"Türkiyəyə qarşı təhdid və təzyiqlər nəticə verməyəcək" XİN sözçüsü

"Türkiyəyə qarşı təhdid və təzyiqlər nəticə verməyəcək" XİN sözçüsü

"ABŞ anlamalıdır ki, Türkiyəyə qarşı təhdid və təzyiqlər nəticə verməyəcək". SİA "Anadolu"ya istinadən xəbər verir ki, bunu Türkiyə Xarici İşlər Nazirliyinin sözçüsü Hami Aksoy, ABŞ-ın vitse-prezidenti Mayk Pensin NATO-nun xarici işlər nazirlərinin Vaşinqtonda keçirilən görüşündə Türkiyənin ünvanına səsləndirdiyi tənqidlərə münasibət bildirərkən deyib.

"ABŞ rəsmiləri yenə də təhdid dilinə əl atdılar. Amma əvvəllər bu cür yanaşmaların mənasız olduğunu gördük. Ankara təzyiqlərə boyun əyməyəcək. ABŞ nəticə etibarilə Ankaraya qarşı təhdidlərin mənasız olduğunu dərk etməlidir", Aksoy bildirib.

Onun sözlərinə görə, Türkiyə və ABŞ ikitərəfli münasibətlərdəki problemləri həll etmək üçün dialoqu davam etdirirlər: "Biz Amerika tərəfinin Türkiyənin milli təhlükəsizliyinə təsir edən məsələlərdə konkret addımlar atmasını gözləyirik".

loading...

Siyasət xəbərləri
Prezident İlham Əliyev Pekində Beynəlxalq Əməkdaşlıq Forumunda iştirak edir

Prezident İlham Əliyev Pekində Beynəlxalq Əməkdaşlıq Forumunda iştirak edir

26-04-2019 09:02 - Ona.az - Siyasət
O, “Bir kəmər, bir yol” layihəsinin həm də ölkələr arasında ikitərəfli, üçtərəfli və çoxtərəfli əməkdaşlığı da əhatə etdiyini vurğulayıb.

Çin lideri iqtisadi, ticari, maliyyə və digər sahələrdə xüsusi əhəmiyyəti ilə seçilən bu təşəbbüsün qədim İpək Yolu üzərində yeni dəyərlərin formalaşmasına da dəstək göstərdiyini, qloballaşmanın iqtisadiyyata mənfi təsirlərini azaltdığını, bu layihənin beynəlxalq səviyyədə yüklərin daşınmasına və beləliklə də milli gəlirlərin artmasına, regional inkişafa ciddi təkan verdiyini bildirib.

Həmin layihənin həyatın bütün sahələrinə, xüsusilə də sosial məsələlərə inkişaf baxımından ciddi təsir göstərdiyini deyən Çinin dövlət başçısı mədəni-humanitar əlaqələrin genişlənməsində də yeni mərhələnin başlandığını vurğulayıb.

Sonra Rusiya Prezidenti Vladimir Putin, Qazaxıstanın birinci Prezidenti Nursultan Nazarbayev, Misir Prezidenti Əbdülfəttah Sisi, Malayziyanın Baş naziri Mahathir Mohammad, Pakistanın Baş naziri İmran Xan, BMT-nin Baş katibi Antonio Quterreş “Bir kəmər, bir yol” təşəbbüsünün əhəmiyyətindən danışıblar.

Onlar bəşəriyyəti narahat edən məsələlərə diqqət çəkiblər, mövcud problemlərin həllində və dünya iqtisadiyyatının dinamik inkişafında bu layihənin böyük rol oynadığını bildiriblər.
Sia.az digər xəbərlər