Lələtəpə uğrunda həlak olmuş 22 şəhidin adına 22 çinar ağacı əkilib - FOTOLAR

Lələtəpə uğrunda həlak olmuş 22 şəhidin adına 22 çinar ağacı əkilib - FOTOLAR
Ordu.az-ın Qarabağ bürosunun məlumatına görə, kampaniyada Lələtəpə yüksəkliyi istiqamətində düşmən təxribatlarına cavab olaraq Azərbaycan Ordusunun apardığı uğurlu əks-həmlə əməliyyatları zamanı qəhrəmancasına həlak olmuş şəhidlərin ailə üzvləri, döyüş yoldaşları, həmin ərazilərdə hərbi xidmət keçən gənc əsgərlər, Cocuq Mərcanlı qəsəbəsinin sakinləri iştirak ediblər.

Mərasim iştirakçıları əvvəlcə Füzuli rayonu ərazisində Aprel şəhidlərinin xatirə abidəsini ziyarət edib, abidənin qarşısında gül düzüblər. Şəhidlərin ruhuna dua oxunub.

Sonra tədbir iştirakçıları Cocuq Mərcanlı kəndinin girişində yolun kənarında Lələtəpə uğrunda döyüşlərdə həlak olmuş 22 şəhidin hər birinin adına 22 çinar ağacı əkilib, onların yanında hər bir şəhid haqqında məlumatın əks olunduğu lövhə yerləşdirilib və üzərinə Azərbaycan bayrağı bərkidilib.

Tədbirdə Qaçqınlaın və Məcburi Köçkünlərin İşləri üzrə Dövlət Komitəsinin nümayəndəsi Elmir Allahyarov, Cocuq Mərcanlı kənd sakini, “Əmək” ordenli Oqtay Həziyev, hərbi hissə komandiri Eldəniz İmameliyev və birliyin zabiti Anar Rzayev çıxış edib, Aprel zəfərinin əhəmiyyətindən danışıb, ordumuzun düşmən üzərində üstünlüyü, Ali Baş Komandanın əmri ilə torpaqlarımızı işğaldan azad etməyə hər hazır olduğunu bildiriblər.

Cocuq Mərcanlı kənd məktəbinin şagirdləri vətənpərvər ruhlu şeirlər səsləndiriblər.

Sonda ağacəkmə aksiyasının iştirakçıları ilə birlikdə xatirə şəkli çəkdiriblər.

Elgün Gəncimsoy

Siyasət xəbərləri
Ordu.az digər xəbərlər
Azərbaycanlıların Osmanlı Türkiyəsinə yardımı - Çanaqqala zəfəri

Azərbaycanlıların Osmanlı Türkiyəsinə yardımı - Çanaqqala zəfəri

26-04-2019 15:25 - Ordu.az - Siyasət

“Azərbaycanlıların Çanaqqala döyüşlərində iştirakı və Birinci Dünya müharibəsində Osmanlı ordusunda vuruşan azərbaycanlılar” mövzusu ilə bağlı Türkiyə Cümhuriyyəti Başbakanlıq Osmanlı Arxivində və Genelkurmay Askeri Tarix və Strateji Etüd Arxivində apardığımız uzunmüddətli tədqiqatların yekunlarına görə, Birinci Dünya müharibəsi illərində könüllü olaraq Osmanlı ordusuna qatılan və Antantaya qarşı vuruşan, şəhid düşən və ya qazi olan azərbaycanlıları amallarına görə iki qrupa bölə bilərik:


1) Bütün İslam dünyasının xəlifəsi olan Osmanlı sultanının cihad çağırışına müsbət yanaşıb sidqi-ürəklə cihada qatılanlar;
2) Antanta ölkələrinin işğalı altında olan vətənlərini müstəmləkə rejimindən azad etmək üçün Osmanlı dövlətindən yardım uman və ona güvənən aydınlar.

“Azərbaycanlıların Çanaqqala döyüşlərində iştirakı” problemini öyrənmək üçün Başbakanlıq Osmanlı Arxivində olan bütün Çanaqqala dosyaları (təxminən 1200 portfel), ATASE arxivində Çanaqqala döyüşləri və bütövlükdə Birinci Dünya müharibəsi ilə bağlı bütün kataloqlar, Milli Savunma Bakanlığı Arxivinin 330.000 şəhidin adının yer aldığı “Şəhid Təsbit Projesi” tamamilə, 1914-cü ildən bəri bu günə qədər Türkiyədə nəşr olunan bütün qəzet və jurnallar, eyni zamanda 1914-cü ildən indiyə qədər Çanaqqala və bötövlükdə Birinci Dünya müharibəsi ilə bağlı türk dilində dərc olunan bütün elmi nəşriyyat tərəfimizdən araşdırıldı.