Rusiyada raket zavodu yandı

Rusiyada raket zavodu yandı

Rusiyanın Krasnoyarsk vilayətində “Krasmaş” zavodunda baş verən yanğın insan tələfatı olmadan söndürülüb.

Son məlumata görə, “Krasmaş”da yanğın nəzarət altına alınıb. Hadisə yerinə cəlb olunmuş yanğınsöndürənlər yanğın yenidən başlamasın deyə tədbir görürlər.

“Exo Moskvı” bildirib ki, yanğında xəsarət alan olmayıb. “Roskosmos”un rəhbəri Dmitri Raqozinə hadisə ilə bağlı müntəzəm məlumat verilib. Yanğının raket zavoduna keçməməsi üçün bütün tədbirlər görülüb. Krasnoyarsk sakinlərinə zəhərli tüstüdən qorunmaq üçün qapı və pəncərələri bağlamaq tövsiyə olunub.

Xatırladaq ki, yanğın zavodun soyuducu qurğular anbarında başlayıb və 20 min kvadrat metri əhatə edib. Hadisənin başvermə səbəbi araşdırılır.

**

19:00 (26.04.2019)

Rusiyanın Krasnoyarsk vilayətində “Krasmaş” zavodunda yanğın başlayıb.

Virtualaz.org yerli KİV-ə istinadən bildirir ki, bu barədə Rusiya Fövqəladə Hallar Nazirliyi məlumat yayıb.

Bildirilir ki, yanğının ərazisi beş min kvadrat metr təşkil edir. Hadisə nəticəsində yanan dam örtüyü dağılıb.

“Krasmaş” zavodu sualtı qayıqlar üçün ballistik raketlər hazırlayır. Müəssisə, həmçinin yeni “Sarmat” kontinentlərarası raketin hazırlanması ilə məşğuldur.

Zavod 1932-ci ildən fəaliyyət göstərir və strateji əhəmiyyətli sayılır.

Açar sözlər
Fövqəladə Hallar Nazirliyi , Rusiya , Krasnoyarsk , Xəsarət
Hadisə xəbərləri
Virtualaz.org digər xəbərlər