Mübariz Qurbanlı: "Ekstremist qruplar dünyada terror törətməkdə davam edir"

Mübariz Qurbanlı:  "Ekstremist qruplar dünyada terror törətməkdə davam edir"

"Bu gün dünyada ekstremist qruplar faciələr terrorlar törətməkdə davam edir. Bunların qarşısını almaq bəşəriyyətin qarşısında dayanan bir nömrəli məsələdir".

Metbuat.az-ın məlumatına görə, bunu Azərbaycan Respublikası Dini Qurumlarla İş üzrə Dövlət Komitəsinin sədri Mübariz Qurbanlı, Komitə, Avropa İttifaqının Bakı ofisi və Azərbaycan Diplomatiya Akademiyasının birgə təşkilatçılığı ilə keçirilən "Dinlərarası dialoq və radikalizmlə mübarizə" mövzusunda keçirilən konfransda bildirib. Onun sözlərinə görə,

BMT səviyyəsində qlobal problemlər müəyyən edilib. Bunlar arasında ətraf mühitin mühafizəsi, müharibə, qida çatışmazlığı, demoqrafik problemlələrlə yanaşı dinlərarası toqquşma ilə bağlı terrorlar da yer alır:

"Müxtəlif dinlərin, mədəniyyətlərin birgə yaşayışına nümunə ola biləcək dövlətlərə nümunə kimi Azərbaycanı göstərmək olar. Azərbaycanda multikultural mühit hökm sürür. Azərbaycan Prezidentinin siyasətində də multikultural dəyərlər ciddi şəkildə mühafizə olunur. Bizim Komitə, Qafqaz Müsəlmanları İdarəsi, ölkəmizdəki müxtəlif dini konfessiyalar da bu siyasəti yerinə yetiririk. Bizim ölkədə müsəlmanlarla yanaşı xristianlığın, yəhudilərin ayrı-ayrı icmaları birgə yaşayır. Ümumilikdə ölkəmizdə 32 dini icma fəaliyyət göstərir. Bu olduqca əhəmiyyətlidir, ölkəmizdə vicdan azadlığı, dini azadlıq qorunur. Azərbaycan tarixində heç vaxt dini qarşıdurma, toqquşma qeydə alınmayıb. Bu gün də Azərbaycan tolerant, multikultural mühitini ölkə xaricində də geniş təbliğ edir.

Sivilizasiyalar arasındakı toqquşmanı din adamları, siyasətçilər, alimlər birgə ala bilərlər. Əks halda bunun 7,7 milyard əhalisi olan dünya üçün acınacaqlı nəticəsi olacaq. İlk növbədə səbəblər araşdırılmalıdır. Əminik ki, bu cür konfransları bundan sonra da geniş şəkildə davam etdirəcəyik".

Günay Elşadqızı / METBUAT.AZ

You must enable Javascript on your browser for the site to work optimally and display sections completely.

Açar sözlər
Mübariz Qurbanlı , Avropa Ittifaqı , Bmt , Qafqaz Müsəlmanları Idarəsi , Azərbaycan Respublikası Dini Qurumlarla Iş Üzrə Dövlət Komitəsi , Bakı Ofisi Və Azərbaycan Diplomatiya Akademiyası , Azərbaycan Xəbərləri Class , Bakı Xəbərləri Class , Azərbaycan
Siyasət xəbərləri
Mübariz Qurbanlı - "Yeni Zelandiya və Şri-Lankadakı terrorlar cinayətdir"

Mübariz Qurbanlı - "Yeni Zelandiya və Şri-Lankadakı terrorlar cinayətdir"

25-04-2019 21:39 - Yenisabah.az - Siyasət
Aprelin 25-də Dini Qurumlarla İş üzrə Dövlət Komitəsinin sədri Mübariz Qurbanlı Fransa hökumətinin Azərbaycanda səfərdə olan dini işlər üzrə məsləhətçisi Jan-Kristof Paskal ilə görüşüb. "Yeni Sabah" xəbər verir ki, Dövlət Komitəsinin sədri Mübariz Qurbanlı təkcə Fransanın deyil, Avropanın ən möhtəşəm tarixi-memarlıq abidələrindən biri olan Notr-Dam kilsəsində baş vermiş yanğınla bağlı dərin təəssüf hissi keçirdiyini və qədim dini abidənin tezliklə bərpa ediləcəyinə ümidvar olduğunu deyib. Azərbaycan ilə Fransa arasında çoxşaxəli münasibətlərin zəngin tarixi olduğunu bildirən Mübariz Qurbanlı əlaqələrin inkişafında Ulu Öndər Heydər Əliyevin Fransaya 1993-cü il tarixindəki səfərinə diqqət çəkib və bu əməkdaşlığın Prezident İlham Əliyevin rəhbərliyi ilə daha da gücləndiyini qeyd edib.  Ölkələr arasında humanitar yönümlü əlaqələrin də mövcudluğundan danışan Mübariz Qurbanlı 2015-ci ildə Fransaya səfərini və keçirdiyi görüşləri xatırladaraq,  səfər çərçivəsində Birinci vitse-prezident Mehriban Əliyevanın rəhbərlik etdiyi Heydər Əliyev Fondunun təşkilatçılığı ilə baş tutan “Azərbaycan Parisin ürəyində” adlı layihə çərçivəsində Parisdə keçirilən konfransda bir sıra aktual məsələlərin müzakirə edildiyini söyləyib, eyni zamanda bu görüşlərin əlaqələrin inkişafı baxımından əhəmiyyətli olduğunu vurğulayıb.  Ölkəmizdəki tolerantlıq mühitindən bəhs edən Komitə sədri bildirib ki, Azərbaycanda bütün dini inanclara, onların mənsublarına hörmətlə yanaşılır.
Metbuat.az digər xəbərlər