Şri-Lanka bu ölkənin vətəndaşlarına viza verilişini dayandırır

Şri-Lanka bu ölkənin vətəndaşlarına  viza verilişini dayandırır

Şri-Lanka hökuməti silsilə terror hücumlarından sonra 39 ölkənin vətəndaşlarına vizasız giriş hüququ verməyəcək.

Metbuat.az xarici mediaya istinadən xəbər verir ki, bu barədə Şri-Lankanın Turizm, Vəhşi Təbiət və Xristianlıq naziri Con Amaratunq bildirib.

"İstintaq göstərdi ki, bazar günü törədilən terror hücumlarına görə məsul olanlar xaricdə terror təşkilatları ilə əlaqəsi olan şəxslərdir. Ona görə də (terrorçulara) ölkəyə sadələşdirilmiş giriş proqramından sui-istifadə etməyə imkan vermək istəməzdik", - nazir deyib.

Qeyd edək ki, 2019-cu ilin mart ayında Şri-Lanka hökuməti 39 ölkədən, o cümlədən Avropa İttifaqı ölkələrindən, Avstraliya və ABŞ-dan olan turistlərin ölkəyə girişini sadələşdirmək niyyətlərini açıqlayıb. Yeniliklər 2019-cu il mayın 1-də qüvvəyə minməli idi.

Xatırladaq ki, aprelin 21-də Şri-Lankada ölkə tarixində ən böyük silsilə terror hücumları baş verib.

You must enable Javascript on your browser for the site to work optimally and display sections completely.

Siyasət xəbərləri
Metbuat.az digər xəbərlər