Rüşvət verən iş adamı məhkəməyə məcburi gətirildi - yazılanları inkar etdi

Rüşvət verən iş adamı məhkəməyə məcburi gətirildi -  yazılanları inkar etdi

Oğlu maşınla şəhid qızını vurub öldürən iş adamı Akif Rəhimovun adı daha bir qalmaqalda keçir. Məlum olub ki, iş adamı oğlunun cinayətini gizlətmək üçün saxtakarlıq etmək istəyib. Belə ki, iş adamı oğlunun maşınla vurub öldürdüyü şəhid qızının sərxoş olması ilə bağlı ekspertiza rəyi almağa cəhd edib.


Bakı Ağır Cinayətlər Məhkəməsində 1988-ci il təvəllüdlü Babayev Elnur Yaşar oğlunun cinayət işi üzrə məhkəmə iclası keçirilib.


Cinayət Məcəlləsinin 178.3.2-ci (dələduzluq; külli miqdarda törədildikdə) maddəsi ilə ittiham edilən Elnur Babayev özünü təqsirli bilir.


Məhkəmə iclasına hakim Eldar Mikayılovun sədrlik edir.


Məhkəmədə nəhayət ki, Akif Rəhimov ifadə verib.


Akif Rəhimov məhkəmə iclaslarına gəlmədiyi üçün barəsində məcburi gətirilmə qərarı çıxarılmışdı və o, məhkəməyə polis tərəfindən gətirilib.


O, ötən məhkəmələrə gəlməməsini xəstə olması ilə izah edib.


İş adamı ifadəsində bildirib ki, Elnur Babayevə 52500 manat pulu hüquqi yardım üçün verib.


A.Rəhimov oğlu Rəhim Rəhimovun törətdiyi qəzaya görə şaxta rəy almaq istəməsini inkar edib.


İttihama görə Elnur Babayev iş adamı Akif Rəhimovdan ümumilikdə 52500 manat pul alıb. Həmin pulun qarşılığında isə Elnur Babayev Akif Rəhimovun oğlunun törətdiyi ölümlə nəticələnən qəzanı ört-basdır edəcəkmiş.


Elnur Babayev iş adamına vəd edib ki, qəza zamanı dünyasını dəyişən qadının sərxoş olması ilə bağlı ekspertiza rəyi alacaq. Həmçinin Elnur Babayev müstəntiq Vüqar Abbasov vasitəsi ilə işi Akif Rəhimovun oğlunun xeyrinə həll edəcəyini vəd edib. 10 min manatı ekspertiza rəyi, 42500 manatı isə həm onların xeyrinə danışacaq şahidlərin tapılmasına, həm də qəzanın Rəhim Rəhimovun yox, onların sürücüsünün adına rəsmiləşdirilməsini həll edəcəkmiş.


Lakin Elnur Babayev vədlərinə əməl etməyib. Qəza hadisəsi ictimailəşdiriləndən sonra müstəntiq Vüqar Abbasov işdən çıxarılıb.


V.Abbasov Səbail Rayon Polis İdarəsinin müstəntiqi vəzifəsində çalışıb. İndi isə onun ölkədən qaçdığı bildirilir.


Elnur Babayev Akif Rəhimovla "Yeganə" şadlıq sarayında görüşüb. Bütün bu danışıqlar da orada baş tutub. E.Babayev restoranda olan zaman A.Rəhimovdan 52500 manat alması ilə bağlı müqaviləyə də imza atıb.


Akif Rəhimov elə şadlıq sarayında hüquq-mühafizə orqanlarının əməkdaşlarını dəvət edərək Elnur Babayevdən şikayətçi olub.


Məlumaya görə, Elnur Babayev bundan başqa, Elvar Xəlilova qarşı da dələduzluq edib. Elvar Xəlilov hakimliyə namizəd olub, AMEA-nın işçisidir, hüquqşünasdır.


Məhkəmə iclası davam etdirilir.


Xatırladaq ki, 2017-ci ilin noyabrın 8-də Səbail rayonu ərazisində “Jeep Grand Cherokee” markalı 90-FO-007 dövlət nömrə nişanlı avtomobil yolu keçmək istəyən 1975-ci il təvəllüdlü Əkbərova Könül Elton qızını vurub.


K.Əkbərova aldığı xəsarətlərdən hadisə yerində vəfat edib.


