İtaliya agentliyi Azərbaycanın qaz sektorundan bəhs edən məqalə yayıb

İtaliya agentliyi Azərbaycanın qaz sektorundan bəhs edən məqalə yayıb

Roma, 26 aprel, AZƏRTAC

İtaliyanın nüfuzlu “Agenzia Nova” agentliyinin saytında “Şahdəniz” yatağından 100 milyard kubmetrdən çox qaz hasil edilib” sərlövhəli məqalə dərc olunub.

AZƏRTAC xəbər verir ki, yazıda Azərbaycanın energetika naziri Pərviz Şahbazovun SOCAR-ın “Xəzər və Mərkəzi Asiya: Ticarət, Logistika, Neft emalı, Neft-kimya” Forumundakı çıxışı zamanı söylədiyi fikirləri yer alıb.

Bildirilib ki, indiyədək "Şahdəniz" yatağından 104,2 milyard kubmetr qaz və 25,1 milyon ton kondensat hasil edilib. 2019-cu ilin ilk üç ayı ərzində Azərbaycanda qaz hasilatı ötən ilin eyni dövrü ilə müqayisədə 25,1 faiz artaraq 8,1 milyard kubmetr olub. Qeyd edilib ki, ölkənin qaz ixracı 26,6 faiz artaraq 3,2 milyard kubmetrə çatıb.

Asiman Əsədov

AZƏRTAC-ın xüsusi müxbiri

Roma

İqtisadiyyat xəbərləri
Xətaidə qeyri-qanuni tikinti işləri dayandırılıb

Xətaidə qeyri-qanuni tikinti işləri dayandırılıb

26-04-2019 22:33 - Yenisabah.az - İqtisadiyyat
Dövlət Şəhərsalma və Arxitektura Komitəsi Bakı şəhəri, Xətai rayonu, Süleyman Vəzirov küçəsi, 17 ünvanında aparılan qeyri-qanuni tikinti işlərini dayandırıb. Bu barədə “Yeni Sabah”a Komitədən bildirilib. Məlumata görə, 2018-ci ilin noyabr ayında Bakı şəhəri, Xətai rayonu, Süleyman Vəzirov küçəsi, 17 ünvanında yerləşən yaşayış kompleksinin sakinləri tərəfindən yaşadıqları binalar qarşısında boş sahədə hündürmərtəbəli evlərin tikintisinə başlamaq cəhdləri barədə kollektiv şikayət Komitəyə daxil olub. Dövlət Şəhərsalma və Arxitektura Komitəsinin mütəxəssisləri tərəfindən məsələ ilə bağlı aparılmış araşdırma nəticəsində məlum olub ki, Bakı Şəhər İcra Hakimiyyəti tərəfindən 2018-ci ilin mart ayında həmin ərazidə çoxmərtəbəli yaşayış binasının “Azenne Group” MMC tərəfindən tikintisinə icazə icraatına başlansa da, icraat başa çatdırılmamış və həmin binanın tikintisinə icazə verilməyib. Bununla əlaqədar, Komitə tərəfindən aidiyyəti dövlət qurumlarına qanunvericiliklə müəyyən olunmuş qaydada tikintiyə icazə alınana qədər bu ərazidə tikinti işlərinin dayandırılması ilə bağlı müraciət ünvanlanıb. “Azenne Group” MMC tərəfindən təqdim olunmuş layihəyə əsasən 4 girişli 22-25 mərtəbəli yaşayış binasının tikintisi nəzərdə tutulurdu ki, bu da şəhərsalma qanunvericiliyi ilə tikinti sıxlığı üzrə həmin ərazi üçün müəyyən olunmuş normaları bir neçə dəfə üstələyir.
Azertag.az digər xəbərlər