Ukraynada sabiqlər fəallaşdı: Rusiya məsələsi... - Açıqlamalar


Ukraynanın birinci prezidenti Leonid Kuçma Moskvanı Kiyevin maraqlarını qarşılamağa çağırıb.

Teleqraf.com xəbər verir ki, keçmiş prezidentin fikrincə, Donbasda və bütövlükdə Ukraynada problemlərin dialoq vasitəsi ilə həlli sınaqdan çıxarılmalııdr.

Leonid Kuçma yaxşı münasibətlər üçün qarşılıqlı səyin göstərilməsini vacib hesab edir: "Bir tərəf bu istiqamətdə addım atsa, o biri tərəf durub baxsa, bu münasibətlər alına bilməz".

Bu ara daha bir sabiq - Petro Poroşenkodan öncəki Ukrayna prezidenti, Maydan hərəkatı ilə ölkədən qaçmağa məcbur olmuş Viktor Yanukoviçin geri qayıtmaq istəyi məlum olub.

Bu barədə onun vəkili Vitali Serdyuk açıqlama verib. Vəkil sabiq dövlət başçısına qarşı qaldırılmış cinayət işinin ləğvini istəyib: "Viktor Yanukoviç Rusiya ərazisində müvəqqəti və məcburi məskunlaşıb. Onun müdafiəçiləri çalışırlar Yanukoviçin hüquqları bərpa olunsun, sübuta yetirilsin ki, ona qarşı ittihamlar hüquqi yox, siyasidir".

Qeyd edək ki, Viktor Yanokoviç Vladimir Zelenskini prezident seçilməsi münasibəti ilə təbrik edib, ukraynalıların ondan sülh və çiçəklənmə gözlədiyini vurğulayıb.


Siyasət xəbərləri
Teleqraf.com digər xəbərlər
Növbəti imtahanların vaxtı açıqlandı

Növbəti imtahanların vaxtı açıqlandı

24-04-2019 11:52 - Teleqraf.com - Mədəniyyət
Beləliklə, Dövlət İmtahan Mərkəzi tərəfindən aprelin 28-də ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə (kolleclərə) qəbul olmaq istəyən əvvəlki illərin məzunları, ali və orta ixtisas təhsili müəssisələrinin müsabiqəsində buraxılış imtahanı çərçivəsində verilən xarici dil fənnindən fərqli xarici dil fənni üzrə iştirak etmək istəyən cari ilin məzunları, ali və orta ixtisas təhsili müəssisələrinin müsabiqəsində orta məktəbdə təhsil aldıqları bölmədən fərqli bölmə üzrə iştirak etmək istəyən Azərbaycan və ya rus dili fənni üzrə imtahan verən cari ilin məzunları, Azərbaycan və rus dilləri istisna olmaqla tədris digər dillərdə aparılan məktəblərin ali və orta ixtisas təhsili müəssisələrinin müsabiqəsində iştirak etmək istəyən və təhsil almaq istədikləri bölməyə uyğun Azərbaycan və ya rus dili fənni üzrə imtahan verən cari ilin məzunları, xarici dil fənni tədris olunmayan məktəblərin ali və orta ixtisas təhsili müəssisələrinin müsabiqəsində iştirak etmək istəyən və elektron ərizə doldurarkən seçdikləri xarici dil fənni üzrə imtahan verən cari ilin məzunları, üzrlü səbəbdən bu ay keçirilən buraxılış imtahanlarında (XI sinif) iştirak edə bilməyən cari ilin məzunları, əvvəlki illərdə təhsil sənədi ala bilməyən və eksternat qaydasında imtahan verən məzunlar üçün imtahanlar keçiriləcək.