“İçərişəhər”də tikinti harada aparılıb? - Rəsmi görüntülər yayıldı

“İçərişəhər”də tikinti harada aparılıb? - Rəsmi görüntülər yayıldı

“İçərişəhər”də tikinti harada aparılıb? - Rəsmi görüntülər yayıldı

16:24 26 Aprel 2019

Bu gün “İçərişəhər” Dövlət Tarix-Memarlıq Qoruğu İdarəsində (DTMQİ) sosial şəbəkələrdə yayılmış iddialara aydınlıq gətirilməsi üçün mətbuat konfransı keçirilib.


Femida.az -ın xəbərinə görə, konfransdan sonra media nümayəndələri İdarənin əməkdaşları ilə birlikdə sosial şəbəkələrdə Kiçik Qala küçəsində söküldüyü iddia edilən bürcün yerləşdiyi əraziyə yollanıb.

Media nümayəndələri Kiçik Qala küçəsində, Qala divarları boyunca aparılan təmir işləri ilə tanış olub. Jurnalistlər sosial şəbəkələrdə yayımlanan xəbərlərin həqiqətəuyğun olmadığını müşahidə ediblər.

DTMQİ-nin Aparat rəhbəri Riad Qasımov jurnalistlərə açıqlamasında bildirib ki, 2011-2012-ci illərdə Qala divarlarının bərpası həyata keçirilib: “Bu əsnada həmin dağıdılmış bürcü bərpa etmək üçün genişmiqyaslı bərpa işləri görülüb. Bu zaman bütün arxiv sənədləri nəzərdən keçirilib, bürcü mümkün qədər tarixi görkəminə qaytarmaq üçün tarixçilər, memarlar, mühəndislər tərəfindən layihə işlənib hazırlanıb. Məhz bu işlərin nəticəsində bu gün Kiçik Qala küçəsində həmin bürcün bərpa olunmuş vəziyyətini görə bilərsiniz”.

Aparat rəhbəri qeyd edib ki, sosial şəbəkələrdə yayılan fotolardakı görüntü Qala divarları ilə əlaqəli deyil: “Burada yalnız yüngül metaldan ibarət dayaqlar mövcuddur. Bəzi müxalif qüvvələr ərazidə aparılan yenidənqurma işlərinin Qala divarına bitişik olmasını iddia edirlər. Təbii ki, bu məlumatlar həqiqəti əks etdirmir. Özünüz də görürsünüz ki, yaradılan dayaqlar abidədən 1,5 metr aralı quraşdırılıb”.

Mədəniyyət xəbərləri
Femida.az digər xəbərlər
Məhkəmə-hüquq sistemində islahatlar dərinləşdirilir - Fərman

Məhkəmə-hüquq sistemində islahatlar dərinləşdirilir - Fərman

26-04-2019 15:10 - Femida.az - Siyasət
Ali Məhkəməyə və Məhkəmə-Hüquq Şurasına tövsiyə edilir və Ədliyyə Nazirliyinə tapşırılır ki, aşağıdakı məsələlərə dair normativ hüquqi aktların layihələrini hazırlayıb iki ay müddətində Azərbaycan Prezidentinə təqdim etsinlər:- sahibkarların məhkəməyə müraciət imkanlarının asanlaşdırılması və sahibkarlıqla bağlı mübahisələrə müvafiq sahədə daha dərin hüquqi bilik və təcrübəsi olan hakimlər tərəfindən baxılmasını təmin etmək məqsədilə vergi və gömrük ödənişləri, məcburi dövlət sosial sığorta haqlarının ödənilməsi ilə bağlı yaranan mübahisələrə, habelə sahibkarlıq fəaliyyəti ilə əlaqədar digər məsələlərə dair işlər üzrə ixtisaslaşmış məhkəmənin yaradılması;- məhkəmələrin hüquqi məsələlərin həllinə yanaşmasının sabitliyini və normativ hüquqi aktların tətbiqi ilə bağlı hüquqi mövqeyinin proqnozlaşdırılan olmasını təmin etmək məqsədilə Ali Məhkəmənin vahid məhkəmə təcrübəsi formalaşdırmaq vəzifəsinin və həmin vəzifənin icra olunması mexanizminin təsbit edilməsi;- hakimlərin müstəqilliyini təmin etmək məqsədilə məhkəmələrin fəaliyyətinə müdaxilənin qarşısının alınması mexanizmlərinin təkmilləşdirilməsi və belə müdaxiləyə görə məsuliyyətin artırılması;- hakimlərin sosial müdafiəsinin gücləndirilməsi məqsədilə onların maddi təminatının əhəmiyyətli dərəcədə artırılması;- məhkəmələrdə baxılan işlər üzrə ödənilən dövlət rüsumunun dərəcələrinin verilən iddiaların qiymətinə müvafiq olaraq diferensiasiya edilməsi;- məhkəmələrdə baxılan işlər üzrə ödənilən dövlət rüsumunun müəyyən hissəsinin məhkəmə aparatları işçilərinin sosial müdafiəsinin gücləndirilməsinə və məhkəmələrin maddi-texniki bazasının möhkəmləndirilməsinə yönəldilməsi;- məhkəmə icraatının obyektivliyini daha dolğun şəkildə təmin etmək üçün bütün məhkəmə iclaslarının fasiləsiz audioyazısının aparılması və protokolun məhkəmə iclasının audioyazısına uyğun tərtibi tələbinin müəyyən edilməsi;- mülki işlər, habelə inzibati xətalara, iqtisadi və inzibati mübahisələrə dair işlər üzrə məhkəmə ekspertizasının keçirilməsi və ekspert rəyinin verilməsi müddətlərinin dəqiqləşdirilməsi, məhkəmə prosesi tərəflərinin ekspertiza təyin edilməsi ilə bağlı hüquqlarının genişləndirilməsi.