Qazaxda aprel döyüşlərinin ildönümü qeyd edilib - FOTOLAR

Qazaxda aprel döyüşlərinin ildönümü qeyd edilib - FOTOLAR
Ordu.az-ın Qərb bürosunun məlumatına görə, Birinci Qarabağ savaşından sonra ordumuzun düşmən üzərində əldə etdiyi zəfərlərdən biri olan aprel döyüşlərinin üçüncü il dönümü Qazaxda təntənəli şəkildə qeyd olunub.

Əvvəlcə şəhidlərimizin əziz xatirəsi bir dəqiqəlik sükutla yad edilib. Daha sonra Azərbaycan respublikasının dövlət himni səsləndirilib və aprel döyüşlərindən sonra Azadlıq Meydanında nümayiş etdirilən döyüş bayraqları meydana gətirilib.

Müdafiyə Nazirliyi və Qazax rayon İcra Hakimiyyətinin birgə təşkil etdiyi "Aprel döyüşləri bizim şanlı qələbəmizdir" devizi ilə təşkil olunan hərbi şöhrət bayramında Ali Baş Komandan, Cənab Prezident İlham Əliyevin ölkə daxilində və xaricində apardığı uğurlu, məqsədyönlü siyasətdən eyni zamanda orduda aparılan islahatlar, müasir tələblərə cavab verən silah və texnikanın arsenalımıza daxil edilməsindən söz açılıb.

Bildirilib ki, ordumuz bu gün gücünə və malik olduğu müasir silahlara görə Cənubi Qafqazda birinci, dünyada isə 52-ci yerdə qərarlaşıb. Bu gün hərbçilərimiz beynəlxalq tədbirlərdə iştirak edir, keçirilən hərbi yarışlarda daim birinciliyi təmin edir. Azərbaycan respublikasının silahlı qüvvələrinin hərbçiləri Əfqanıstan, İraq və.s kimi müharibə gedən dövlətlərdə sülhməramlı missiyalar yerinə yetirir. Azərbaycan Ordusunun qoşun növlərindən biri olan Xüsusi Təyinatlı Qüvvələr Türkiyə və ABŞ Xüsusi Təyinatlı Qüvvələri ilə beynəlxalq arenada birinciliyi bölüşür.

Aprel döyüşləri bir daha onu sübut etdi ki, Azərbaycan hər an işğalda olan torpaqlarını hərb yolu ilə geri qaytara bilər. Sadəcə Azərbaycan tərəfi hər zaman humanist addım atır və qarşı tərəfi işğalçılıq prinsipindən əl çəkməyə dəvət edir. Lələtəpə üzərində dalğalanan bayrağımız ona işarədir ki, bu bayraq tezliklə işğal olunmuş bütün torpaqlarda dalğalanacaq.

Tədbirdə iştirak edən şəhid, Qarabağ qazilərinin ailələri də çıxışlarında qeyd ediblər ki, vətənin ərazi bütövlüyü uğrunda canlarından keçməyə onlar da hazırdır. Hər bir şəhid atası, xüsusi ilə dörd aprel şəhidin valideynlərinin çıxışı bu sonluqla yekunlaşıb: "Bu cür möhtəşəm qələbənin il dönümünü işğal altında olan torpaqlarımızda da qeyd edək".

Daha sonra "N" saylı Hərbi Hissənin kəşfiyyat bölüyünün hərbçiləri müxtəlif döyüş fəndləri, özünümüdafiə və həmlə hərəkətlərindən ibarət nümunələr nümayiş etdiriblər. Tədbir incəsənət və mədəniyyət nümayəndələrinin iştirakı ilə musiqili dəqiqələrlə davam edib.

Cümşüd Məmmədov

Siyasət xəbərləri
Ordu.az digər xəbərlər
Nə baş verir?| Mübariz QİO, Satqın “Alman planı” və Fürsətçillər

Nə baş verir?| Mübariz QİO, Satqın “Alman planı” və Fürsətçillər

26-04-2019 15:25 - Ordu.az - Siyasət
500 piyada, 70 süvari, 3 zirehli avtomobil Maştağanın cənubundan Buzovnaya gedən yolla hərəkət etmək istədilər, lakin Maştağa dəstəsi və Ləzgi süvari alayı tərəfindən geri atıldılar.579 Hələ iyulun axırlarında Şollar su xətti türk-Azərbaycan döyüşçülərinin nəzarətinə keçsə də, insanpərvərliklə seçilən türk-müsəlman komandanlığı şəhər əhalisinin əziyyətlərini nəzərə alaraq su xəttinə toxunmadı. 

Sentyabrın 10-da QİO komandanı Bakıya hücum əmrini imzaladı; Şərq Cəbhəsi komandanlığı və Şimal qrupu ləğv edilir; hazırlıq işləri 11 sentyabr saat 21-də tamamlanır; Şərq cəbhəsi kimi tanınan qüvvələr (5-ci, 15-ci firqələr, Cənub qrupu) birbaşa QİO komandanına tabe edilir; qoşunların tərkibi - 5-ci firqə: 9-cu, 10-cu, 13-cü, 56-cı piyada alayları, dağ qaubitsa batareyası, 13 rus səhra topu, 4 rus dağ topu, 2 ədəd 105 mm-lik səhra qaubitsası, 3 Qüdrətli dağ batareyası (10 top), 2 Şnayder topu, 6 Şnayder dağ topu; 15-ci firqə: 38-ci, 107-ci piyada alayları, 2-ci mürəttəb süvari alayı, Azərbaycan süvari alayları, Dikaya diviziya (Tatar süvari alayı nəzərdə tutulur) və milis (könüllülər) taborları, 105 mm-lik səhra qaubitsa, 2 rus Şnayder dağ, qüdrətli dağ batareyaları, 4 Krupp dağ topu, Krupp dağ taqımı; Cənub qrupu: 4-cü Azərbaycan piyada alayının 1-ci və 2-ci taborları, iki süvari bölüyü, süvari Azərbaycan bölüyü, iki Krupp dağ, iki rus səhra topu; 106-cı piyada alayının iki taboru Hökməlinin cənubunda ehtiyat saxlanılacaq, bir tabor 5-ci firqəyə veriləcək; 5-ci firqə sağ cinahı ilə Hacı Həsən-Ermənikənd istiqamətində irəliləyəcək, Heybət stansiyasından, dəniz sahili və Qurd qapısınadək olan ərazini tutacaq, mümkün olarsa, təpəni zəbt edəcək; 15-ci firqə Biləcərinin şərqindən sağ cinahı istiqamətində hücum edəcək.