İrandan gələn Azərbaycan vətəndaşının daxili orqanında narkotik vasitə və psixotrop maddə aşkarlanıb

İrandan gələn Azərbaycan vətəndaşının daxili orqanında narkotik vasitə və psixotrop maddə aşkarlanıb

Bakı. Trend:

Cənub Ərazi Baş Gömrük İdarəsi Əməliyyat və Təhqiqat İdarəsinə daxil olan məlumat əsasında, piyada yolla İran İslam Respublikasından gələn Azərbaycan vətəndaşı Astara gömrük postunda saxlanılıb və onun üzərində şəxsi yoxlama aparılıb.

Dövlət Gömrük Komitəsindən Trend-ə verilən məlumata görə, şəxsi yoxlama zamanı onun üzərində qanunla qadağan olunan hər hansı predmet aşkarlanmasada, daxili orqanlarının tibbi müayinədən keçirilməsi zərurəti yaranıb. Astara Rayon Mərkəzi Xəstəxanasına aparılan vətəndaşın tibbi müayinəsi nəticəsində - düz bağırsağından, şəffaf sellofana bükülü 4 ədəd bağlama və həmin bağlamalardan birinin içərisində 4 ədəd büküm aşkarlanıb. Baxış zamanı 3 ədəd bağlamada və 1 ədəd bükümdə qablaşdırılması ilə birlikdə çəkisi 183 qram təşkil edən açıq qəhvəyi rəngli narkotik vasitə - heroin, 2 ədəd bükümdə çəkisi 1,47 qram təşkil edən ağ rəngli, kristal formada psixotrop maddə -metamfetamin və 1 ədəd bükümdə isə 6 ədəd qəhvəyi rəngli, bir xətli, yumru formalı, üzərində "M 40" nişanəsi olan "metadon" adlı dərman preparatı aşkar olunub.

Xatırladaq ki, metamfetamin adlı preparat "Azərbaycan Respublikasının ərazisində dövriyyəsi qadağan edilmiş psixotrop maddələrin I Siyahısı"na, metadon adlı preparat isə "Azərbaycan ərazisində dövriyyəsi məhdudlaşdırılan narkotik vasitələr"in II Siyahısına daxildir.

Faktla bağlı araşdırma aparılır.

Trend-in ən mühüm və maraqlı xəbərlərini "Telegram"da izləyin

Hadisə xəbərləri
Elina Hacıyevanın intihar işilə bağlı YENİLİK

Elina Hacıyevanın intihar işilə bağlı YENİLİK

01-05-2019 08:14 - Azxeber.com - Hadisə
Bakıda 162 saylı məktəbdə intihar edən Elina Hacıyevanın işi ilə bağlı Bakı şəhər Prokurorluğu tərəfindən zərərçəkmişin hüquqi varisinin vəkilləri və nümayəndələri - Azər Nağıyev, Sevinc Əliyeva və Emin İsayev prosesə cəlb edilib.


AZXEBER.COM bu barədə E.İsayev "report"a məlumat verib.

 
Onun sözlərinə görə, aprelin 23-də zərərçəkmiş E.Hacıyevanın hüquqi varisi, onun anası Sevil Hacıyeva ilə ödənişsiz hüquqi yardımın göstərilməsi barədə müqavilə bağlanılıb və onun hüquqlarının və qanuni maraqlarının müdafiəsini vəkillər üzərlərinə götürüb:


"Müqavilə bağladıqdan sonra əvvəl Elina Hacıyevanın anası Sevil Hüseynova ilə görüşdük və hadisə ilə bağlı ona məlum olan bütün hallar, habelə, onu narahat edən məqamlar barədə ətraflı söhbət etdik.


Bundan sonra Bakı şəhər Prokurorluğu tərəfindən zərərçəkmişin hüquqi varisinin vəkilləri və nümayəndələri kimi prosesə cəlb edildik".


E.İsayev qeyd edib ki, hazırda Bakı şəhər Prokurorluğu tərəfindən intihar faktı ilə bağlı Cinayət Məcəlləsinin (CM) 125-ci (özünü öldürmə həddinə çatdırma), 143-cü (təhlükədə qoyma) və 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddələri ilə açılmış cinayət işi üzrə ibtidai istintaq aparılır.


İbtidai istintaqın aparılması müstəntiq E.Cəlilova həvalə olunub, 162 nömrəli tam orta məktəbin direktoru Sevinc Abbasova barəsində CM-nin 143 və 314.2-ci maddələri ilə təqsirləndirilən şəxs qismində cəlb edilib, Bakı şəhəri Səbail rayon məhkəməsinin 16 aprel 2019-cu il tarixli qərarı ilə onun barəsində ev dustaqlığı qətimkan tədbiri seçilib.


Vəkil bildirib ki, E.Hacıyevanın ölümündə digər şəxslərin, o cümlədən ona tibbi yardım göstərən həkimlərin təqsirinin olub-olmamasına ibtidai istintaq orqanından müdafiəçilərə məlumat verilib:


"Deyilib ki, bu istiqamətdə araşdırmalar davam edir.


Belə ki, cinayət işi üzrə Elina Hacıyevanın ölümünün səbəbi və müddəti, təcili tibbi yardım xidmətinə vaxtında müraciət olunub-olunmaması, onun həkim briqadası tərəfindən yerində və xəstəxanada lazımi tibbi yardımın göstərilib-göstərilməməsi, müayinə və müalicənin diaqnoza uyğun qaydada aparılıb-aparılmaması,


onun xəstəxanaya gec çatdırılması (bu fakt danılmazdır) ilə ölümü arasında səbəbli əlaqənin olub-olmaması və sair əhəmiyyət kəsb edən halların aydınlaşdırılması üçün komisyon məhkəmə-tibb ekspertizası təyin edilib.
Trend.az digər xəbərlər