“Müxalifətin borcu belə fikirləri səsləndirməkdir” – Deputat AŞPA-dakı dinləmə HAQDA…

“Müxalifətin borcu belə fikirləri səsləndirməkdir” – Deputat AŞPA-dakı dinləmə HAQDA…

Aprelin 9-da Strasburqda Avropa Şurasının Parlament Assambleyasının yaz sessiyası çərçivəsində AŞ PA-nın Monitorinq və Hüquqi Məsələlər və İnsan Hüquqları komitələri Azərbaycanda siyasi məhbus problemi ilə bağlı dinləmələr təşkil edib. Dinləmələr ölkəmiz adına kifayət qədər sərt keçib və bir sıra məqamlar diqqət çəkib.

Tədbir haqqında danışan Azərbaycanın AŞPA-dakı nümayəndə heyətinin üzvü Fazil Mustafa bildirib ki, Azərbaycanda son zamanlar baş verən proseslər, siyasi məhbusların əfv olunması təqdirlə qarşılanmalı idi:

“Siyasi məhbusların əksəriyyətinin azadlığa çıxması barədə müsbət rəylər səsləndirilməli idi. Amma ayrı-ayrı ölkələr var ki, Azərbaycanın adını hər dəfə səsləndirməyə meyllənirlər. Ümumilikdə belə tendensiya genişlənmədi. Çünki Novruz bayramında geniş əfvin həyata keçirilməsi AŞPA-dakılar tərəfindən də yüksək qiymətləndirildi. Sadəcə Ermənistanın mövqeyi möhkəmləndirmək məqsədilə bəzidövlətlər fərqli addımlar atırlar. Bütövlükdə isə, tənqidlər indiki mərhələdə çox da əsaslı deyil”.

Azərbaycanlı müxalifət nümayəndələrinin də dinləmələrə qoşulmasına gəlincə, Fazil Mustafa deyib ki, ümumi nöqsanlar hər yerdə var və müxalifətin borcu belə fikirləri səsləndirməkdir:

“Əsas odur ki, məlumatlarda təhriflər olmasın. Reallıqları əks etdirsin. Ümumiyyətlə, mən bu fikirdəyəm ki, siyasi adla tanınan kimlərinsə həbs olunması yaxşı hal deyil. İndi də belə durum varsa, mütləq həll edilməlidir. Amma kimlərinsə tənqidinin qərəzli xarakter daşıması işin xeyrinə deyil. Əksinə real durumun tənqidi iqtidarın özü üçün də faydalıdır – müəyyən nəticə çıxarılar, neqativ hallar varsa, aradan qaldırıla bilər”.(modern.az)

97 Baxılıb

Siyasət xəbərləri
Turkustan.info digər xəbərlər
Zahid Orucun görəcəyi işlərin SİYAHIsı müəyyənləşdi – Prezident SƏRƏNCAM verdi

Zahid Orucun görəcəyi işlərin SİYAHIsı müəyyənləşdi – Prezident SƏRƏNCAM verdi

12-04-2019 16:50 - Turkustan.info - Siyasət
Sosial Tədqiqatlar Mərkəzinin əsas fəaliyyət istiqamətləri aşağıdakılardır:– Azərbaycan Respublikasında sosial tədqiqat, təhlil və proqnozlaşdırma işi ilə, habelə ictimai rəyin öyrənilməsi ilə bağlı siyasətin formalaşdırılmasında və həyata keçirilməsində iştirak etmək;– dövlət və cəmiyyət arasında qarşılıqlı münasibətlərin inkişaf dinamikasını və tendensiyalarını təhlil etmək, proaktiv yanaşma əsasında müasir informasiya texnologiyaları və innovativ üsullar vasitəsilə rəy sorğuları keçirmək, ictimai fikri öyrənmək, təhlil etmək və təkliflər vermək, elmi araşdırmalar aparmaq və bu sahədə dövlət orqanları (qurumları) ilə əməkdaşlıq etmək;– sosialyönümlü innovativ həll üsulları, müasir informasiya-kommunikasiya texnologiyaları vasitəsilə, habelə internet informasiya resurslarında, sosial şəbəkələrdə aparılan çoxşaxəli fəaliyyətlə cəmiyyət-dövlət təmaslarını gücləndirmək və inkişaf etdirmək;– idarəetmə prosesinin təkmilləşdirilməsi, aparılan islahatların səmərəliliyinin artırılması məqsədilə, habelə verilən qərarların, görülən tədbirlərin mümkün təsirlərinə dair sosial tədqiqatlar aparmaq;– ictimai əhəmiyyət kəsb edən müxtəlif mövzularda ictimai dinləmələr, debatlar keçirmək, bu sahədə vətəndaş cəmiyyəti institutları ilə əməkdaşlıq etmək, geniş müzakirə platformaları qurmaq və onları idarə etmək.