Türkiyə "S-400"-ləri Azərbaycana verməyəcək

Türkiyə "S-400"-ləri Azərbaycana verməyəcək

Çavuşoğlu: "Əgər Rusiya bu kompleksləri Azərbaycana satmaq qərarına gəlsə, onda bunu vasitəçisiz, birbaşa edə bilərlər"

BAKI, 24 aprel — Sputnik. "Rəsmi Ankaranın Türkiyəyə tədarük edilən "S-400" zenit-raket komplekslərini Qətər və Azərbaycana vermək niyyəti yoxdur". Sputnik Azərbaycan "RİA Novosti"-yə istinadən xəbər verir ki, bunu Türkiyənin Xarici İşlər naziri Mövlud Çavuşoğlu deyib.

Qeyd edək ki, bəzi Türkiyə KİV-i "S-400"-lərin Qətərə və Azərbaycana verilməsinin mümkünlüyü barədə yazmışdı.

"Söhbət "S-400"lərin Qətər və ya Azərbaycanda yerləşdirmək planlarından getmir. Belə bir məsələ heç vaxt müzakirə olunmayıb. Bu məlumat daim KİV tərəfindən tirajlanır" - Çavuşoğlu bildirib.

"Əslində, bu məsələ ilə bağlı heç bir çətinlik yoxdur. Biz Rusiya ilə saziş bağlamışıq və hazırda komplekslərin tədarükü müddətini müzakirə edirik. Əgər Rusiya bu kompleksləri Azərbaycana satmaq qərarına gəlsə, onda bunu vasitəçisiz, birbaşa edə bilərlər. Bu ölkələrin olduqca yaxşı münasibətləri var" - deyə XİN başçısı vurğulayıb.

Qeyd edək ki, martın 6-da ABŞ Dövlət Departamenti Türkiyəni sanksiyalarla hədələyib. Belə ki, Birləşmiş Ştatlar Rusiyadan "S-400" alacağı təqdirdə Türkiyəyə sanksiyalar tətbiq edəcəklərini açıqlayıb.

ABŞ Dövlət Departamentinin mətbuat katibinin müavini Robert Palladino da Türkiyənin Rusiyadan "S-400" almasına münasibət bildirib. O, ABŞ-ın "S-400" məsələsində mövqeyinin dəyişmədiyini və Türkiyənin Rusiyadan bu sistemləri almaq cəhdinin ABŞ-ı ciddi şəkildə narahat etdiyini dilə gətirib.

"Havadan müdafiə sistemi məsələsində Türkiyə ilə bərabər işləməyə hazırıq və Türkiyənin qiymətləndirməsi üçün "Patriot" və digər sistemləri təklif edirik. Türkiyənin "S-400" alması Ankaranın "F-35" qırıcılarının 5-ci nəsil proqramının yaradılmasında iştirakına yenidən baxmağımıza səbəb olacaq. Bundan əlavə, gələcəkdə Türkiyəyə silah tədarükü imkanları sual altına düşəcək" - deyə amerikalı sözçü vurğulayıb.

Siyasət xəbərləri
“Qazın limitini artırıb, Qarabağa azadlıq istəyənlərin “qaz”ını almaq lazımdır...”

“Qazın limitini artırıb, Qarabağa azadlıq istəyənlərin “qaz”ını almaq lazımdır...”

24-04-2019 19:51 - Moderator.az - Siyasət
“Əşşi, qaçqın-köçkün, Qarabağ qazisi kimdir ki, deyə ki, torpaqları müharibə yoluyla azad etmək gərəkdir?..” Milli Məclisin dünənki iclasında hörmətli spiker Oqtay Əsədovun, möhtərəm deputatlar Qənirə Paşayeva, Fazil Mustafa, Fərəc Quliyev və digərlərinin Qarabağ və qaza, işığa qoyulan limitin artırılması məsələləri ilə bağlı çıxışlarını dinləyib belə qənaətə gəldik ki, gələcək üçün strategiyamız hələlik bu cürdür:“Qazın, işığın limitini artırmaq, Qarabağa azadlıq istəyənlərin “qazı”nı almaq lazımdır...”***Şəxsən bir vətəndaş kimi düşünürəm ki, qazın, işığın limitini artırmasaq da olar, amma Qarabağa azadlıq istəyinə mütləq hədd, limit qoymaq lazımdır...***Qarabağ məsələsinin ətalətli, üzr istəyirəm, ədalətli həlli üçün xaricdə kifayət qədər lazımlı danışıqlar aparılır, ona görə də daxildəki: çayxanalarda, xeyir-şər məclislərində, evlərdə, sosial şəbəkələrdə, saytlardakı lazımsız danışıqlara limit qoymaq lazımdı ki, camaat lazım gəldi-gəlmədi, ağzına gələni danışıb həddini aşmasın...***Əşşi, adi vətəndaş, özü də qaçqın-köçkün, nə bilim, Qarabağ qazisi, veteranı, əlili kimdir ki, evdə, küçədə, mitinqdə deyə ki, torpaqları müharibə yoluyla azad etmək gərəkdir.
Sputnik.az digər xəbərlər