Moldova səfiri: Milli Gimnastika Arenasında hər zaman yaxşı mühit var (FOTO)

Moldova səfiri: Milli Gimnastika Arenasında hər zaman yaxşı mühit var (FOTO)

Bakı. Cani Babayeva - Trend:

Milli Gimnastika Arenasında hər zaman yaxşı mühit var, tamaşaçılar təkcə Azərbaycan millisini deyil, həm də digər ölkələrdən olan idmançıları dəstəkləyir.

Bunu Trend-ə Moldovanın Azərbaycandakı səfiri George Luka deyib.

O bildirib ki, bu arenada ikinci dəfə bədii gimnastika yarışlarını izləyir:

“Azərbaycanda gözəl Gimnastika Arenası var. Bura təkcə gimnastika yarışları üçün yox, digər idman növləri üçün də nəzərdə tutulub”.

Səfir qeyd edib ki, yarışların ilk günündə öz ölkəsinin idmançıları ilə görüşməyi planlaşdırır.

Qeyd edək ki, bu gün Bakıda Milli Gimnastika Arenasında bədii gimnastika üzrə Dünya Kuboku yarışına start verilib. Üç gün davam edəcək turnirdə 39 ölkədən ümumilikdə 200-dən çox gimnast mübarizə aparır. Azərbaycanı Dünya Kubokunda fərdi proqramda Zöhrə Ağamirova və Veronika Qudis, həmçinin qrup hərəkətləri komandasının tərkibində Ayna Cəfərova, Simara Cəfərova, Güllü Ağalarzadə, Narın Qurbanova, Nərmin Cahangirova və Sona Rəhmanova təmsil edirlər.

Trend-in ən mühüm və maraqlı xəbərlərini "Telegram"da izləyin

You must enable Javascript on your browser for the site to work optimally and display sections completely.

Açar sözlər
Zöhrə Ağamirova , Nərmin Cahangirova , Ayna Cəfərova , Sona Rəhmanov , Dünya Kubo , Azərbaycanda Gözəl Gimnastika Arena , Azərbaycan Xəbərləri Class , Bakı Xəbərləri Class , Moldova Xəbərləri Class , Moldova , Azərbaycan , Bakı
İdman xəbərləri
Metbuat.az digər xəbərlər