Makron: "Mən indiki prezidentlik müddətimi müvəffəqiyyətlə başa vurmaq istəyirəm"

Makron: "Mən indiki prezidentlik müddətimi müvəffəqiyyətlə başa vurmaq istəyirəm"

Fransa prezidenti Emmanuel Makron 2022-ci ildə keçiriləcək prezident seçkilərində iştirakı ilə bağlı suala cavabında bildirib ki, onu gələcək seçkilər maraqlandırmır və indiki prezidentlik müddətini layiqincə başa çatdırmaq istəyir.

SİA-nın xarici kütləvi informasiya vasitələrinə istinadən verdiyi xəbərə görə, milli debatların nəticələri ilə bağlı keçirilən mətbuat konfransında Fransa prezidenti gələcək seçkilərə də toxunub: “Məni növbəti seçkilər həyəcanlandırmır. Mən indiki prezidentlik müddətimi müvəffəqiyyətlə başa vurmaq istəyirəm. Müvəffəqiyyətlə başa vurmaq üçün isə mən digər sahələrdə də qərarların qəbul edilməsində, çətin olsa da məsuliyyəti öz üzərimə götürməliyəm”.

Qeyd edək ki, Fransada milli debatlar 15 yanvar-15 mart tarixlərində keçirilib. “Sarı jiletlilər” hərəkatının başlatdığı etiraz aksiyalarına cavab olaraq bu debatların keçirilməsi ideyası məhz prezident Makrondan gəlmişdi.

Makron aprelin 15-də milli debatların yekunu ilə bağlı xalqa müraciət etməli idi. Lakin Notr-Dam qəsrində baş vermiş yanğın prezidentin xalqa müraciətinin təxirə salınmasına səbəb olub.

loading...

Siyasət xəbərləri
Sia.az digər xəbərlər
Əli Həsənov: "İctimai rəyi çaşdırmağa çalışanların cəhdləri iflasa uğradıqdan sonra restoranları, kafeləri hədəf götürməyə çalışırlar"

Əli Həsənov: "İctimai rəyi çaşdırmağa çalışanların cəhdləri iflasa uğradıqdan sonra restoranları, kafeləri hədəf götürməyə çalışırlar"

26-04-2019 21:56 - Sia.az - Siyasət
Turizmin güclü inkişaf etdiyi bütün şəhərlərin tarixi mərkəzi təkcə mədəniyyət nümunələri ilə deyil, həm də ora gələn çoxsaylı qonaqların rahatlığı üçün müasir infrastruktur, çoxsaylı məişət-iaşə obyektləri ilə zəngindir.

SİA-nın məlumatına görə, bunu Azərbaycan Prezidentinin ictimai-siyasi məsələlər üzrə köməkçisi - şöbə müdiri Əli Həsənov "Facebook" səhifəsində yazıb.

Ə.Həsənov qeyd edib ki, bu gün Bakımızın mərkəzi öz gözəlliyi, rahatlığı, cəlbediciliyi, ən əsası isə qabaqcıl infrastrukturu ilə sözün əsl mənasında dünyanın ən gözəl şəhərləri ilə müqayisə oluna bilər:

"Çox təəssüf ki, feyk məlumatlarla ictimai rəyi çaşdırmağa çalışanların bütün cəhdləri iflasa uğradıqdan sonra indi də siyasi maraq qrupları, ayrı-ayrı fərdlər restoranları, kafeləri, suvenir satış nöqtələrini hədəf götürməyə çalışırlar.

Görünür, dünyagörüşünün məhdudluğu bu insanlarda turizm mərkəzləri haqqında da yanlış təsəvvürün formalaşmasına səbəb olub.

Yalan, böhtan üzərində qurulan siyasət gec-tez ifşa olunur, bu üsulla populyarlıq qazanmaq istəyənlər ictimai qınağa rast gəlir və olan-qalan nüfuzlarını da itirirlər.