Komandamız turnirdə qızıl medal qazanıb

Komandamız turnirdə qızıl medal qazanıb

Azərbaycan komandası bədii gimanstika üzrə II AGF Junior Trophy beynəlxalq turnirində beş halqa ilə qrup hərəkətlərində 21.500 bal toplayaraq qızıl medal qazanıb.

"Ölkə.Az" Trend-ə istinadən bildirir ki, gümüş medalı İtaliya komandası (21.500 bal), bürünc medalı isə Belarus komandası (20.100 bal) qazanıblar.

Azərbaycan komandasının tərkibi: Mədinə Əsədova, Ləman Əlimuradova, Selcan Həcizadə, Millana Əkbərova və Fəridə Səfiyarzadə.

Qeyd edək ki, Bakıda 20-21 aprel tarixlərində Milli Gimnastika Arenasında bədii gimnastika üzrə 2-ci AGF Junior Trophy beynəlxalq turniri keçirilir. Yarışda 20 ölkənin 130-a yaxın gənc bədii gimnastı iştirak edir.

Dünya Kubokundan bir neçə gün öncə (26-28 aprel) keçiriləcək gənclərin yarışında Beynəlxalq Gimnastika Federasiyasının (FIG) qaydalarına əsasən, yalnız 2004-2006-cı il təvəllüdlü gimnastlar çıxış edir.

İdman xəbərləri
Olke.az digər xəbərlər