Suraxanıda 3 küçə təmir edilib

Suraxanıda 3 küçə təmir edilib

Suraxanıda 3 küçə təmir edilib

19:20 26 Aprel 2019

Bakı şəhəri və onun qəsəbələrində vətəndaşların ümumi istifadəsində olan, həmçinin sosial obyektlərin yerləşdiyi və yol örtüyü qənaetbəxş vəziyyətdə olmadığı üçün gediş-gəlişdə problemlər yaşanan küçə və yollarda təmir-tikinti işləri davam etdirilir. Bu cür işlər Azərbaycan Avtomobil Yolları Dövlət Agentliyi tərəfindən digər Bakı şəhərinin rayonlarında olduğu kimi Suraxanı rayonunda da davam etdirilir. Cari ilin əvvəlindən start verilən işlər Suraxanı rayonunun 5 qəsəbəsini əhatə edir. Artıq 1.5 km uzunluğa malik 3 küçədə təmir işləri bitib. Bu Hövsan qəsəbəsində Bağça küçəsi (uzunluğu 520 metr), Yeni Suraxanı qəsəbəsində Aşağı qəsəbə küçəsi (uzunluğu 170 metr) və Əmircan qəsəbəsində Atamoğlan Rzayev küçəsidir (uzunluğu 800 metr). Təmir olunan sahə 10 min kv.m-ə yaxındır. Hazırda isə Bülbülə qəsəbəsində 2 küçənin təmiri davam etdirilir. Bu 700 metr uzunluğa malik Vüqar Bədəlov küçəsi və 3 km uzunluğunda olan Samir Əliyev küçəsidir. Bu küçələrdə 25 min kv.m sahədə aparılan təmir işləri çərçivəsində zəruri olan yerlərdə deformasiyaya uğramış yararsız qrunt qazılıb çıxarılır, əks dolğu işləri aparılmaqla kipləşdirmə işləri görülür, küçələr profilə salınır, zəruri yerlərdə optimal qum-çınqıl qarışığından yol əsası işlənilir və bunun ardınca asfaltlanma işləri aparılmaqla yeni yol infrastrukturu yaradılır.

Bu yollar vətəndaşların əsas istifadə etdiyi yollar olduğu üçün təmir-bərpa işlərinin aparılması gediş-gəlişin rahatlaşmasına, sərnişindaşımanın daha da asanlaşmasına gətirib çıxarır.

Yaxın müddət ərzində isə rayonun daha 4 küçəsində təmir işlərinə başlanılması planlaşdırılır. Bu Əmircan qəsəbəsində 2.5 km uzunluğa malik “5-ci döngə” küçəsi, Bülbülə qəsəbəsində 2 km uzunluğa malik 1-ci Bülbülə və Deputat küçələri, Yeni Suraxanı qəsəbəsində isə 1.5 km uzunluğa malik Mərkəzi küçəsidir. Təmir olunacaq ərazi 40 min kv.m-dən çoxdur.

Qeyd edək ki, təmir-tikinti işləri ilkin mərhələdə sözügedən ərazilərdə aparılır. İşlərin yekunlaşması ardıcıllığına uyğun olaraq Suraxanı rayonu üzrə digər küçə və yollarda işlərin davam etdirilməsi nəzərdə tutulur.

Femida.az

Açar sözlər:

Oxunub: 16


İqtisadiyyat xəbərləri
Xətaidə qeyri-qanuni tikinti işləri dayandırılıb

Xətaidə qeyri-qanuni tikinti işləri dayandırılıb

26-04-2019 22:33 - Yenisabah.az - İqtisadiyyat
Dövlət Şəhərsalma və Arxitektura Komitəsi Bakı şəhəri, Xətai rayonu, Süleyman Vəzirov küçəsi, 17 ünvanında aparılan qeyri-qanuni tikinti işlərini dayandırıb. Bu barədə “Yeni Sabah”a Komitədən bildirilib. Məlumata görə, 2018-ci ilin noyabr ayında Bakı şəhəri, Xətai rayonu, Süleyman Vəzirov küçəsi, 17 ünvanında yerləşən yaşayış kompleksinin sakinləri tərəfindən yaşadıqları binalar qarşısında boş sahədə hündürmərtəbəli evlərin tikintisinə başlamaq cəhdləri barədə kollektiv şikayət Komitəyə daxil olub. Dövlət Şəhərsalma və Arxitektura Komitəsinin mütəxəssisləri tərəfindən məsələ ilə bağlı aparılmış araşdırma nəticəsində məlum olub ki, Bakı Şəhər İcra Hakimiyyəti tərəfindən 2018-ci ilin mart ayında həmin ərazidə çoxmərtəbəli yaşayış binasının “Azenne Group” MMC tərəfindən tikintisinə icazə icraatına başlansa da, icraat başa çatdırılmamış və həmin binanın tikintisinə icazə verilməyib. Bununla əlaqədar, Komitə tərəfindən aidiyyəti dövlət qurumlarına qanunvericiliklə müəyyən olunmuş qaydada tikintiyə icazə alınana qədər bu ərazidə tikinti işlərinin dayandırılması ilə bağlı müraciət ünvanlanıb. “Azenne Group” MMC tərəfindən təqdim olunmuş layihəyə əsasən 4 girişli 22-25 mərtəbəli yaşayış binasının tikintisi nəzərdə tutulurdu ki, bu da şəhərsalma qanunvericiliyi ilə tikinti sıxlığı üzrə həmin ərazi üçün müəyyən olunmuş normaları bir neçə dəfə üstələyir.
Femida.az digər xəbərlər