Şuşada bu ərazilərdə reklam yerləşdirmək qadağan olundu

Şuşada bu ərazilərdə reklam yerləşdirmək qadağan olundu

Şuşa şəhərinin ərazisində reklam qurğularının yerləşdirilməsi qadağan edilən abidələrin siyahısı təsdiq edilib.

Modern.az xəbər verir ki, bununla bağlı Nazirlər Kabinetinin 366 nömrəli Qərarına dair izahda deyilir ki, Qərar “Azərbaycanın mədəniyyət paytaxtı - Şuşa şəhəri haqqında” Azərbaycan Respublikasının 2021-ci il 31 may tarixli 338-VIQ nömrəli Qanununun tətbiqi barədə” Azərbaycan Respublikası Prezidentinin Fərmanının icrasını təmin etmək məqsədilə hazırlanıb.

Nazirlər Kabineti tərəfindən müvafiq Qərarın qəbul edilməsi Şuşa şəhəri ərazisindəki tarix-mədəniyyət abidələrinin qorunması, salamatlığının təmin edilməsi, quruluşuna xələl gətirilməməsi və gələcək nəsillərə olduğu kimi çatdırılmasına hüquqi zəmin yaradır, həmçinin ərazidə qoruq rejiminin tətbiqinə imkan verir. Bununla Şuşa şəhərinin tarix və mədəniyyət abidələrinin dövlət tərəfindən mühafizəsi gücləndirilir.

Açar sözlər
Nazirlər Kabineti , Azərbaycan , Azərbaycan Respublikası , Şuşa
Siyasət xəbərləri
Modern.az digər xəbərlər