“OnePlus” smartfonlarının təqdimat tarixi açıqlanıb

“OnePlus” smartfonlarının təqdimat tarixi  açıqlanıb

“OnePlus” şirkəti yeni qabaqcıl “OnePlus 7” smartfonlarını mayın 14-də rəsmən təqdim etməyi planlaşdırır. Bu tarix şirkətin rəsmi nümayəndələri tərəfindən açıqlanıb.

“ICTnews” Elektron Xəbər Xidməti “Planet Today” resursuna istinadən yazır ki, bu dəfə “OnePlus” ənənəni pozaraq bir smartfon əvəzinə, ikisini təqdim etmək niyyətindədir. Söhbət “OnePlus 7” və “OnePlus 7 Pro” qurğularından gedir.

“OnePlus 7” smartfonu qiymət və keyfiyyət nisbətinə görə optimal variant kimi hesab edilir. “OnePlus 7 Pro” qurğusu isə yaxın illərdə bütün dünyada istifadəyə veriləcək beşinci nəsil mobil rabitə şəbəkəsini (5G) indidən dəstəkləməsi ilə seçilir.

“OnePlus 7” smartfonu dizaynda fərqlə yanaşı, üç moduldan ibarət əsas kamera, eləcə də son dövrlərdə dəb halını alan irəli çəkilən ön kamera ilə təchiz ediləcək.

Bundan əlavə, qurğu 6,5 düym diaqonallı “AMOLED” ekrana və 44 vatlıq qurğu vasitəsilə sürətli enerjidoldurmanı dəstəkləyən 4 min milliamper/saat tutumlu akkumulyator batareyasına malik olacaq.

“OnePlus 7” və “OnePlus 7 Pro” smartfonları birkristallı “Qualcomm Snapdragon 855” sistemi üzərində qurulub. Qurğuların başlanğıc qiyməti 570 dollar təşkil edəcək.

Nizam Nuriyev

You must enable Javascript on your browser for the site to work optimally and display sections completely.

Açar sözlər
Elektron Xəbər Xidməti , Oneplus
İKT xəbərləri
“Bakcell” “Formula-1” SOCAR Azərbaycan Qran-Prisi 2019 yarışına hazırdır

“Bakcell” “Formula-1” SOCAR Azərbaycan Qran-Prisi 2019 yarışına hazırdır

25-04-2019 16:06 - 7news.az - İKT
Həmçinin şirkət yarış müddətində trek ətrafında yerləşən ictimai məkanlarda öz məhsullarını Azərbaycan Qran-Prisinin tamaşaçılarına təqdim edəcək.
Bundan əlavə, "Bakcell” özünün sosial media səhifələrində abunəçilər üçün xüsusi müsabiqələr keçirib və qaliblərə "Formula-1” yarışına və bu yarış çərçivəsində keçirilən əyləncə tədbirlərinə 150-dən çox bilet hədiyyə edib.
Yarış həftəsonu ərzində mobil rabitə xidmətlərinə artan tələbatı nəzərə alaraq "Formula-1” SOCAR Azərbaycan Qran-Prisi 2019 yarışının ilk rəsmi dəstəkçisi olan "Bakcell” şirkəti Bakının mərkəzində, xüsusilə yarışların keçiriləcəyi ərazilərdə 2G, 3G və 4G şəbəkələrinin tutumunu maksimal dərəcədə optimallaşdırıb.
Bakı və Abşeron ərazisində saniyədə 225 meqabitə qədər mobil internet sürətini təmin edən və ən müasir texnoloji tələblərə cavab verən LTE-A şəbəkəsi tam hazırlıq vəziyyətə gətirilib, yarış zamanı mobil xidmətlərin istifadəsində (səs və məlumat ötürülməsi) yaranacaq iri həcmli trafik tələblərini qarşılamaq üçün isə dənizkənarı bulvar ərazisində 7 ədəd müasir mobil baza stansiyası quraşdırılıb.
Bundan əlavə, xüsusi təyin edilmiş personal tərəfindən yarış ərazisində 24 saat ərzində şəbəkəyə və digər texniki məsələlərə nəzarət aparılacaq.
Metbuat.az digər xəbərlər