“Heydər Əliyev - milli-siyasi elitamızın zirvəsi” müzakirə olundu

“Heydər Əliyev - milli-siyasi elitamızın zirvəsi” müzakirə olundu

Azərbaycan Dillər Universitetində siyasi elmlər doktoru, professor, YAP

Siyasi Şurasının üzvü Vaqif Abdullayevin "Heydər Əliyev - milli-siyasi elitamızın zirvəsi" kitabının müzakirəsi keçirilib.

Olaylar.az xəbər verir ki, Ulu öndər Heydər Əliyevin 96 illik yubileyi münasibətilə təşkil edilən tədbirdə universitetin tanınmış alimləri, elmi ictimaiyyət və tələbə-gənclər iştirak edib.

Tədbirdə Azərbaycan Dillər Universitetinin rektoru, Əməkdar elm xadimi, Milli Elmlər Akademiyasının həqiqi üzvü, akademik Kamal Abdulla bildirib ki, hazırda Azərbaycan dünyanın ən dinamik inkişaf edən ölkələrindəndir və bu inkişaf illər öncə qurulmuş strategiyanın nəticəsidir. Ulu Öndər quruculuq fəaliyyəti dövründə Azərbaycanın inkişafı və xalqın dinc yaşamasını təmin etmək üçün müxtəlif istiqamətlərdə proqram və layihələr həyata keçirib.

Tədbirdə çıxış edən Azərbaycan Dillər Universitetinin müəllimlərindən Namiq

Kərimov, Şəfəq Abdullayeva, Namiq Həsənov, Sevdagül Əliyeva və digərləri Ulu Öndərin çoxcəhətli fəaliyyətindən, bu dahi şəxsiyyətin qoyub getdiyi irsin bugünkü və gələcək həyatımız üçün əhəmiyyətindən danışıblar. Qeyd olunub ki, "Heydər Əliyev - milli-siyasi elitamızın zirvəsi" kitabı siyasi, ictimai, sosial sahəyə yeni elmi baxışın nümunəsi hesab edilə bilər.

Kitabın müəllifi Vaqif Abdullayev çıxışında bildirib ki, ümumilli lider Heydər Əliyev haqqında kitab yazmaq çox çətin, məsuliyyətli işdir. Lakin böyük qürur və şərəfdir. Özünü Heydər Əliyevin sadiq əsgəri hesab edən V.Abdullayev Ulu Öndərin siyasi irsinin öyrənilməsində bu nəşrin faydalı olacağına inandığını vurğulayıb.

Maraqlı xəbərləri Olaylar.Az Facebook səhifəmizdən izləyin.

Siyasət xəbərləri
Çağırışçıların həqiqi hərbi xidmətə yolasalma mərasimləri keçirilib - FOTOLAR

Çağırışçıların həqiqi hərbi xidmətə yolasalma mərasimləri keçirilib - FOTOLAR

26-04-2019 15:26 - Ordu.az - Siyasət
Azərbaycan Silahlı Qüvvələrinin keçdiyi tarixi yoldan, Ordumuzun formalaşmasında və güclənməsində xalqımızın ümummilli lideri Heydər Əliyevin və onun siyasi xəttinin layiqli davamçısı ölkəmizin Prezidenti, Silahlı Qüvvələrin Ali Baş Komandanı İlham Əliyevin həyata keçirdikləri işlərdən söz açıb.

Bakının Qaradağ rayonunda keçirilən tədbirdə rayon icra hakimiyyəti başçısının birinci müavini Emil Abbasov çıxış edərək Vətəni qorumaq kimi müqəddəs borcun yerinə yetirilməsində çağırışçılara dəyanətli, əzmkar olmalarını, hərbi xidməti şərəflə bitirmələrini arzulayıb.

Səfərbərlik və Hərbi Xidmətə Çağırış üzrə Dövlət Xidmətinin Qaradağ rayon idarəsi rəisinin müavini, polkovnik-leytenant Rizvan Sadıqov mərasimdə çıxış edərək, Vətəni göz bəbəyi tək qorumağın müqəddəs və məsuliyyətli vəzifə olduğunu çağırışçıların diqqətinə çatdırıb.

Yolasalma mərasimlərində ictimaiyyətin nümayəndələri, ziyalılar, valideynlər, müharibə veteranları gənclərə hərbi xidmətdə ayıq-sayıq olmağı, hərbi sirlərə və texnikaya mükəmməl yiyələnməyi tövsiyə ediblər.

Hərbi xidmətə yola düşən gənclər adından çıxış edənlər Vətən və xalqımız qarşısında xidməti borclarını şərəflə yerinə yetirəcəklərini, torpaqlarımızın azad edilməsi naminə hər an hazır olacaqlarını söyləyiblər.

Sonda çağırışçı gənclər üçrəngli bayrağımızı öpərək ordu sıralarına yola düşüblər.

Həqiqi hərbi xidmətə çağırış respublikamızın bütün bölgələrində davam edir.
Olaylar.az digər xəbərlər