirilib ki, könüllülük fəaliyyətinə qoşulan gənclər ətraf mühit və təbii sərvətlərin qorunması istiqamətində aparılan təbliğat və maarifləndirmə işlərində yaxından iştirak edəcək, proqram çərçivəsində Nazirliyin mütəxəssisləri tərəfindən onlara əmək vərdişləri aşılayan təlimlər keçiriləcək və nəzəri-praktik biliklərin qazanılması üçün geniş şərait yaradılacaq.

 

Seçilənlərə xüsusi sertifikatlar veriləcək və onlar ehtiyat kadrlar siyahısına alınaraq gələcəkdə ETSN-də kadr heyətinin formalaşdırılmasında iştirak edəcəklər.
Virtualaz.org digər xəbərlər