Polis 7 maşından oğurluq edənləri həbs etdi

Polis 7 maşından oğurluq edənləri həbs etdi

Sumqayıt ŞPİ 3-cü PB əməkdaşlarının keçirdikləri əməliyyat tədbirləri nəticəsində 3 avtomobildən pul və mobil telefon oğurlamaqda şübhəli bilinən şəhər sakini B.Mehdiyev saxlanılıb.

DİN-in Mətbuat Xidmətindən SİA-ya verilən məlumata görə, Sumqayıt ŞPİ 1-ci PB-nin əməkdaşları tərəfindən aprelin 11-də N.Ağakişiyevə məxsus avtomobildən maqnitofon və akkumulyator oğurlamaqda şübhəli bilinən şəhər sakini İ.İslamov saxlanılıb.

Bundan başqa mayın 1-də və 3-də Sumqayıt şəhəri ərazisində 2 avtomobildən pul və akkumulyator oğurlamaqda şübhəli bilinən şəhər sakini, əvvəllər oğurluq etdiyinə görə məhkum olunan O.Qorçiyev Sumqayıt ŞPİ 4-cü PB-nin əməkdaşları tərəfindən saxlanılıb.

Axtarışda olduğuna görə tutulan Natiq Şahbazovun ətrafında Binəqədi RPİ 6-cı PB-nin əməkdaşları tərəfindən aparılmış əməliyyat tədbirləri ilə onun fevralın 3-də Bakı şəhər sakini M.Adinayevaya məxsus avtomobildən 2 ədəd mobil telefon oğurlaması da müəyyən edilib.

loading...

Hadisə xəbərləri
“İsrafil Hüseynov” gəmisindəki yanğınla bağlı  YENİ XƏBƏR – VİDEO

“İsrafil Hüseynov” gəmisindəki yanğınla bağlı YENİ XƏBƏR – VİDEO

09-05-2019 16:49 - Olaylar.az - Hadisə
Mayın 8-də "Saipem" şirkəti tərəfindən icarəyə götürülmüş "Azərbaycan Xəzər Dəniz Gəmiçiliyi" qapalı səhmdar cəmiyyətinə məxsus "İsrafil Hüseynov" borudüzən gəmisində texnoloji avadanlıqda yaranan nasazlığın aradan qaldırılması məqsədilə aparılan təmir işləri zamanı partlayışla müşayiət olunan yanğın baş verməsi səbəbindən şirkətinAzərbaycan Respublikası və digər xarici ölkələrin vətəndaşlarından ibarət 14 nəfər əməkdaşı müxtəlif dərəcəli bədən xəsarətləri alıb.

Fövqəladə Hallar Nazirliyi və Baş Prokurorluğun Mətbuat xidmətlərinin məlumatına görə, faktla bağlı Baş Prokurorluğun Ağır Cinayətlərə dair İşlər üzrə İstintaq İdarəsində Cinayət Məcəlləsinin 162.1-ci (texniki təhlükəsizlik və əmək mühafizəsinin başqa qaydalarının pozulması) maddəsi ilə cinayət işi başlanıb, Fövqəladə Hallar Nazirliyinin və prokurorluğun təcrübəli əməkdaşlarından ibarət istintaq qrupu yaradılıb.
Hadisə zamanı xəsarət almış şəxslərin təxirəsalınmadan sahilə çıxarılaraq Mərkəzi Neftçilər Xəstəxanasına yerləşdirilməsi təmin olunmaqla yüksək ixtisaslı həkimlər cəlb edilərək zərərçəkənlərin müayinə və müalicələri Səhiyyə Nazirliyinin rəhbərliyi tərəfindən xüsusi nəzarətə götürülüb.

Hazırda Ədliyyə Nazirliyinin Məhkəmə Ekspertiza Mərkəzi, Fövqəladə Hallar Nazirliyi, "Azərbaycan Xəzər Dəniz Gəmiçiliyi" QSC-nin ekspert və mütəxəssislərinin iştirakı ilə hadisənin baş vermə səbəblərinin və sair xüsusatların araşdırılması istiqamətində zəruri istintaq-əməliyyat tədbirləri həyata keçirilir.

Hadisə nəticəsində zərərçəkmiş vətəndaşlardan, eləcə də hadisə ilə bağlı məlumatlı şəxslərdən "Azərbaycan Xəzər Dəniz Gəmiçiliyi" QSC-nin 404-39-00, Fövqəladə Hallar Nazirliyinin "112", Baş Prokurorluğun 440-78-13 nömrəli "Qaynar xətt" əlaqə mərkəzlərinə zəng etmələri xahiş olunur.
Sia.az digər xəbərlər