Sabiq baş nazir iyun ayında yeni partiyasını elan edəcək: "Davudoğlu sahəyə enir..."

Sabiq baş nazir iyun ayında yeni partiyasını elan edəcək: "Davudoğlu sahəyə enir..."

Yeni partiya qurmaq planını sürətləndirən Türkiyənin keçmiş baş naziri Əhməd Davudoğlu Ramazan ayında İstanbul, Ankara, İzmir başda olmaqla, 10 ayrı məkanlarda iftar mərasimində iştirak edəcək.

“Davudoğlu sahəyə enir” başlıqlı yazıda sabiq baş nazirin böyük insan kütləsinin iştirak edəcəyi ilk iftar mərasiminə mayın 13-də qatılacağı bildirilib.


Məlumata görə, mərasimlərdə Davudoğlu ilə birgə yeni partiyada addımlayacaq tanınmış simalar da iştrak edəcəklər: “Davudoğlunun yeni partiyasının adını isə iyun ayında elan edəcəyi gözlənilir”.(Strateq.az)

Siyasət xəbərləri
İlham Əliyev Qələbə Günü münasibətilə keçirilən mərasimdə iştirak edib

İlham Əliyev Qələbə Günü münasibətilə keçirilən mərasimdə iştirak edib

09-05-2019 10:56 - 7news.az - Siyasət
İkinci Dünya müharibəsində faşizm üzərində Qələbənin 74-cü ildönümü münasibətilə mayın 9-da Bakıda təntənəli mərasim keçirilib.


Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev və birinci xanım Mehriban Əliyeva mərasimdə iştirak ediblər.


Prezident, Ali Baş Komandan İlham Əliyev iki dəfə Sovet İttifaqı Qəhrəmanı, tank qoşunları general-mayoru Həzi Aslanovun abidəsi önünə əklil qoyub, İkinci Dünya müharibəsində misilsiz qəhrəmanlıqlar göstərən cəsur sərkərdənin xatirəsini ehtiramla yad edib.


Prezident İlham Əliyev və birinci xanım Mehriban Əliyeva Böyük Vətən müharibəsi veteranları ilə xatirə şəkli çəkdiriblər.


Fəxri qarovul dəstəsi hərbi marşın sədaları altında Prezident İlham Əliyevin qarşısından keçib.


Azərbaycan Prezidenti İlham Əliyev və birinci xanım Mehriban Əliyeva İkinci Dünya müharibəsinin iştirakçısı, partizan, Hollandiya Müqavimət Hərəkatının görkəmli nümayəndələrindən biri, Niderlandın azərbaycanlı Milli Qəhrəmanı Məmməd Məmmədovun ailə üzvləri və Oistervijk şəhərinin meri Hans Janssen ilə görüşüblər.


Sonra dövlətimizin başçısı və xanımı iki dəfə Sovet İttifaqı Qəhrəmanı Həzi Aslanovun ailə üzvləri, yaxın qohumları ilə görüşüblər, Qələbə günü münasibətilə onları təbrik ediblər.


Mərasimdə Baş nazir Novruz Məmmədov, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev və digər rəsmi şəxslər iştirak ediblər.



7News.
Moderator.az digər xəbərlər