Qəzadan sonra hadisə yerinə Rəhimovlar ailəsinin sürücüsü Əmrulla Şahbazov gəlib və qəzanı özünün törətdiyini deyib. Məsələ ictimailəşdiriləndən sonra hadisənin gerçək təfərrüatları üzə çıxıb.


Hadisədən 20 gün sonra saxlanılan Rəhim Rəhimov barəsində Cinayət Məcəlləsinin 263.2 (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb.


Bakı Ağır Cinayətlər Məhkəməsinin hökmü ilə R.Rəhimovun ittiham olunduğu Cinayət Məcəlləsinin 264-cü (hadisə yerindən qaçma) maddəsi hökmdən xaric olunub və məhkəmənin hökmü ilə o, 5 il müddətinə azadlıqdan məhrum edilib.


Daha sonra Bakı Apellyasiya Məhkəməsi R.Rəhimovun cəzasının qalan hissəsini məntəqə tipli cəzaçəkmə müəssisəsində keçirməsi barədə qərar qəbul edib.


O, azadlığa buraxılıb və cəzasının qalan hissəsini məntəqə tipli cəzaçəkmə müəssisəsində çəkəcək.


Xatırladaq ki, qəzanı törədən 17 yaşlı R.Rəhimov iş adamı, “Xırdalan Xəz” ASC-nin rəhbəri Akif Rəhimovun oğludur. Akif Rəhimov “Yeganə” şadlıq sarayının rəhbəridir. O, deputatlığa namizəd də olub.


Qəzada ölən K.Ələkbərova isə şəhid Elton Ələkbərovun qızıdır.(musavat.com)

Açar sözlər
Eldar Mikayılov , Elvar Xəlilov , Akif Rəhimov , Elnur Babayev , Vüqar Abbasov , Əkbərova Könül , Elton Ələkbərov , Rəhim Rəhimov , Səbail Rayon Polis Idarəsi , Bakı Ağır Cinayətlər Məhkəməsi , Bakı Apellyasiya Məhkəməsi , Elva , Xırdalan , Səbail , Xəsarət
Hadisə xəbərləri
Moderator.az digər xəbərlər
Aprelin 28-i növbəti qəbul imtahanı keçiriləcək

Aprelin 28-i növbəti qəbul imtahanı keçiriləcək

24-04-2019 11:43 - Moderator.az - Mədəniyyət
DİM-dən Moderator.az-a verilən məlumata görə, imtahanlar Bakı, Naxçıvan, Gəncə, Şəki, Bərdə, Göyçay, Şirvan, Xaçmaz və Lənkəran şəhərlərində təşkil olunacaqDövlət İmtahan Mərkəzi tərəfindən 2019-cu il aprelin 28-də :– ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə (kolleclərə) qəbul olmaq istəyən əvvəlki illərin məzunları;– ali və orta ixtisas təhsili müəssisələrinin müsabiqəsində buraxılış imtahanı çərçivəsində verilən xarici dil fənnindən fərqli xarici dil fənni üzrə iştirak etmək istəyən cari ilin məzunları;– ali və orta ixtisas təhsili müəssisələrinin müsabiqəsində orta məktəbdə təhsil aldıqları bölmədən fərqli bölmə üzrə iştirak etmək istəyən Azərbaycan və ya rus dili fənni üzrə imtahan verən cari ilin məzunları;– Azərbaycan və rus dilləri istisna olmaqla tədris digər dillərdə aparılan məktəblərin ali və orta ixtisas təhsili müəssisələrinin müsabiqəsində iştirak etmək istəyən və təhsil almaq istədikləri bölməyə uyğun Azərbaycan və ya rus dili fənni üzrə imtahan verən cari ilin məzunları;–xarici dil fənni tədris olunmayan məktəblərin ali və orta ixtisas təhsili müəssisələrinin müsabiqəsində iştirak etmək istəyən və elektron ərizə doldurarkən seçdikləri xarici dil fənni üzrə imtahan verən cari ilin məzunları;– üzrlü səbəbdən bu ay keçirilən buraxılış imtahanlarında (XI sinif) iştirak edə bilməyən cari ilin məzunları;– əvvəlki illərdə təhsil sənədi ala bilməyən və eksternat qaydasında imtahan verən məzunlar üçün imtahanlar keçiriləcək.